ନ୍ୟୁଜିଲାଣ୍ଡରେ ଦିନିକିଆ ସିରିଜ ପରାଜୟ ପରେ ଛୁଟି ମନାଉଛନ୍ତି ଭାରତୀୟ ଖେଳାଳୀ: ଟେଷ୍ଟ ସିରିଜ୍ ଆଗରୁ ପରାଜୟ ଭୁଲିବାକୁ ଉଦ୍ୟମ; କୋହଲିଙ୍କ ସହ ମସ୍ତି କରୁଛନ୍ତି ଯୁବ କ୍ରିକେଟର
କନକ ବ୍ୟୁରୋ: ନ୍ୟୁଜିଲାଣ୍ଡ ଗସ୍ତରେ ଥିବା ଭାରତୀୟ ଟିମ୍ ଏବେ ଖୁସି ମନାଉଛି । ୦-୩ରେ ଦିନିକିଆ ସିରିଜ ପରାଜୟ ପରେ ଚାପରେ ରହିଥିଲା କୋହଲି ବାହିନୀ । ତେବେ ଆଗକ୍ରୁ ଫେବ୍ରୁଆରୀ ୨୧ରୁ ରହିଛି ନ୍ୟୁଜିଲାଣ୍ଡ ବିପକ୍ଷରେ ଟେଷ୍ଟ ସିରିଜ । ଏହି ସିରିଜ ଆଗରୁ ଦଳର ଖେଳାଳିଙ୍କୁ ପରାଜୟର ଚାପରୁ ବାହାରକୁ ଆଣିବାକୁ ଉଦ୍ୟମ କରିଛି ଟିମ ମ୍ୟାନେଜମେଂଟ । ଦିନିକିଆ ସିରିଜ ପରାଜୟ ପରେ କିଛି ଖେଳାଳି ଭାରତ ପ୍ରତ୍ୟାବର୍ତନ କରିଛନ୍ତି । ଟେଷ୍ଟ ସିରିଜ ପାଇଁ କିଛି ଖେଳାଳି ଦଳରେ ସାମିଲ ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବର୍ତମାନ ଟେଷ୍ଟ ସିରିଜ ପାଇଁ ରହିଥିବା ସଂଭାବ୍ୟ ଦଳ ସହିତ କ୍ୟାପଟେନ୍ କୋହଲି ବିଭିନ୍ନ ପର୍ଯ୍ୟଟନ ସ୍ଥଳ ବୁଲିବା ସହ ଏହାର ମଜା ନେଉଛନ୍ତି । କୋହଲିଙ୍କ ସହିତ ଦୀର୍ଘ ସମୟ ପରେ ଟେଷ୍ଟ ଦଳକୁ ଫେରିଥିବା ରବି ଚନ୍ଦ୍ରନ ଅଶ୍ୱିନ୍ , ମୟଙ୍କ ଅଗ୍ରୱାଲ, ପୃଥ୍ୱୀ ଓ, ବୁମରା, ଚେତେଶ୍ୱର ପୂଜାରା, ରିସଭ ପନ୍ତ, ରିଦ୍ଦିମାନ ଶାହା, ମହମ୍ମଦ ସାମି ପ୍ରଭୃତି ବୁଲୁଥିବାର ସେଲଫି ନଜରକୁ ଆସିଛି । ଲାଗୁଛି ନ୍ୟୁଜିଲାଣ୍ଡରେ ଦିନିକିଆ ସିରିଜ ପରାଜୟର ଦୁଃଖ ଭୁଲିବାକୁ ଏପରି ଭ୍ରମଣ ବାଟ ଆପଣାଇଛି ଟିମଇଣ୍ଡିଆ ।