ଦେଶରେ ତଳକୁ ଖସୁଛି କରୋନା ଗ୍ରାଫ୍ । କମୁଛି ମୃତୃ ସଂଖ୍ୟା, ସେପଟେ ଭାରତରେ ଋଷ କରୋନା ଟିକା ପରୀକ୍ଷଣ ପାଇଁ ଅନୁମତି ମିଳିଛି
ଦେଶରେ କରୋନା ସଂକ୍ରମଣ ମାମଲା ୭୪ ଲକ୍ଷ ଟପିଯାଇଛି
Kanak News is now on WhatsApp
Join and get latest news updates delivered to you via WhatsApp
ଦେଶରେ କରୋନା ସଂକ୍ରମଣ ମାମଲା ୭୪ ଲକ୍ଷ ଟପିଯାଇଛି । ଗତ ୨୪ ଘଣ୍ଟା ମଧ୍ୟରେ ୬୨ ହଜାର ୨୧୨ ନୂଆ ସଂକ୍ରମଣ ମାମଲା ଚିହ୍ନଟ ହୋଇଥିବାବେଳେ ୮୩୭ ଜଣଙ୍କ କରୋନାରେ ମୃତ୍ୟୁ ହୋଇଛି । ମୋଟ୍ ସଂକ୍ରମଣ ମାମଲା ୭୪ ଲକ୍ଷ ୩୨ ହଜାର ୬୮୦ରେ ପହଞ୍ଚିଥିବାବେଳେ ମୃତ୍ୟୁସଂଖ୍ୟା ୧ ଲକ୍ଷ ୧୨ ହଜାର ୯୯୮କୁ ବୃଦ୍ଧି ପାଇଛି । ଏବେ ଦେଶରେ ମୃତ୍ୟୁହାର ୧.୫୨ ପ୍ରତିଶତକୁ କମିଯାଇଛି । ଆଇସିଏମ୍ଆର ଅନୁଯାୟୀ ଅକ୍ଟୋବର ୧୬ ପର୍ଯ୍ୟନ୍ତ ଦେଶରେ ମୋଟ୍ ୯ କୋଟି ୩୨ ଲକ୍ଷ ୫୪ ହଜାର ୧୭ ନମୁନା ପରୀକ୍ଷା ହୋଇଛି । ତେବେ ଶୁକ୍ରବାର କେବଳ ୯ ଲକ୍ଷ ୯୯ ହଜାର ୯୦ ନମୁନା ପରୀକ୍ଷା ହୋଇଛି ।
ସେପଟେ କରୋନା ମାହାମାରୀ ସାରା ବିଶ୍ୱରେ ଆତଙ୍କ ସୃଷ୍ଟି କରିଥିବା ବେଳେ ଭୂତାଣୁ ମାରିବା ପାଇଁ ଟିକା ପ୍ରସ୍ତୁତି ଲାଗିଛନ୍ତି ବିଭିନ୍ନ ଦେଶ । ହେଲେ ଏଯାଏଁ ଟିକା ବାହାରି ପାରି ନାହିଁ । ଏହାର ଭିତରେ ଭାରତରେ ଋଷ କରୋନା ଟିକାର ପରୀକ୍ଷଣ ପାଇଁ ଅନୁମତି ମିଳିଛି । ‘ସ୍ପୁଟନିକ ଭି’ ଟିକାର ଦ୍ୱିତୀୟ ଓ ତୃତୀୟ ପର୍ଯ୍ୟାୟ ମାନବ ପରୀକ୍ଷଣ ପାଇଁ ଅନୁମତି ପ୍ରଦାନ କରିଛି ଡିସିଜିଆଇ । ଭାରତରେ ଥିବା ଡକ୍ଟର ରେଡିଜ ଲାବୋରୋଟୋରିକୁ ଅନୁମତି ଦେଇଛି ଡ୍ରଗ କଂଟ୍ରୋଲର ଜେନେରାଲ ଅଫ ଇଣ୍ଡିଆ । ‘ସ୍ପୁଟନିକ ଭି’ ଟିକାର ପ୍ରଥମ ପର୍ଯ୍ୟାୟରେ ରାଷ୍ଟ୍ରପତି ଭାଲ୍ଦୀମିର ପୁତିନଙ୍କ ଝିଅକୁ ଦିଆଯାଇଥିଲା । ପରେ ଏହି ଟିକାକୁ ନେଇ ଅନେକ ଆଶଙ୍କା ରହିଥିଲା । ତେବେ ଏବେ ଭାରତରେ ଏହାର ଦ୍ୱିତୀୟ ଓ ତୃତୀୟ ପର୍ଯ୍ୟାୟ ପରୀକ୍ଷଣ ପାଇଁ ଅନୁମତି ଦିଆଯାଇଛି ।