ଚଳନ୍ତା ଟ୍ରେନରେ ବୃଦ୍ଧଙ୍କ ଠାରୁ ଟଙ୍କା ଛଡାଇନେଲେ ଟିଟିଇ ! ଟ୍ୱିଟରରେ ଭିଡିଓ ଭାଇରାଲ୍ ହେବା ପରେ ଚାକିରୀରୁ ହେଲେ ନିଲମ୍ବିତ । 

411

ଟ୍ରେନରେ ଟିଟିଇଙ୍କ ବ୍ୟବହାର ଏବଂ ଆଚରଣ ବିଷୟରେ କେହି ଅଛପା ନଥିବେ । ଟ୍ରେନରେ ଟିଟିଇଙ୍କ ଦ୍ୱାରା ଦୁର୍ନୀତି ଦିନକୁ ଦିନ ବଢିଚାଲୁଛି । ଏବେ ଟ୍ୱିଟରରେ ଏନେଇ ଏକ ଭିଡିଓ ଖୁବ୍ ଭାଇରାଲ୍ ହେଉଛି । ଯେଉଁଥିରେ ଚଳନ୍ତା ଟ୍ରେନରେ ଜଣେ ଟିଟିଇ ବୃଦ୍ଧଙ୍କ ଠାରୁ ଟଙ୍କା ନେଉଥିବାର ଦୃଶ୍ୟ ଦେଖାଯାଉଛି । ଏହି ଭିଡିଓରେ ଟିଟିଇ ଜଣକ ବୃଦ୍ଧଙ୍କ ହାତରୁ ଟଙ୍କା ଛଡାଇ ନେଉଥିବାର ଦେଖାଯାଉଛନ୍ତି ।

बृजेश मिश्र/ Brijesh Mishra🇮🇳
@MishraBRIJESH13

ବୃଦ୍ଧ ଜଣଙ୍କ ହାତଯୋଡି ଟିଟିଇଙ୍କୁ ଟଙ୍କା ମାଗୁଛନ୍ତି ଏବଂ ସେ ଟଙ୍କା ଗଣି କିଛି ନିଜ ପାଖରେ ରଖିଲାବେଳେ ବଳକା ଟଙ୍କା ବୃଦ୍ଧଙ୍କୁ ଫେରାଉଛନ୍ତି । ଏହି ଭିଡିଓକୁ ନେଇ ଅନେକ ଲୋକ ଅନେକ ପ୍ରକାର ଟିପ୍ପଣୀ ରଖୁଛନ୍ତି । କିଛି ଲୋକ କହୁଛନ୍ତି ବୃଦ୍ଧଜଣକ ଜଲଦି ଜଲଦିରେ ଜେନେରାଲ୍ ବଦଳରେ ସ୍ଲିପର୍ ଶ୍ରେଣୀରେ ଚଢିଯାଇଥିଲେ । ତେଣୁ ଟିଟିଇ ତାଙ୍କ ଠାରୁ ଟଙ୍କା ନେଇଥିଲେ ।

ମୁଗଲସରାୟ ଅର୍ଥାତ୍ ଦିନ୍ ଦୟାଲ୍ ଉପାଧ୍ୟାୟ ଜଙ୍କସନ୍ ର ଡିଆରଏମ୍ ଙ୍କ ମୁତାବକ , ଟିଟିଇ ଲାଞ୍ଚ ନେଇନଥିଲେ ସେ ଟିକଟ୍ ପାଇଁ ଟଙ୍କା ନେଇଥିଲେ । ଏହି ଘଟଣାର ସମ୍ପୁର୍ଣ୍ଣ ଜାଞ୍ଚ୍ ପାଇଁ ଟିଟିଇଙ୍କୁ କିଛି ଦିନ ପାଇଁ ସସପେଣ୍ଡ କରିଦିଆଯାଇଛି । ଏନେଇ ଟ୍ୱିଟରରେ କିଛି ଲୋକ ରେଳ ମନ୍ତ୍ରାଳୟ ଏବଂ ପ୍ରଧାନମନ୍ତ୍ରୀଙ୍କୁ ମଧ୍ୟ ଟ୍ୱିଟ୍ କରି ଘଟଣା ବିଷୟରେ ଜଣାଇଛନ୍ତି ।

Comments are closed.