ଏଣିକି ପ୍ରତିଟି ଘରେ ସ୍ମାର୍ଟ ମିଟର ଲଗାଇବା ବାଧ୍ୟତାମୂଳକ । ବିଜୁଳୀ ଉପଭୋକ୍ତାଙ୍କୁ କେନ୍ଦ୍ର ସରକାରଙ୍କ ନୂଆ ପାୱାର । ବିଳମ୍ବରେ ବିଦ୍ୟୁତ୍ ବିଲ୍ ଆସିଲେ ଟଙ୍କା ଛାଡ କରିବ କମ୍ପାନୀ ! ବିନା ସୂଚନାରେ ଲାଇନ କାଟ୍ ହେଲେ ଜରିମାନା ଭରିବେ ସଂସ୍ଥା ।
କନକ ବ୍ୟୁରୋ: ଶକ୍ତି ବିଭାଗକୁ ନେଇ କେନ୍ଦ୍ର ସରକାର ନେଇପାରନ୍ତି କଠୋର ପଦକ୍ଷେପ । ଫଳରେ ଦେଶରେ ପ୍ରଥମ ଥର ପାଇଁ ବିଜଳୀ ଉପଭୋକ୍ତାଙ୍କୁ ଏକ ପ୍ରକାରର ପାଓାର ମିଳିବାକୁ ଯାଉଛି । ତେବେ ଏନେଇ ଶକ୍ତି ମନ୍ତ୍ରାଳୟ ତରଫରୁ ଉଭୟ ଜନତା ଏବଂ ବିଭିନ୍ନ ରାଜ୍ୟର ରାଜ୍ୟ ସରକାରଙ୍କ ମତାମତ ଲୋଡାଯାଇଛି । ଏବଂ ଏହି ମତାମତ ଉପରେ ବିଚାର ବିମର୍ଷ କରାଯାଇ କେନ୍ଦ୍ର ସରକାର ଏହି ବ୍ୟବସ୍ଥାକୁ ଖୁବ୍ ଶୀଘ୍ର ଦେଶବ୍ୟାପୀ ଲାଗୁ କରିପାରନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏଣିକି ଆପଣଙ୍କୁ ବିଜୁଳୀ ସଂଯୋଗ ସେତେବେଳେ ଯାଇ ଦିଆଯିବ ଯେତେବେଳେ ଆପଣ ସ୍ମାର୍ଟ ବା ପ୍ରିପେଡ୍ ମିଟର ଲଗାଇବା ପାଇଁ ରାଜି ହେବେ । ତେବେ ଯଦି ଆପଣଙ୍କ ମନରେ ଏପ୍ରକାର ବିଲକୁ ନେଇ କୌଣସି ପ୍ରକାରଶ ସଂସୟ ସୃଷ୍ଟି ହୁଏ ତେବେ ଏଭଳି ପରିସ୍ଥିତିରେ ବିଜୁଳୀ ବିତରକ ସଂସ୍ଥା ରିୟଲ ଟାଇମ୍ ଡିଜେଟ୍ ଦେବାକୁ ବିକଳ୍ପ ଦେବେ । ତେବେ ଶକ୍ତି ମନ୍ତ୍ରାଳୟ ନୂଆ କନଜ୍ୟୁମ ନିୟମ ଜରିଆରେ ଏହି ବ୍ୟବସ୍ଥାକୁ ଏବେ ଆଇନର ରୂପ ଦେବାକୁ ଯାଉଛି । ଯାହା ଫଳରେ ଗ୍ରାହକମାନେ ଏହି ସ୍ମାର୍ଟ ତଥା ପ୍ରିପେଡ ମିଟରକୁ ନିଜେ ଚାହିଁଲେ ଲଗାଇପାରିବେ ଅଥବା ବିତରକ ସଂସ୍ଥା ତରଫରୁ ମଧ୍ୟ ନିଜ ଘରେ ଲଗାଇପାରିବେ । ତେବେ ଏଥିପାଇଁ କୌଣସି ବି ଗ୍ରାହକଙ୍କୁ କୌଣସି ବି ସଂସ୍ଥା ଚାପ ପକାଇପାରିବେ ନାହିଁ । କେବଳ ଏତିକି ନୁହେଁ ଏହି ନୂଆ ନିୟମ ଅନୁଯାୟୀ ଉପଭୋକ୍ତାଙ୍କ ନିକଟକୁ କୌଣସି ପ୍ରକାରର ଅଦରକାରୀ ତଥା ପ୍ରୋଭିଜିନାଲ ବିଲ ମଧ୍ୟ ପଠାଇପାରିବେ ନାହିଁ ବିଜୁଳୀ ବିତରକ ସଂସ୍ଥା । ସେହିଭଳି ଜରୁରୀକାଳୀନ ପରିସ୍ଥିତିରେ ଗୋଟିଏ ଅର୍ଥବର୍ଷରେ ମାତ୍ର ୨ ଥର ପ୍ରୋଭିଜିନାଲ ବିଲ ପଠାଯାଇପାରିବ ବୋଲି ଶକ୍ତି ମନ୍ତ୍ରାଳୟ ପକ୍ଷରୁ ପ୍ରସ୍ତୁତ କରାଯାଇଥିବା ଡ୍ରାଫ୍ଟରେ ଉଲ୍ଲେଖ ରହିଛି ।
ଯଦି କୌଣସି ଉପଭୋକ୍ତାଙ୍କ ପାଖକୁ ବିଜୁଳୀ ବିଲ୍ ୬୦ ଦିନ ବିଳମ୍ବରେ ଆସେ ତେବେ ସଂପୃକ୍ତ ବ୍ୟକ୍ତି ବିଶେଷଙ୍କୁ ଉକ୍ତ ବିଲ ଉପରେ ୨ରୁ ୫ ପ୍ରତିଶତ ପର୍ଯ୍ୟନ୍ତ ରିହାତି ମିଳିବ । ତେବେ ବିଜୁଳି ବିଲର ପେମେଂଟ ଆପଣ କ୍ୟାସ୍ , ଚେକ୍ , ଡେବିଡ କାର୍ଡ କିମ୍ବା ନେଟ ବ୍ୟାଙ୍କିଂରୁ କରିପାରିବେ । କିନ୍ତୁ ୧ ହଜାର କିମ୍ବା ଏହାଠୁ ଅଧିକ ବିଲ ପେମେଂଟ୍ ଆପଣ କେବଳ ଅନଲାଇନରେ ହିଁ କରିପାରିବେ । ସେହିଭଳି ବିଜୁଳୀ ବିତରଣ କଂପାନୀ ଉପରେ ଜରିମାନା ବା କ୍ଷତିପୂରଣର ନିୟମ ମଧ୍ୟ ଏହି ନୂଆ ଡ୍ରାଫ୍ଟରେ ପ୍ରସ୍ତାବ ରହିଛି । ଯଦି ବିନା କୌଣସି ସୂଚନା ଦେଇ ଲାଇଟ୍ କାଟ୍ କରାଯାଏ ତେବେ ସଂପୃକ୍ତ ସଂସ୍ଥା ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ତେବେ ଉପଭୋକ୍ତାଙ୍କ ସେବା ପାଇଁ ୨୪ ଘଂଟିଆ ଟୋଲଫ୍ରି ସେଂଟର ବ୍ୟବସ୍ଥା କରାଯିବା ସହ ନୂଆ ବିଜୁଳୀ ସଂଯୋଗ କିମ୍ବା କାଟିବା ପାଇଁ ଏବଂ କନେକ୍ସନ ସିଫ୍ଟ କରିବା ପାଇଁ ଏକ ମୋବାଇଲ ଆପ ଲଂଚ କରାଯିବ । ଆଉ ଏହି ଆପରେ କୌଣସି ପ୍ରକାରର ପରିବର୍ତ୍ତନ ଯେପରିକି ନାଁ ପରିବର୍ତ୍ତନ ହେଉ କିମ୍ବା ଲୋଡ ପରିବର୍ତ୍ତନ କିମ୍ବା ମିଟର ବଦଳାଇବା ଆଦି କାମ ଆପଣ ଘରେ ବସି କରିପାରିବେ ।