ନିର୍ବାଚନୀ ପ୍ରଚାରରେ କମଲ ହାସନଙ୍କ ବଡ ବୟାନ । କହିଲେ ନାଥୁରାମ ଗଡସେ, ସ୍ୱାଧୀନ ଭାରତର ପ୍ରଥମ ଆତଙ୍କବାଦୀ ।
କନକ ବ୍ୟୁରୋ : ୧୯ ଯୁଦ୍ଧର ଶେଷ ଲଢେଇ ବାକି ରହିଥିବା ବେଳେ ସରଗରମ ହୋଇଛି ଜାତୀୟ ରାଜନୀତି । ଆଉ ୧୯ ରଣାଙ୍ଗନର ନିର୍ବାଚନୀ ପ୍ରଚାରରେ ବଡ ବୟାନ ରଖିଛନ୍ତି କମଲ ହସନ । ମହାତ୍ମା ଗାନ୍ଧୀଙ୍କ ହତ୍ୟାକାରୀ ନାଥୁରାମ ଗଡ଼ସେ ସ୍ୱାଧୀନ ଭାରତର ପ୍ରଥମ ଆତଙ୍କବାଦୀ ବୋଲି ରବିବାର ଦିନ ନିର୍ବଚାନ ପ୍ରଚାର ଅଭିଯାନ ସମୟରେ କହିଛନ୍ତି କମଲ ହାସନ । ମେ ୧୯ ତାରିଖ ଦିନ ହେବାକୁ ଥିବା ଉପ ନିର୍ବାଚନରେ ତାଙ୍କର ପ୍ରାର୍ଥୀ ସେ ମୋହନରାଜଙ୍କ ପାଇଁ ଅବରାକୁରିଚି ଠାରେ ପ୍ରଚାର ମସୟରେ ମକ୍କଲ ନୀଧି ମଇୟାମ୍ (ଏମ୍ଏନ୍ଏମ୍) ଦଳର ନେତା କମଲ ହାସନ୍ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ନିର୍ବାଚନ ଅଭିଯାନ ସମୟରେ ଗୋଟାଏ ଭ୍ୟାନ୍ ଉପରେ ଥାଇ ହାସନ୍ କହିଲେ, ଏଠାରେ ଅନେକ ମୁସଲମାନ ଥିବାରୁ ମୁଁ ଏ କଥା କହୁନାହିଁ । ଏ କଥା ମୁଁ ଗାନ୍ଧୀଜୀଙ୍କ ପ୍ରତିମୂର୍ତ୍ତି ଆଗରେ କହୁଛି । ସ୍ୱାଧୀନ ଭାରତର ପ୍ରଥମ ଆତଙ୍କବାଦୀ ଥିଲା ଜଣେ ହିନ୍ଦୁ । ସେ ଆହୁରି କହିଲେ ଯେ ବିବେକ ମଧ୍ୟରେ ମୁଁ ହେଉଛି ଗାନ୍ଧୀଜୀଙ୍କ ଅଣନାତି । ସେ ହତ୍ୟାକାଣ୍ଡ ସଂକ୍ରାନ୍ତରେ ପ୍ରଶ୍ନ ପଚାରିବାକୁ ମୁଁ ଏଠାକୁ ଆସିଛି । ଏ ଘଟଣାକୁ ସେ ଦୃଷ୍ଟିରୁ ବିଚାର କରନ୍ତୁ । ଉତ୍ତମ ଭାରତୀୟଗଣ ଚାହାଁନ୍ତି ଭାରତ ସମାନ ଓ ଶାନ୍ତିପୂର୍ଣ୍ଣ ହେଉ ଏବଂ ତ୍ରିରଙ୍ଗାର ତିନୋଟି ରଙ୍ଗ ରହିଥାଉ ।