ଶୀତରେ ଟ୍ରେନରେ ଯାତ୍ରା କରିବା ପଡିପାରେ ମହଙ୍ଗା : ରେଳବାଇ ଯାତ୍ରୀଙ୍କ ଠାରୁ ଅଧ ଘଣ୍ଟା ପୂର୍ବରୁ ଛଡାଇନେବ କମ୍ବଳ ଓ ଚାଦର । ଜାଣନ୍ତୁ କାହିଁକି
ଦେଶର ଅନେକ ସ୍ଥାନରେ ହାଡଭଙ୍ଗା ଶୀତ ହେଉଛି । ଏହି ସମୟରେ ଆପଣଙ୍କୁ ଟ୍ରେନରେ ଯାତ୍ରା କରିବା ପଡିପାରେ ମହଙ୍ଗା । ଏବେ ରେଳବାଇ ଆପଣଙ୍କ ଷ୍ଟେସନ ଆସିବାର ଅଧ ଘଣ୍ଟା ପୂର୍ବରୁ ହିଁ ଆପଣଙ୍କ ଠାରୁ କମ୍ବଳ-ଚାଦର ଫେରାଇନେବାର ପ୍ରସ୍ତୁତିରେ ଅଛି । ପ୍ରକୃତରେ କମ୍ବଳ, ତକିଆ, ଚାଦର ଓ ଗାମୁଛାର ଚୋରି ରୋକିବା ପାଇଁ ଏହି ପଦକ୍ଷେପ ନେବାକୁ ଯାଉଛି ।
Kanak News is now on WhatsApp
Join and get latest news updates delivered to you via WhatsApp
ଟ୍ରେନରେ ଯାତ୍ରା ସମୟରେ ଏସି କୋଚରେ ଯାତ୍ରୀଙ୍କୁ ୨ଟି ଚାଦର, ଗୋଟିଏ ତକିଆ, ଗୋଟିଏ ତକିଆ କଭର, ଗୋଟିଏ ଗାମୁଛା ଓ ଗୋଟିଏ କମ୍ବଳ ଦିଆଯାଏ । ଯାତ୍ରା ପୁରା କରିବା ପରେ ଯାତ୍ରୀ ଏହି ସମସ୍ତ ଜିନିଷ ନିଜ ସିଟରେ ଛାଡି କି ଚାଲିଯାଆନ୍ତି । ତା’ପରେ କୋଚରେ ନିଯୁକ୍ତ କର୍ମଚାରୀ ସେହି ସମସ୍ତ ଜିନିଷ ଉଠାଇ ନେଇଯାଆନ୍ତି । କିନ୍ତୁ ପ୍ରତିବର୍ଷ ସିଏଜି ରିପୋର୍ଟରେ ଖୁଲାସା ହୁଏ କି ଯାତ୍ରା ସମୟରେ ଟ୍ରେନରୁ ଏତେ ଲକ୍ଷ ଗାମୁଛା ଚୋରି ହୋଇଯାଇଛି ଓ ଏତେ ଲକ୍ଷ ଚାଦର, କମ୍ବଳ ଓ ତକିଆ କଭର । ଏହାକୁ ରୋକିବା ପାଇଁ ନିଟରେ ରେଳ ମନ୍ତ୍ରାଳୟ ଏକ ନୂଆ ବ୍ୟବସ୍ଥା ଜାରି କରିଛି । ରେଳ ରାଜ୍ୟମନ୍ତ୍ରୀ ରାଜେନ୍ ଗୋହାଇଙ୍କ ଅନୁସାରେ, ଏବେ ଏସି କୋଚରେ ଯାତ୍ରା କରୁଥିବା ଯାତ୍ରୀଙ୍କ ଠାରୁ ଷ୍ଟେସନ ଆସିବାର ଅଧ ଘଣ୍ଟା ପୂର୍ବରୁ ହିଁ ସମସ୍ତ ଜିନିଷ ଫେରାଇ ନିଆଯିବ । ଏହି ସୂଚନା ଲୋକସଭାରେ ଦିଆଯାଇଛି ।
ଗାମୁଛାର ଅଧିକ ଚୋରି ହେଉଥିବାରୁ ଏଣିକି ଗାମୁଛା ଜାଗାରେ ୟୁଜ୍ ଆଣ୍ଡ ଥ୍ରୋ ନାପକିନ୍ ଦେବା ଆରମ୍ଭ କରିଦିଆଯାଇଛି । ରେଳବାଇର ସମସ୍ତ ଜୋନରେ ଏହା ଲାଗୁ ହୋଇନି ।