ଭାରତରେ କରୋନା ଆକ୍ରାନ୍ତଙ୍କ ସଂଖ୍ୟା ୯୦ଲକ୍ଷ ଟପିଲା : ଆମେରିକା ପରେ ଦ୍ୱିତୀୟ ଦେଶ ଭାବେ ଆଲୋଡା ରେକର୍ଡ କରିଛି ଭାରତ
କନକ ବ୍ୟୁରୋ : ଭାରତରେ କରୋନା ସଂକ୍ରମିତଙ୍କ ସଂଖ୍ୟା ୯୦ ଲକ୍ଷ ଟପି ଯାଇଛି । ଆମେରିକା ପରେ ଦ୍ୱିତୀୟ ଦେଶ ଭାବେ ଏହି ଅଲୋଡା ରେକର୍ଡ କରିଛି ଭାରତ । ବୁଧବାର ଦେଶରେ ୪୬ ହଜାର ନୂଆ ସଂକ୍ରମିତ ଚିହ୍ନଟ ହେବା ପରେ ଏହି ସଂଖ୍ୟା ଅତିକ୍ରମ କରିଛି ଭାରତ । ନଭେମ୍ବର ମାସରେ ଆମେରିକାରେ ସର୍ବାଧିକ ୨୪ ଲକ୍ଷ ୮ହଜାର ନୂଆ ସଂକ୍ରମିତ ଚିହ୍ନଟ ହୋଇଥିବାବେଳେ ଭାରତରେ ୮ ଲକ୍ଷ ୨ ହଜାର ଆକ୍ରାନ୍ତ ଚିହ୍ନଟ ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେହିପରି ନଭେମ୍ବର ମାସରେ ଆମେରିକାରେ ସର୍ବାଧିକ ୨୦ ହଜାର ୮୨୯ ଜଣଙ୍କର ମୃତ୍ୟୁ ହୋଇଥିବାବେଳେ ଫ୍ରାନ୍ସରେ ୧୦ ହଜାର ୧୩୩ ଜଣଙ୍କର ମୃତ୍ୟୁ ହୋଇଛି । ତେବେ ନଭେମ୍ବର ମାସରେ ସଂକ୍ରମଣ ହାର କମ୍ ରହିଛି । ସେପ୍ଟେମ୍ବର ମାସରେ ମାତ୍ର ୧୧ ଦିନରେ ୧୦ ଲକ୍ଷ ନୂଆ ସଂକ୍ରମିତ ଚିହ୍ନଟ ହୋଇଥିବାବେଳେ ଶେଷ ୧୦ ଲକ୍ଷ ନୂଆ ରୋଗୀ ଚିହ୍ନଟ ପାଇଁ ୨୨ ଦିନ ସମୟ ଲାଗିଛି ।