କନକ ବ୍ୟୁରୋ: ଭାରତୀୟ ନୌସେନାରେ ସାମିଲ ହୋଇଛି ନୂଆ ଯୁଦ୍ଧପୋତ ଆଇଏଏସ୍ ଇମ୍ଫାଲ । ମୁମ୍ବାଇ ଡକୟାର୍କରେ ପହଞ୍ଚି ରକ୍ଷାମନ୍ତ୍ରୀ ରାଜନାଥ ସିଂ ଏହାକୁ ଶୁଭ ଉଦଘାଟନ କରିବା ପରେ ପଶ୍ଚିମ ନୌସେନାରେ ଏହାକୁ ସାମିଲ କରାଯାଇଛି । ଏହା ଆରବ ସାଗରରେ ଶ୍ରତ୍ରୁକୁ ଦମନ କରିବ ।

Advertisment

ଏହି ଯୁଦ୍ଧପୋତରେ ପାଖାପାଖି ୭୫ ପ୍ରତିଶତ ସ୍ୱଦେଶୀ ଜ୍ଞାନକୌଶଳ ବ୍ୟବହାର କରାଯାଇଛି । ଏଥିରେ ଏଭଳି ମିଶାଇଲକୁ ସଂଲଗ୍ନ କରାଯାଇଛି ଯାହା ମଧ୍ୟବର୍ତ୍ତୀ ଦୂରତା ଯାଏଁ ଶତ୍ରୁକୁ ଆକ୍ରମଣ କରିପାରିବ । ଏଥିରେ ବ୍ରହ୍ମୋସ୍ ମିଶାଇଲକୁ ସଂଲଗ୍ନ କରାଯାଇଛି । ଏହା ସହ ରହିଛି ସ୍ୱଦେଶୀ ଟରପିଡୋ ଟ୍ୟୁବ ଲଞ୍ଚର । ଏହସହ ରହିଛି ବୁଡା ଜାହାଜ ରୋଧକ ରକେଟ୍ ଲଞ୍ଚର ଏବଂ ସୁପର ଗନ୍ ମାଉଣ୍ଟ ।

ଆଇଏନଏସ ଇମ୍ଫାଲ ଯୁଦ୍ଧପୋତକୁ ୨୦୧୯ ଏପ୍ରିଲ ୨୦ ତାରିଖରେ ପରୀକ୍ଷଣ ପାଇଁ ଜଳଭାଗରେ ଅବତରଣ କରାଯାଇଥିଲା । ସମସ୍ତ ପରୀକ୍ଷନୀରିକ୍ଷା ପରେ ଏହାକୁ ୨୦୨୩ ଅକ୍ଟୋବର ୨୦ରେ ନୌସେନାକୁ ହସ୍ତାନ୍ତର କରାଗଲା ।