ମଝି ସମୁଦ୍ରରେ ଭାରତୀୟ ନୌସେନାର ପରାକ୍ରମ । ଆରବସାଗରରେ ‘ମାର୍କୋସ କମାଣ୍ଡୋ’ଙ୍କ କମାଲ
କନକ ବ୍ୟୁରୋ : ପୁଣି ଥରେ ପରାକ୍ରମ ଦେଖାଇଛି ଭାରତୀୟ ସେନା । ମଝି ସମୁଦ୍ରରେ ଅପହରଣକାରୀଙ୍କ କବଳରୁ ୧୫ଜଣ ଭାରତୀୟଙ୍କ ସମେତ ୨୧ଜଣ କ୍ରିୟୁ ସଦସ୍ୟଙ୍କୁ ସୁରକ୍ଷିତ ଉଦ୍ଧାର କରିପାରିଛି ନୌସେନା । ବଳ, ବୁଦ୍ଧି ଖଟାଇ ଜଳଦସ୍ୟୁଙ୍କ କବଳରୁ ୨୧ଜଣଙ୍କୁ ରକ୍ଷା କରିବା ପରେ ଏବେ ସବୁଠି ଭାରତୀୟ ସେନାର ପ୍ରଂଶସା । ଉଦ୍ଧାର ପାଇଥିବା କ୍ରିୟୁ ସଦସ୍ୟଙ୍କ ପ୍ରଥମ ଝଲକ ମଧ୍ୟ ସାମ୍ନାକୁ ଆସିଛି । ଜଳଦସ୍ୟୁଙ୍କ କବଳରୁ ସୁରକ୍ଷିତ ଉଦ୍ଧାର ପାଇବା ପୁର୍ନଜନ୍ମ ବୋଲି କହି ଭାରତୀୟ ସେନାକୁ ଧନ୍ୟବାଦ ଜଣାଇଛନ୍ତି କ୍ରିୟୁ ସଦସ୍ୟ ।
Kanak News is now on WhatsApp
Join and get latest news updates delivered to you via WhatsApp
ଏବେ ଆସନ୍ତୁ ଜାଣିବା ମଝି ସମୁଦ୍ରରେ ଜଳଦସ୍ୟୁ କିଭଳି ଜାହାଜକୁ ଅପହରଣ କରିଥିଲେ
ମାଲାବାହୀ ଜାହାଜ ଏମଭି ଲୀଲା ନୋରଫୋକ ୨୧ ଜଣ କ୍ରିୟୁ ସଦସ୍ୟଙ୍କୁ ନେଇ ବ୍ରାଜିଲରୁ ବାହାରିନକୁ ଯାତ୍ରା ପାଇଁ ବାହାରିଥିଲା । ସୋମାଲିଆ ଉପକୂଳର ଠିକ ୩ଶହ ମିଟର ଦୂରରେ ହଠାତ ଜାହାଜ ଭିତରେ ଅନୁପ୍ରବେଶ କରିଥିଲେ । ଅପହୃ୍ତ ଜାହାଜ ବିଟ୍ରେନର ମେରିଟାଇମ ଟ୍ରେଡ ଅପରେସନ ପୋର୍ଟାଲକୁ ଏକ ସୂଚନା ଦେଇଥିଲା । ସମୁଦ୍ରରେ ପାଟ୍ରୋଲିଂ କରୁଥିବା ଭାରତୀୟ ନୌସେନା ନିକଟକୁ ଖବର ପହଁଚିବା ପରେ ଘଟଣାସ୍ଥଳକୁ ବାହାରିଥିଲା ଆଇଏନଏସ ଚେନ୍ନାଇ, ପାଟ୍ରୋଲିଂ ଯୁଦ୍ଧ ବିମାନ ପି-ଏଇଟ ଆଇ ଓ ଦୂରଗାମୀ ପ୍ରେଡୋଟର ଏମକ୍ୟୁନାଇନବି । ତୁରନ୍ତ ଅପହରଣ ସ୍ଥଳକୁ ସେନା ପହଁଚୁଥିବା ଜାଣିବା ପରେ ଜାହାଜ ଛାଡି ଚାଲିଯାଇଥିଲେ ଜଳଦସ୍ୟୁ । ୧୫ଜଣ ଭାରତୀୟଙ୍କ ସମେତ ମୋଟ ୨୧ଜଣ କ୍ରିୟୁ ସଦସ୍ୟଙ୍କୁ ସୁରକ୍ଷିତ ଉଦ୍ଧାର କରିବା ପରେ ସଫଳ ହୋଇଥିଲା ନୌସେନାର ମାର୍କୋସ କମାଣ୍ଡୋ । ଭାରତୀୟ ନୌସେନା ମୁଖ୍ୟ ସମୁଦ୍ର ଲୁଟେରାଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ପାଇଁ ସେନାକୁ ନିର୍ଦ୍ଦେଶ ଦେବା ସହ ୪ଟି ଯୁଦ୍ଧପୋତକୁ ନିୟୋଜିତ କରାଯାଇଛି ।
ସମୁଦ୍ରରେ ଶତ୍ରୁଙ୍କ ଗତିପଥ ଉପରେ କଡ଼ା ନଜର ରଖୁଛି ଭାରତୀୟ ସେନା । ୪ରୁ ୬ଜଣ ଅଜ୍ଞାତ ଦୁବୁର୍ତ ଅସ୍ତ୍ରଣସ୍ତର ସହ ଜାହାଜ ଭିତରେ ପ୍ରବେଶ କରିଛନ୍ତି ।ବିପଦପୂର୍ଣ୍ଣ ବା ଅପହରଣ ସମ୍ଭାବନା ଥିବା ଅଂଚଳ ଦେଇ ଯାଉଥିବା ଜାହାଜଗୁଡିକର ସୁରକ୍ଷା କରିବା ପାଇଁ ବିଦେଶୀ ରାଷ୍ଟ୍ରମାନଙ୍କୁ ପ୍ରତିଶ୍ରୁତି ଦେଇଛି ଭାରତ । ଏହା ଭିତରେ ଲିବେରିଆ ପଂଜୀକୃତ ଜାହାଜକୁ ଜଳଦସ୍ୟୁଙ୍କ କବଳରୁ ରକ୍ଷା କରି ଭାରତ ନିଜର ପରାକ୍ରମ ପୁଣି ଦେଖାଇଛି । ସେପଟେ ମଝି ସମୁଦ୍ରରେ ଜାହାଜ ଅପହରଣ ଘଟଣା ଦିନକୁୁ ଦିନ ବଢ଼ିବାରେ ଲାଗିଛି । ଲୋହିତ ସାଗରରେ ଲଗାତାର ମାଲବାହୀ ଯାତ୍ରୀବାହି ଜାହାଜକୁ ଟାର୍ଗେଟ କରୁଛି ହୁତୀ ବିଦ୍ରୋହୀ ସଂଗଠନ ।