ଶୀତ ଦିନ ପାଇଁ ପ୍ରସ୍ତୁତ ହେଉଛି ଭାରତୀୟ ସେନା: ଚୀନ ସୀମାରେ ପହଂଚୁଛି ଶୀତଦିନିଆ ଉପକରଣ, ପ୍ରତିକୂଳ ପରିସ୍ଥିତିରେ ମୁକାବିଲା ପାଇଁ ଯୁଦ୍ଧ ସରଞ୍ଜାମ ବୋହୁଛି ପରିବହନ ବିମାନ
ସେପଟେ ଭାରତୀୟ ସେନାର ନର୍ଦନ କମାଣ୍ଡ କହିଲା, ପରିସ୍ଥିତି ଉପୁଜିଲେ ପୂର୍ଣ୍ଣାଙ୍ଗ ଲଢ଼େଇ ପାଇଁ ପ୍ରସ୍ତୁତ ରହିଛି ସେନା
କନକ ବ୍ୟୁରୋ: ଶୀତଦିନ ପାଇଁ ପ୍ରସ୍ତୁତ ହେଉଛି ଭାରତୀୟ ସେନା । ଚୀନ ସୀମାରେ ପଂହଚୁଛି ଶୀତଦିନିଆ ଉପକରଣ । ପ୍ରତିକୂଳ ପରିସ୍ଥିତିର ମୁକାବିଲା ପାଇଁ ଯୁଦ୍ଧ ସଂରଜାମ ପହଂଚାଯାଉଛି ସୀମାରେ । ଭାରତୀୟ ସେନାର ନର୍ଦନ କମାଣ୍ଡ ପକ୍ଷରୁ କୁହାଯାଇଛି ପରିସ୍ଥିତି ଉପୁଜିଲେ ପୂର୍ଣ୍ଣାଙ୍ଗ ବଡ ଯୁଦ୍ଧ ପାଇଁ ପ୍ରସ୍ତୁତ ରହିଛି ସେନା । ଭାରତ-ଚୀନ ସୀମାରେ ଉତେଜନାମୁଳକ ସ୍ଥିତି ଲାଗିରହିଥିବା ବେଳେ ଭାରତ କୌଣସି ବି ପରିସ୍ଥିତିର ମୁକିବିଲା ପାଇଁ ତୟାର ରହୁଛି । ବର୍ତମାନ ଚାଲିଥିବା ଭାରତୀୟ ସେନାର ପ୍ରସ୍ତୁତିରୁ ଅନୁମାନ କରାଯାଉଛି, ଯଦି ସେମିତି କିଛି ଅପ୍ରିତିକର ପରିସ୍ଥିତି ସୃଷ୍ଟି ହୁଏ ତେବେ ତତକ୍ଷଣାତ ଭାରତ ଏହାର ଜବାବ ଦେବାକୁ ତୟାର ଅଛି ।
Kanak News is now on WhatsApp
Join and get latest news updates delivered to you via WhatsApp
ସୀମାରେ ପ୍ରସ୍ତୁତ ଭାରତୀୟ ସେନା । ଚାଲାକ ଚୀନ୍ର ସବୁ ଚାଲକୁ ମାତ୍ ଦେବା ପାଇଁ ସୀମାରେ ତୟାର ସୈନିକ । ଆଉ ଚଳିବ ନାହିଁ ଚୀନର ବିସ୍ତାରବାଦ ନୀତି । ଚୀନ୍ ସହ ସୀମା ବିବାଦ ମଧ୍ୟରେ ଯେକୌଣସି ପରିସ୍ଥିତିର ମୁକାବିଲା କରିବା ପାଇଁ ପ୍ରସ୍ତୁତ ରହିଛି ଭାରତୀୟ ସେନା । ପୂର୍ବ ଲଦାଖର ବିବାଦୀୟ ଅଂଚଳରେ ଏବେବି ବିବାଦର ସମାଧାନ ହୋଇନାହିଁ । ଉଚ୍ଚ ପାହାଡରେ ଲଢେଇ କରିବାରେ ସିଦ୍ଧ ହସ୍ତ ଭାରତୀୟ ସୈନିକ । ସେପଟେ ୧୯୭୯ରେ ଭିଏତନାମ ଯୁଦ୍ଧ ପରେ ଆଉ କୌଣସି ଯୁଦ୍ଧରେ ସାମିଲ ହୋଇନାହିଁ ପିପୁଲ୍ସ ଲିବରେସନ ଆର୍ମି । ଏହି ଦୃଷ୍ଟି କୋଣରୁ ଭାରତୀୟ ସେନା ନିକଟରେ ଅଭିଜ୍ଞତା ମଧ୍ୟ ଢେର ଅଧିକ ରହିଛି ।
ସୀମା ବିବାଦ ମଧ୍ୟରେ ସମୁଦ୍ର ପତନ ଠାରୁ ହଜାର ହଜାର କିଲୋମିଟର ଉଚ୍ଚ ହିମାଳୟରେ ବାୟୁ ସେନାର ଶକ୍ତି ପ୍ରଦର୍ଶନ । ଆକାଶରେ ଉଡୁଛି ଚିନୁକ, ସୁଖୋଇ ଓ ସି ସେଭେନଟିନ । ଲେହ ସେନା କ୍ୟାମ୍ପରେ ଭାରତୀୟ ବାୟୁସେନା ଓ ସ୍ଥଳସେନାର ଶକ୍ତିର ଝଲକ ଦେଖିବାକୁ ମିଳିଛି । ସୁଖୋଇ ବିମାନ ଉଡିବା ସହ ବିଧ୍ୱସଂକାରୀ ଟ୍ୟାଙ୍କ ପ୍ରଦର୍ଶନ କରାଯାଇଛି । କ୍ଷଣକରେ ଲଢେଇର ଫଳାଫଳକୁ ବଦଳାଇବାର କ୍ଷମତା ରଖୁଥିବା ବୋଫର୍ସ ଗନ ଓ ଯୁଦ୍ଧାସ୍ତ୍ରର ଝଲକ ଦେଖିବାକୁ ମିଳିଛି ।
ସୀମାରେ ମୁତୟନ ଥିବା ଯବାନଙ୍କୁ ଯୁଦ୍ଧାସ୍ତ୍ରଠାରୁ ଆରମ୍ଭ କରି ରାସନ ଓ ଅତ୍ୟାବଶ୍ୟକ ସାମଗ୍ରୀକୁ ସାଇତି ରଖାଯାଏ ଲଦାଖର ଲେହ ଅସ୍ତ୍ରଶସ୍ତ୍ର ଡିପୋରେ । ଏହାସହ କେ ନାଇନ ଥଣ୍ଡର ଭଳି ଅତ୍ୟାଧୁନିକ ଟ୍ୟାଙ୍କ ଓ ଟି ନାଇନଟି ଭୀଷ୍ମ, ଟି ସେଭେନଟି ଟୁ ଅଜୟ, ଏକେ ଫର୍ଟି ସେଭେନ, ଏମ ସିକ୍ସଟିନ ରାଇଫଲ ଓ ପ୍ରଚୁର ପରିମାଣରେ ଗୋଳାବାରୁଦକୁ ଏଠାରେ ସାଇତି ରଖାଯାଏ । ଲଦାଖ ସମେତ କାଶ୍ମୀରର ବିଭିନ୍ ଅଂଚଳକୁ ଏଠାରୁ ଯବାନଙ୍କୁ ଆବଶ୍ୟକ ମୁତାବକ ସାମଗ୍ରୀ ଯୋଗଇ ଦିଆଯାଏ । ଏହି ଅଂଚଳରେ ବର୍ଷରେ ୬ମାସ ତାପମାତ୍ରା ମାଇନସ ଡିଗ୍ରୀକୁ ଚାଲିଯାଉଥିବା ବେଳେ ଏହି ସମୟରେ ଯବାନମାନେ କିପରି କାର୍ଯ୍ୟ କରିଥାନ୍ତି ତାର ମଧ୍ୟ ପ୍ରଦର୍ଶନ କରାଯାଇଛି । ବର୍ଷଯାକ ସ୍ଥଳସେନାକୁ ସବୁ ସାମଗ୍ରୀ ଯୋଗାଇବାରେ ଲାଗିଥାଏ ବାୟୁସେନା ।
ଗୋଟିଏ ପଟେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ମଧ୍ୟ ସ୍ପଷ୍ଟ କରିଛନ୍ତି ଯେ, ବିବାଦର ଶାନ୍ତିପୂର୍ଣ୍ଣ ସମାଧାନ ଚାହେଁ ଭାରତ । କିନ୍ତୁ ସୀମାରେ ଯେକୌଣସି ପରିସ୍ଥିତିର ମୁହଁତୋଡ ଜବାବ ଦେବା ପାଇଁ ପ୍ରସ୍ତୁତ ଭାରତୀୟ ସେନା । ଅପରପକ୍ଷରେ ଲେହରେ ଭାରତୀୟ ସେନା କରୁଛି ତାର ପ୍ରସ୍ତୁତି । ଭାରତ ଚୀନ୍ ବିବାଦ ମଧ୍ୟରେ ଶୀତ ଦିନ ପାଇଁ ସ୍ୱତନ୍ତ୍ର ପ୍ରସ୍ତୁତି ଚଳାଇଛି ବ୍ରୋ ଅର୍ଥାତ ବୋର୍ଡର ରୋଡ ଅର୍ଗାନାଇଜେସନ । ଶୀତ ଋତୁରେ ପ୍ରବଳ ତୁଷାରପାତ ଯୋଗୁଁ ୯୫ଦିନ ବଦଳରେ ଚଳିତ ବର୍ଷ ମାତ୍ର ୪୫ଦିନ ପାଇଁ ଶ୍ରୀନଗର-ଜୋଜିଲା-କାର୍ଗିଲ-ଲେହ ରାସ୍ତାକୁ ବନ୍ଦ ରଖିବାକୁ ନିଷ୍ପତି ନିଆଯାଇଛି । ଏହାସହ ଦର୍ବ୍ୟୁକ-ଶ୍ୟୋକ- ଦୌଲତ ବେଗ୍ ଓଲ୍ଡି ରାସ୍ତାର ସମସ୍ତ ପୋଲର ମଧ୍ୟ ମରାମତି କରାଯାଇଛି । ଯେପରି ଏହି ରାସ୍ତାରେ ଭାରିଯାନ ଚଳାଚଳରେ କୌଣସି ଅସୁବିଧା ନହୁଏ ।