ଟିକାକରଣରେ ଦେଶରେ ରେକର୍ଡ : ଗୋଟିଏ ଦିନରେ ହେଲା କୋଟିଏ ଟିକାକରଣ
ଟୁଇଟ କରି ଶୁଭେଚ୍ଛା ଜଣାଇଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି;୬୨ କୋଟି ଟପିଲା ମୋଟ୍ ଟିକାକରଣ
କନକ ବ୍ୟୁରୋ : ଟିକାକରଣରେ ମାଇଲ ଖୁଣ୍ଟ ଛୁଇଁଛି ଭାରତ । ଗୋଟିଏ ଦିନରେ ଏକ କୋଟିରୁ ଅଧିକ ଲୋକଙ୍କୁ ଟିକା ଦିଆଯାଇଛି । ଜାନୁୟାରୀ ୧୬ ତାରିଖରେ ଦେଶରେ ଟିକାକରଣ ଆରମ୍ଭ ହୋଇଥିଲା । ଗୋଟିଏ ଦିନର ଟିକାକରଣରେ ଆଜି ରେକର୍ଡ ସୃଷ୍ଟି ହୋଇଛି । ଆଜି ୧ କୋଟି ୬୪ ହଜାର ୩୨ ଡୋଜ୍ ଟିକା ଦିଆଯାଇଥିବା ସୂଚନା ମିଳିଛି । ଏ ନେଇ ଟ୍ୱିଟ୍ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ସେ କହିଛ, ଦିନକରେ କୋଟିଏ ଟିକା ଦିଆଯିବା ଏକ ବଡ଼ ଉପଲବ୍ଧି ।
Kanak News is now on WhatsApp
Join and get latest news updates delivered to you via WhatsApp
ଟିକା ନେଇଥିବା ବ୍ୟକ୍ତି ଏବଂ ଟିକାକରଣକୁ ସଫଳ କରିଥିବା ସ୍ୱାସ୍ଥ୍ୟ କର୍ମୀଙ୍କୁ ଟ୍ୱିଟ୍ କରି ପ୍ରଶଂସା କରିଛନ୍ତି ପ୍ରଧାନମନ୍ତ୍ରୀ । ଦେଶରେ ମୋଟ ୬୨ କୋଟିରୁ ଅଧିକ ଡୋଜ୍ ଟିକା ଦିଆଯାଇଛି । ଏହା ମଧ୍ୟ ଆଉ ଏକ ମାଇଲ ଖୁଣ୍ଟ । ଏପର୍ଯ୍ୟନ୍ତ ୬୨ କୋଟି ୧୭ ଲକ୍ଷରୁ ଅଧିକ ଡୋଜ୍ ଟିକା ଦିଆଯାଇଛି । ସେଥିମଧ୍ୟରୁ ୪୮ କୋଟି ୮ ଲକ୍ଷରୁ ଅଧିକ ଲୋକ ଗୋଟିଏ ଡୋଜ୍ ଟିକା ନେଇଥିବା ବେଳେ ୧୪ କୋଟି ୮ ଲକ୍ଷରୁ ଅଧିକ ଲୋକ ନେଇଛନ୍ତି ସଂପୂର୍ଣ୍ଣ ୨ ଡୋଜ୍ ଟିକା ।