ଆମେରିକାରେ ଛଟେଇ, ଚିନ୍ତାରେ ଭାରତୀୟ : ଶେଷ ହେଉଛି ଭିସା ଅବଧି, ୬୦ ଦିନ ଭିତରେ ଯୋଗାଡ଼ କରିବାକୁ ପଡ଼ିବ ନୂଆ ଚାକିରି
କନକ ବ୍ୟୁରୋ : ଚିନ୍ତାରେ ଆମେରିକାରେ ରହୁଥିବା ହଜାର ହଜାର ଭାରତୀୟ ଆଇଟି କର୍ମଚାରୀ । ଚାକିରି ହରାଇଲେଣି ବହୁ ଭାରତୀୟ । ଆମେରିକାରେ ବଡ଼ ବଡ଼ କମ୍ପାନୀ ଗୁଗୁଲ, ମାଇକ୍ରୋସପ୍ଟ, ଫେସବୁକ୍, ଆମାଜନ୍ ହଜାର ହଜାର କର୍ମଚାରୀଙ୍କୁ ଛଟେଇ କରିଛି । ଆମେରିକାରେ ରହିବାକୁ ହେଲେ ସେମାନଙ୍କୁ ୬୦ ଦିନରେ ନୂଆ ଚାକିରି ଯୋଗାଡ଼ କରିବାକୁ ପଡ଼ିବ ।
Kanak News is now on WhatsApp
Join and get latest news updates delivered to you via WhatsApp
ଏହି ସମୟ ମଧ୍ୟରେ ଚାକିରି ନମିଳିଲେ, ଘରକୁ ଫେରିବା ଛଡ଼ା ସେମାନଙ୍କ ପାଖରେ ଅନ୍ୟ କୌଣସି ବିକଳ୍ପ ନାହିଁ । ଭିସା ଅବଧି ଶେଷ ହେବାର ୧୦ ଦିନ ଭିତରେ ସେମାନଙ୍କୁ ଆମେରିକା ଛାଡିବାକୁ ପଡ଼ିବ । ଗତ ବର୍ଷ ନଭେମ୍ବର ପରଠୁ ଆମେରିକା ପ୍ରଯୁକ୍ତି ଶିଳ୍ପରେ ଦୁଇ ଲକ୍ଷ ଆଇଟି କର୍ମଚାରୀ ଛଟେଇର ଶିକାର ହୋଇଛନ୍ତି । ଏମାନଙ୍କ ମଧ୍ୟରୁ ୩୦ରୁ ୪୦ ପ୍ରତିଶତ ହେଉଛନ୍ତି ଭାରତୀୟ ।
ଆମେରିକାରେ ଛଟେଇ
ଚିନ୍ତାରେ ଭାରତୀୟ
– ଗତବର୍ଷ ନଭେମ୍ବରରେ ପାଖାପାଖି ୨ ଲକ୍ଷ ଆଇଟି ପ୍ରଫେସନାଲଙ୍କୁ ବିଦା କରାଯାଇଛି
– ଗୁଗୁଲ, ମାଇକ୍ରୋସଫ୍ଟ, ଆମାଜନ୍, ଫେସ୍ବୁକ୍ ପରି କମ୍ପାନୀ ଛଟେଇ କରିଛନ୍ତି
– ଛଟେଇ ହୋଇଥିବା କର୍ମଚାରୀଙ୍କ ମଧ୍ୟରେ ୩୦ରୁ ୪୦ ପ୍ରତିଶତ ଭାରତୀୟ
– ଏଚ୍ ୧-ବି ଓ ଏଲ୍ ୧ ଭିସା ବଳରେ ସେମାନେ ଆମେରିକାରେ ରହୁଛନ୍ତି
– ଆଇଟି, ଆର୍କିଟେକ୍ଚର ଏବଂ ସ୍ୱାସ୍ଥ୍ୟ କ୍ଷେତ୍ର ପାଇଁ ଏଚ୍ ୧-ବି ଭିସା ଦିଆଯାଏ
– ନିଯୁକ୍ତି ଅଫର ମିଳିବାର ତକ୍ରାଳ ଏହି ଭିସା ପ୍ରଦାନ କରାଯାଏ
– ଚାକିରିରୁ ବାହା କରାଗଲେ କିମ୍ବା ନୂଆ ନିଯୁକ୍ତି ନମିଳିଲେ ଭିସା ଅବଧି ଶେଷ ହୋଇଥାଏ
– ଏଲ୍ ୧ ଭିସା ଅଧିନରେ ବର୍ଷକ ପାଇଁ କର୍ମଚାରୀଙ୍କୁ ଆମେରିକା ପଠାଇଥାଏ କମ୍ପାନୀ
– ସ୍ଥାୟୀ ଭାବେ ରହିବାକୁ ଯାଉନଥିବା କର୍ମଚାରୀ ଏହି ଭିସା ନେଇଥାନ୍ତି
– ଏଭଳି ଭିସା ରଖିଥିବା କର୍ମଚାରୀ ଚାକିରି ପାଇଁ ଆମେରିକାରେ ସଂଘର୍ଷ କରୁଛନ୍ତି
– ଜାଗା କିଣିଥିବା ଓ ପିଲାଙ୍କୁ ପାଠ ପଢାଉଥିବା ଲୋକେ ଏବେ ଚିନ୍ତାରେ
– ଘର ବିକ୍ରି କରି ସ୍ୱଦେଶ ଫେରିବାକୁ ଅନେକ ପ୍ରସ୍ତୁତ ହେଲେଣି