କନକ ବ୍ୟୁରୋ: ୨୦୨୦ ମସିହା ଜାନୁଆରୀ ୩୦ ତାରିଖରେ ଭାରତରେ ପ୍ରଥମକରି କୋଭିଡ୍ ଭାଇରସ ଚିହ୍ନଟ ହୋଇଥିଲା । ଚୀନରୁ ଫେରିଥିବା ଜଣେ ମେଡିକାଲ୍ ଷ୍ଟୁଡେଣ୍ଟ ପ୍ରଥମ କରି ଭାରତରେ ପଜିଟିଭ୍ ଚିହ୍ନଟ ହୋଇଥିଲେ । ତେବେ ସେହି ଷ୍ଟୁଡେଣ୍ଟ ଜଣକ ଏବେ ପୁଣିଥରେ କୋଭିଡ୍ ଭାଇରସରେ ଆକ୍ରାନ୍ତ ହୋଇଥିବା ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
କେରଳର ତ୍ରିଶୁର ଅଂଚଳରେ ବସବାସ କରୁଥିବା ଏହି ମେଡିକାଲ୍ ଷ୍ଟୁଡେଣ୍ଟ ଜଣକ କିଛି ଦିନ ତଳେ କୋଭିଡ୍ ପରୀକ୍ଷା କରିଥିଲେ । ଏହି ସମୟରେ ତାଙ୍କର ଆଣ୍ଟିଜେନ୍ ରିପୋର୍ଟ ନେଗେଟିଭ୍ ଆସିବା ସହିତ ଆରଟିପିସିଆର୍ ଟେଷ୍ଟ ପଜିଟିଭ୍ ଆସିଛି । ତେବେ ତାଙ୍କ ପାଖରେ କୋଭିଡର ସାମାନ୍ୟ ଲକ୍ଷଣ ଦେଖିବାକୁ ମିଳିଛି ବୋଲି ସେଠାକାର ଡାକ୍ତର ସୂଚନା ଦେଇଛନ୍ତି ।
୨୦୨୦ ଜାନୁଆରୀ ମାସରେ ଚୀନରେ ପାଠ ପଢୁଥିବା ସେହି ଛାତ୍ରୀ ଜଣକ ଭାରତକୁ ଆସିବା ପରେ ପଜିଟିଭ୍ ଚିହ୍ନଟ ହୋଇଥିଲେ । ଏହାପରେ ସାରା ଦେଶରେ କରୋନାର କାୟା ବିସ୍ତାର ଦେଖିବାକୁ ମିଳିଥିଲା । ବିଶେଷକରି ଚୀନରୁ ଫେରିଥିବା ନାଗରିକମାନେ କୋଭିଡରେ ସଂକ୍ରମିତ ହୋଇଥିଲେ । ହେଲେ ଏହାର ପାଖାପାଖି ଦେଢ ବର୍ଷ ପରେ ପୁଣିଥରେ ସେହି ଛାତ୍ରୀ ଜଣକ କୋଭିଡ୍ ପଜିଟିଭ୍ ଚିହ୍ନଟ ହୋଇଛନ୍ତି ।