ଆମେରିକାର ବଡବଡ଼ ଟେକ୍ କମ୍ପାନୀଗୁଡିକରେ ଭାରତୀୟମାନେ ରାଜ୍ କରୁଛନ୍ତି । ସେ ଆଲଫାବେଟ ହେଉ କିମ୍ବା ମାଇକ୍ରୋସଫ୍ଟ କିମ୍ବା ଆଡୋବ … ଭାରତୀୟମାନେ ସବୁ ସ୍ଥାନରେ ଉପରେ ଅଛନ୍ତି । ଯେଉଁମାନଙ୍କର ବାର୍ଷିକ ଦରମା କୋଟି କୋଟି ଡଲାର ।
Kanak News is now on WhatsApp
Join and get latest news updates delivered to you via WhatsApp
ଆମେରିକାର ସିଲିକନ୍ ଭ୍ୟାଲି ପ୍ରାୟ ସବୁ ଭାରତୀୟ ଟେକିମାନଙ୍କର ଲକ୍ଷ୍ୟସ୍ଥଳ ଅଟେ। ଏଠାରେ ଭାରତୀୟମାନଙ୍କ ବିଷୟରେ ଅନେକ ଆଲୋଚନା ହେଉଛି ଯେଉଁମାନେ ନିଜ ପ୍ରତିଭା ଆଧାରରେ ସଫଳତା ହାସଲ କରିଛନ୍ତି । ସିଲିକନ୍ ଭ୍ୟାଲି ହେଉଛି ଯେଉଁଠାରେ ବିଶ୍ୱର ସବୁଠୁ ବଡ କମ୍ପାନୀଗୁଡିକର ମୁଖ୍ୟାଳୟ ଅଛି । ବିଶେଷ କଥା ହେଉଛି ଏହି କମ୍ପାନୀଗୁଡିକରେ ଭାରତୀୟମାନଙ୍କର ଯଥେଷ୍ଟ ପ୍ରଭାବ ରହିଛି । ଏକ ଆକଳନ ଅନୁଯାୟୀ, ଆମେରିକାର ମୋଟ ଜନସଂଖ୍ୟାର ମାତ୍ର ଏକ ପ୍ରତିଶତ ଭାରତୀୟ । କିନ୍ତୁ ସିଲିକନ୍ ଭ୍ୟାଲିରେ କାର୍ଯ୍ୟ କରୁଥିବା କର୍ମଚାରୀଙ୍କ ମଧ୍ୟରୁ ୬ ପ୍ରତିଶତ ଭାରତୀୟ ଅଟନ୍ତି । ବିଶେଷ କଥା ହେଉଛି କିଛି କମ୍ପାନୀର CEO ହେଉଛନ୍ତି ଭାରତୀୟ ବଂଶୋଦ୍ଭବ ।
ଆମେରିକାର ସିଲିକନ ଭ୍ୟାଲିରେ ଆଲଫାବେଟ କମ୍ପାନୀର ସିଇଓ ସୁନ୍ଦର ପିଚାଇ ଏବଂ ମାଇକ୍ରୋସଫ୍ଟର ସିଇଓ ସତ୍ୟ ନାଡେଲା ସବୁଠାରୁ ଲୋକପ୍ରିୟ ନାମ । କିନ୍ତୁ ଏଗୁଡିକ ବ୍ୟତୀତ ଆହୁରି ଅନେକ ନାମ ଅଛି ଯେଉଁମାନେ ସେଠାରେ ବଡବଡ଼ କମ୍ପାନୀଗୁଡିକ ପରିଚାଳନା କରୁଛନ୍ତି । ଏମାନେ ସେହି ଭାରତୀୟ ଯେଉଁମାନକଙ୍କର ବାର୍ଷିକ ଦରମା ୨୩ କୋଟି ଡଲାର ଅଟେ । ଭାରତୀୟ ମୁଦ୍ରାରେ ଏହି ପରିମାଣ ୨୦୦ କୋଟିରୁ ଅଧିକ ଅଟେ।
ଆଜି ଆମେ ଏହି କାହାଣୀରେ ଆମେରିକାର ୮ ଜଣ ସର୍ବାଧିକ ପାରିଶ୍ରମିକ ପ୍ରାପ୍ତ ଭାରତୀୟଙ୍କ ବିଷୟରେ ଜାଣିବା ।
୧. ସୁନ୍ଦର ପିଚାଇ: ସିଇଓ, ଆଲଫାବେଟ ବାର୍ଷିକ ଦରମା: ୨୩.୫ ଡଲାର ମାଡ୍ରାସ ଜନ୍ମିତ ସୁନ୍ଦର ପିଚାଇ ହେଉଛି ଆଲଫାବେଟ ଏବଂ ଏହାର ସହାୟକ ଗୁଗୁଲ କମ୍ପାନୀର ସିଇଓ । ସୁନ୍ଦର ପିଚାଇ ଆଇଆଇଟି ଖରାଗପୁରରୁ ତାଙ୍କ ଇଞ୍ଜିନିୟରିଂ ଡିଗ୍ରୀ ହାସଲ କରିଥିଲେ। ଏହା ପରେ ସେ ଷ୍ଟାନଫୋର୍ଡ ୟୁନିଭରସିଟିରୁ ଏମଏସ ଏବଂ ହାର୍ଟଟନ୍ ବିଜନେସ୍ ସ୍କୁଲରୁ ଏମବିଏ ଅଧ୍ୟୟନ କରିଥିଲେ । ସେପ୍ଟେମ୍ବର ୨୦୧୯ ରେ ତାଙ୍କୁ ବ ଆଲଫାବେଟର ସିଇଓ ରୂପେ ନିଯୁକ୍ତ କରାଯାଇଥିଲା । ୨୦୨୨ ମସିହାରେ ପିଚାଇଙ୍କୁ ଭାରତ ସରକାର ପଦ୍ମ ଭୂଷଣ ରେ ସମ୍ମାନିତ କରିଛନ୍ତି ।
୨. ସତ୍ୟ ନାଡେଲା: ସିଇଓ, ମାଇକ୍ରୋସଫ୍ଟ
ବାର୍ଷିକ ଦରମା: ୪.୯୯ କୋଟି ଡଲାର
ସେ ହାଇଦ୍ରାବାଦରେ ଜନ୍ମଗ୍ରହଣ କରିଥିଲେ। ମାତା ଜଣେ ସଂସ୍କୃତ ଅଧ୍ୟାପକ ଏବଂ ପିତା ଜଣେ ଆଇଏଏସ୍ ଅଧିକାରୀ ଥିଲେ। ନାଡେଲା କର୍ଣ୍ଣାଟକର ମଣିପାଲ ଇନଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜିରୁ ବି.ଟେକ୍ ଡିଗ୍ରୀ ହାସଲ କରିଛନ୍ତି । ଏହା ପରେ ସେ ମିଲୱାକ୍ ୱିସ୍କୋସିନ୍ ବିଶ୍ୱବିଦ୍ୟାଳୟରୁ କମ୍ପ୍ୟୁଟର ସାଇନ୍ସରେ ଏମଏସ ଅଧ୍ୟୟନ କରିଥିଲେ । ସେ ଚିକାଗୋ ବିଶ୍ୱବିଦ୍ୟାଳୟର ବୁଥ୍ ସ୍କୁଲ୍ ଅଫ୍ ବିଜିନେସ୍ ରୁ ଏମବିଏ ଡିଗ୍ରୀ ହାସଲ କରିଥିଲେ। ୧୯୯୨ ରେ ସତ୍ୟ ନାଡେଲା ମାଇକ୍ରୋସଫ୍ଟରେ ଯୋଗ ଦେଇଥିଲେ।
୩. ଜୟ ଚୌଧୁରୀ : ସିଇଓ, ଜସ୍କାଲର୍
ବାର୍ଷିକ ଦରମା: ୪.୧୬ କୋଟି ଡଲାର
ଜୟ ଚୌଧୁରୀ ହିମାଚଳ ପ୍ରଦେଶର ଉନା ଜିଲ୍ଲାର ପାନୋ ଗ୍ରାମରେ ଜନ୍ମଗ୍ରହଣ କରିଥିଲେ। ତାଙ୍କ ପିତାମାତା ଛୋଟ କୃଷକ ଥିଲେ। IIT-BHU ରୁ ଅଧ୍ୟୟନ କରିବା ପରେ ସେ ଆମେରିକା ଯାଇଥିଲେ | ଏଠାରେ ସିନସିନାଟି ବିଶ୍ୱବିଦ୍ୟାଳୟରୁ ଇଞ୍ଜିନିୟରିଂ ଏବଂ ଏମବିଏ ଡିଗ୍ରୀ ହାସଲ କରିଛନ୍ତି । ଜୟ ଚୌଧୁରୀ ଅନେକ ଗୁଡିଏ କମ୍ପାନୀ ଆରମ୍ଭ କରିଥିଲେ, ଯାହା ପରେ ସେଗୁଡିକୁ ଅନ୍ୟ କମ୍ପାନୀ ଦ୍ଵାରା ଅଧିଗ୍ରହଣ କରାଯାଇଥିଲା । ସେ କ୍ଲାଉଡ୍ ସିକ୍ୟୁରିଟି କମ୍ପାନୀ Zscaler ଆରମ୍ଭ କରିଥିଲେ ଏବଂ ବର୍ତ୍ତମାନ ଏହାର ସିଇଓ ଅଟନ୍ତି ।
୪. ଅନିରୁଦ୍ଧ ଦେବଗାନ୍: ସିଇଓ, କ୍ୟାଡେନ୍ସ ଡିଜାଇନ୍ ସିଷ୍ଟମ୍
ବାର୍ଷିକ ଦରମା: ୩.୨୨ କୋଟି ଡଲାର
ଅନିରୁଦ୍ଧ ଦେବଗାନଙ୍କ ପିଲାଦିନ ଦିଲ୍ଲୀରେ ଅତିବାହିତ ହୋଇଥିଲା। ତାଙ୍କ ପିତା ଆଇଆଇଟି ଦିଲ୍ଲୀର ଜଣେ ପ୍ରଫେସର ଥିଲେ। ସେ ଆଇଆଇଟି ଦିଲ୍ଲୀରୁ ବି.ଟେକ୍ କରିଥିଲେ ଏବଂ ପରେ ଅଧିକ ଅଧ୍ୟୟନ ପାଇଁ ଆମେରିକା ଆସିଥିଲେ । ସେ ଆଇବିଏମ୍ ରେ ନିଜର କ୍ୟାରିଅର୍ ଆରମ୍ଭ କରିଥିଲେ । ଏହା ପରେ ସେ ମ୍ୟାଗମା ଡିଜାଇନ୍ ଅଟୋମେସନରେ ଯୋଗ ଦେଇଥିଲେ, ଯେଉଁଠାରେ ସେ କର୍ପୋରେଟ୍ ଉପାଧ୍ୟକ୍ଷ ପଦରେ ପହଞ୍ଚିଥିଲେ । ୨୦୧୨ ରେ, ଦେବଗାନ୍ କ୍ୟାଡେନ୍ସ ଡିଜାଇନ୍ ସିଷ୍ଟମରେ ଯୋଗ ଦେଇଥିଲେ । ଡିସେମ୍ବର ୨୦୨୧ ରେ, ତାଙ୍କୁ କମ୍ପାନୀର ସିଇଓ କରାଯାଇଥିଲା ।
୫. ଶାନ୍ତନୁ ନାରାୟଣ: ସିଇଓ, ଆଡୋବ
ବାର୍ଷିକ ଦରମା: ୩.୧୬ କୋଟି ଡଲାର
ସେ ହାଇଦ୍ରାବାଦରେ ଜନ୍ମଗ୍ରହଣ କରିଥିଲେ । ଓସମାନିଆ ବିଶ୍ୱବିଦ୍ୟାଳୟରୁ ଇଞ୍ଜିନିୟରିଂ ଡିଗ୍ରୀ ହାସଲ କରିଥିଲେ | ପରବର୍ତ୍ତୀ ଅଧ୍ୟୟନ ପାଇଁ ଆମେରିକା ଆସିଥିଲେ । ୧୯୮୬ ରେ, ସେ ଏକ ସିଲିକନ୍ ଭ୍ୟାଲିରେ ଏକ ଷ୍ଟାର୍ଟଅପ୍ ସହିତ ନିଜ କ୍ୟାରିଅର୍ ଆରମ୍ଭ କରିଥିଲେ । ତା’ପରେ ସେ ଆପଲରେ କିଛି ବର୍ଷ କାମ ମଧ୍ୟ କରିଥିଲେ । ୧୯୯୮ ରେ ସେ ଆଡୋବରେ ଯୋଗ ଦେଇଥିଲେ । ୨୦୦୧ ରୁ ୨୦୦୫ ପର୍ଯ୍ୟନ୍ତ ଶାନ୍ତନୁ ନାରାୟଣ ଆଡୋବର ବିଶ୍ୱବ୍ୟାପୀ ଉତ୍ପାଦର କାର୍ଯ୍ୟନିର୍ବାହୀ ଉପାଧ୍ୟକ୍ଷ ଥିଲେ। ନଭେମ୍ବର ୨୦୦୭ ରେ, ସେ ଆଡୋବର ସିଇଓ ଭାବରେ ନିର୍ବାଚିତ ହୋଇଥିଲେ ।
୬. ସଞ୍ଜୟ ମେହେରୋତ୍ରା: ସିଇଓ, ମାଇକ୍ରୋନ ଟେକ୍ନୋଲୋଜି
ବାର୍ଷିକ ଦରମା: ୨.୮୪ କୋଟି ଡଲାର
୧୯୫୮ କାନପୁରରେ ଜନ୍ମଗ୍ରହଣ କରିଥିଲେ | ଯେତେବେଳେ ସଞ୍ଜୟ ମେହୋତ୍ରାଙ୍କୁ ମାତ୍ର ୧୦ ବର୍ଷ ହୋଇଥିଲା ସେତେବେଳେ ତାଙ୍କ ପରିବାର ଦିଲ୍ଲୀ ଆସିଥିଲେ । ମେହେରୋତ୍ରା ୧୮ ବର୍ଷ ବୟସରେ ଆମେରିକା ଆସିଥିଲେ । ୧୯୮୮ ମସିହାରେ, ସେ ସାନଡିସ୍କ କମ୍ପାନୀ ଆରମ୍ଭ କରିଥିଲେ । ୨୦୧୧ ରୁ ୨୦୧୬ ପର୍ଯ୍ୟନ୍ତ ସେ ସାନଡିସ୍କର ସଭାପତି ତଥା ସିଇଓ ଥିଲେ । ସାନଡିସ୍କ ପରେ ସେ ମାଇକ୍ରୋନ୍ ଟେକ୍ନୋଲୋଜି କମ୍ପାନୀରେ ଯୋଗ ଦେଇଥିଲେ । ସଞ୍ଜୟ ମେହେରୋତ୍ର ଫେବୃଆରୀ ୨୦୧୭ ଠାରୁ ମାଇକ୍ରୋନ ଟେକ୍ନୋଲୋଜିର ସିଇଓ ଅଟନ୍ତି।
୭. ଅଜୟ ଏସ୍ ଗୋପାଳ: ସିଇଓ, ଅନସିସ୍
ବାର୍ଷିକ ଦରମା:୨.୧୮ କୋଟି ଡଲାର
ଅଜୟ ଗୋପାଳ ୧୯୮୨ ମସିହାରେ ଆଇଆଇଟି ବମ୍ବେରୁ ମେକାନିକାଲ ଇଞ୍ଜିନିୟରିଂ ଡିଗ୍ରୀ ହାସଲ କରିଥିଲେ । ୧୯୯୧ ରେ, ସେ ଆଇବିଏମ୍ ରେ କ୍ୟାରିଅର୍ ଆରମ୍ଭ କରିଥିଲେ । ସେ ଏଠାରେ ପ୍ରାୟ ୧୦ ବର୍ଷ କାର୍ଯ୍ୟ କରିଥିଲେ । ଏହା ପରେ ସେ ଅନେକ ବଡ ବଡ କମ୍ପାନୀରେ କାମ କରିଥିଲେ । ସେ ୨୦୧୧ ରୁ ୨୦୧୩ ପର୍ଯ୍ୟନ୍ତ HP ର ବରିଷ୍ଠ ଉପସଭାପତି ଥିଲେ । ଗୋପାଳ ୨୦୧୧ ରେ Ansys ରେ ଯୋଗ ଦେଇଥିଲେ । ଏଠାରେ ସେ ପ୍ରେସିଡେଣ୍ଟ ଏବଂ ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଭାବରେ କାର୍ଯ୍ୟ କରିଥିଲେ। ସେ ୨୦୧୭ ଠାରୁ ଏହି କମ୍ପାନୀର ସିଇଓ ଅଛନ୍ତି ।
୮. ଅରବିନ୍ଦ କୃଷ୍ଣ: ସିଇଓ, ଆଇବିଏମ
ବାର୍ଷିକ ଦରମା: ୧.୬୫ କୋଟି ଡଲାର
ଅରବିନ୍ଦ କୃଷ୍ଣ ଆନ୍ଧ୍ରପ୍ରଦେଶରେ ଜନ୍ମଗ୍ରହଣ କରିଥିଲେ। ତାଙ୍କ ପିତା ଭାରତୀୟ ସେନାରେ ମେଜର ଜେନେରାଲ ରହିଛନ୍ତି । ଆଇଆଇଟି କାନପୁରରୁ ବି.ଟେକ୍ କରିବା ପରେ ସେ ଆମେରିକା ଆସିଥିଲେ । ଏଠାରେ ସେ ଇଲିନୋଇସ୍ ୟୁନିଭରସିଟିରୁ ପିଏଚଡି କରିଥିଲେ । ୧୯୯୦ ରେ କୃଷ୍ଣ ଆଇବିଏମରେ ଯୋଗ ଦେଇଥିଲେ । ୨୦୧୫ ରେ, ତାଙ୍କୁ ପଦୋନ୍ନତି ଦିଆଯାଇଥିଲା ଏବଂ ଆଇବିଏମ୍ ରିସର୍ଚ୍ଚର ବରିଷ୍ଠ ଉପାଧ୍ୟକ୍ଷ ଭାବରେ ନିଯୁକ୍ତ କରାଯାଇଥିଲା । ଜାନୁଆରୀ ୨୦୨୦ ରେ, ସେ ଆଇବିଏମର ସିଇଓ ଭାବରେ ନିଯୁକ୍ତ ହୋଇଥିଲେ। ଅରବିନ୍ଦ କୃଷ୍ଣଙ୍କ ନାମରେ ମଧ୍ୟ ଅନେକଗୁଡ଼ିଏ ପେଟେଣ୍ଟ ଅଛି ।