କନକ ବ୍ୟୁରୋ : ଭାରତୀୟ ନୌସେନାର ଏକ ମିଗ ୨୯ ବିମାନ ଦିର୍ଘଟଣାଗ୍ରସ୍ତ ହୋଇଛି । ନୌସେନାର ସୂଚନା ଅନୁସାରେ ଗୁରୁବାର ଅପରାହ୍ନ ପ୍ରାୟ ୫ଟାରେ ମିଗ-୨୯ ଲଢୁଆ ବିମାନଟି ଦୁର୍ଘଟଣାଗ୍ରସ୍ତ ହୋଇ ସମୁଦ୍ର ମଧ୍ୟକୁ ଖସିପଡିଥିଲା । ବିମାନରେ ଥିବା ୨ଜଣ ପାଇଲଟଙ୍କ ମଧ୍ୟରୁ ଜଣଙ୍କୁ ଖୋଜି ବାହାର କରାଯାଇଥିବାବେଳେ ଅନ୍ୟ ଜଣଙ୍କ ପତା ମିଳିନାହିଁ । ଏକ ଟ୍ରେନର ଏୟାରକ୍ରାଫ୍ଟ ଭାବେ ବ୍ୟବହାର କରାଯାଉଥିବା ଏହି ଲଢୁଆ ବିମାନଟି ଆରବ ସାଗରରେ ଆଇଏନଏସ ବିକ୍ରମାଦିତ୍ୟରୁ ଉଡାଣ ଭରିଥିଲା ।
Kanak News is now on WhatsApp
Join and get latest news updates delivered to you via WhatsApp
ନୌସେନା ଏହି ଦୁର୍ଘଟଣାର ତଦନ୍ତ ନିର୍ଦ୍ଦେଶ ଦେଇଥିବାବେଳେ ନିଖୋଜ ପାଇଲଟଙ୍କୁ ସନ୍ଧାନ କରିବା ପାଇଁ ଜୋରଦାର ସର୍ଚ୍ଚ ଅପରେସନ୍ ଚାଲିଛି । ଆରବ ସାଗରରେ ଚାଲିଥିବା ମାଲାବାର ସମରାଭ୍ୟାସରେ ମିଗ-୨୯ ସାମିଲ ହୋଇ ତାର ଯୁଦ୍ଧ କୌଶଳ ପ୍ରଦର୍ଶନ କରିଥିଲା । ଗତବର୍ଷ ଗୋଆରେ ଏକ ମିଗ ଯୁଦ୍ଧ ବିମାନ ଦୁର୍ଘଟଣାଗ୍ରସ୍ତ ହୋଇଥିଲା । ଏଥିରେ କୌଣସି ପାଇଲଟଙ୍କ କ୍ଷୟକ୍ଷତି ହୋଇନଥିଲା ।