ପୁଣିଥରେ ବାୟୁସେନାର ଏକ ହେଲିକପ୍ଟର ଦୁର୍ଘଟଣାଗ୍ରସ୍ତ ହୋଇଛି । ଉତ୍ତରାଖଣ୍ଡର କେଦାରନାଥରେ ବାୟୁସେନାର ଏମଆଇ-୧୭ ହେଲିକପ୍ଟର ଦୁର୍ଘଟଣାଗ୍ରସ୍ତ ହୋଇଛି । ହେଲିକପ୍ଟରର କିଛି ଅଂଶ ନଷ୍ଟ ହୋଇଯାଇଛି । ତେବେ ସୋଭାଗ୍ୟବସତଃ ଏହି ଦୁର୍ଘଟଣାରେ କାହାର ମୃତ୍ୟୁ ହୋଇନାହିଁ । ହେଲିକପ୍ଟରରେ ପାଇଲଟଙ୍କ ସମେତ ଥିବା ଅନ୍ୟ ୪ ଜଣଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଛି । ଏହି ହେଲିକପ୍ଟର ଗୁପ୍ତକାଶୀରୁ ଉଡାଣ କେଦାରନାଥ ଯାଉଥିବା ବେଳେ ଦୁର୍ଘଟଣା ହୋଇଥିଲା । ଏଥିରେ ମନ୍ଦିର କାମ ପାଇଁ ନିର୍ମାଣ ସାମଗ୍ରୀ ନିଆଯାଉଥିବା ବେଳେ ଏହା ଦୁର୍ଘଟଣାଗସ୍ତ ହୋଇଥିଲା ।
Kanak News is now on WhatsApp
Join and get latest news updates delivered to you via WhatsApp
କେଦାରନାଥ ମନ୍ଦିରର ନିର୍ମାଣ କାଯ୍ୟ ଚାଲୁଥିବା ବେଳେ ମନ୍ଦିର ପାଖରେ ଝୁଲୁଥିବା ତାରରେ ଲାଗିଯାଇ ହେଲିକପ୍ଟରଟି ଦୁର୍ଘଟଣାଗ୍ରସ୍ତ ହୋଇଥିବା ସ୍ଥାନୀୟ ଲୋକ କହିଛନ୍ତି । ବାୟୁସେନାର ହେଲିକପ୍ଟରକୁ କେଦାରନାଥ ମନ୍ଦିର ନିର୍ମାଣ କାର୍ଯ୍ୟରେ ଲଗାଯାଇଥିଲା । ଏଠାରେ ସୂଚନାଯୋଗ୍ୟ, ୨୦୧୩ ମସିହାରେ ଭୟଙ୍କର ପ୍ରାକୃତିକ ଦୁର୍ବିପାକରେ କେଦାରନାଥ ମନ୍ଦିର କିଛି ଅଂଶ ଭାଙ୍ଗି ଯାଇଥିଲା ।ସେବେଠାରୁ ଏଠାରେ ନିର୍ମାଣ କାର୍ଯ୍ୟ ଲାଗି ରହିଛି ।