ଭୟ ବଢାଇଲା ଭାଇରସ । ଚୀନ ପରେ ଭାରତକୁ ଡେଇଁଲା କରୋନା ଭୂତାଣୁ । କେରଳରେ ଚିହ୍ନଟ ହେଲା ଦେଶର ପ୍ରଥମ ରୋଗୀ
ସେପଟେ ଚୀନରେ ଗତ ୨୪ ଘଂଟାରେ ଗଲାଣି ୩୮ ଜଣଙ୍କ ଜୀବନ
କନକ ବ୍ୟୁରୋ: ଭୟ ବଢାଇଲା କରୋନା ଭୂତାଣୁ । କରୋନା ଭୂତାଣୁରେ ଜଣେ ଭାରତୀୟ ଚିହ୍ନଟ ହୋଇଛନ୍ତି । ଏହି ଛାତ୍ର କେରଳର ବୋଲି ଜଣାପଡିଛି । ସ୍ୱାସ୍ଥ୍ୟ ମନ୍ତ୍ରଣାଳୟରେ ପକ୍ଷରୁ ଏହି ସୂଚନା ଦିଆଯାଇଛି । ସଂପୃକ୍ତ ଛାତ୍ର ୟାହୁନ ବିଶ୍ୱବିଦ୍ୟାଳୟର ଛାତ୍ର ଥିଲେ ବୋଲି ଜଣାପଡିଛି । ସେ ନିକଟରେ କେରଳ ଫେରିଛନ୍ତି । ତେବେ ସଂପୃକ୍ତ ଛାତ୍ରର ସ୍ୱାସ୍ଥ୍ୟବସ୍ଥା ସ୍ଥିର ରହିଛି ଓ ପରିସ୍ଥିତି ଉପରେ କଡା ନଜର ରଖାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଏପଟେ, ରାଜ୍ୟ ସରକାରଙ୍କୁ ଘାରିଲା କରୋନା ଭାଇରସ ମୁକାବିଲା ଚିନ୍ତା । ଲୋକସେବା ଭବନରେ କରୋନା ଭାଇରସର ସମୀକ୍ଷା କରାଯାଇଛି । କେନ୍ଦ୍ର ସ୍ୱାସ୍ଥ୍ୟ ସଚିବଙ୍କ ସହ ଭିଡିଓ କନଫରେନ୍ସିଂ ମାଧ୍ୟମରେ ରାଜ୍ୟ ସ୍ୱାସ୍ଥ୍ୟ ବିଭାଗ ଆଲୋଚନା କରିଛି । କିଭଳି ରାଜ୍ୟ ସରକାର ପ୍ରସ୍ତୁତ ଅଛନ୍ତି ସେ ନେଇ ଆଲୋଚନା କରାଯାଇଛି । ସମୀକ୍ଷା ପରେ ସ୍ୱାସ୍ଥ୍ୟୃ ସଚିବ ନିକୁଂଜ ଧଳ କହିଛନ୍ତି ଯେ ମାଲେସିଆରୁ ଦୁଇ ଜଣ ଯାତ୍ରୀ ଆସିଥିଲେ । ସେମାନଙ୍କ ବ୍ଲଡ ସଂଗ୍ରହ କରାଯାଇଛି । ପୁଣେକୁ ବ୍ଲଡ ସାମ୍ପଲ ପଠାଯାଇଛି । ସେମାନେ ଆଇସୋଲେସନ ହୋଇ ରହିବେ । ଦୁଇଟି ସ୍ଥାନରେ ବ୍ଲଡ ସଂଗ୍ରହ କରାଯିବ । ଏସସିବି ଓ ଆରଏମଆରସିରେ ସଂଗ୍ରହ କରାଯିବ ବୋଲି ସ୍ୱାସ୍ଥ୍ୟ ସଚିବ କହିଛନ୍ତି ।
ଗତ ୨୪ ଘଂଟାରେ ଗଲାଣି ୩୮ ଜଣଙ୍କ ଜୀବନ
ଚୀନରେ କାୟା ବିସ୍ତାର କରୁଛି କରୋନା ଭାଇରସ । ଗତ ୨୪ ଘଂଟାରେ ଚୀନରେ ୩୮ ଜଣ ପ୍ରାଣ ହରାଇଲେଣି । କେବଳ ସବୁଠାରୁ ଅଧିକ ପ୍ରଭାବିତ ଅଂଚଳ ୟୁବେଇରେ ୩୭ ଜଣ ପ୍ରାଣ ହରାଇଛନ୍ତି । ଉହାନ ଏହାସହ ମୃତ୍ୟୁସଂଖ୍ୟା ୧୭୦କୁ ବୃଦ୍ଧି ପାଇଛି । ଗତ କିଛି ଘଂଟା ମଧ୍ୟରେ ୧ ହଜାର ୭ ଶହରୁ ଅଧିକ ନୂଆ ମାମଲା ସାମ୍ନାକୁ ଆସିଛି । ବର୍ତମାନ ସୁଦ୍ଧା ଆକ୍ରାନ୍ତଙ୍କ ସଂଖ୍ୟା ୭ ହଜାର ଟପିଲାଣି ।