ଚୀନ ସୀମାରେ ଦମ ଦେଖାଇଲା ଭାରତୀୟ ବାୟୁସେନା: ଲେହ ଏୟାର ବେସରେ ଚକ୍କର କାଟିଲା ଚିନୁକ, ସି -୧୭ ଗ୍ଲୋବାଲ ମାଷ୍ଟର; ବାୟୁସେନ କହିଲା ଶତ୍ରୁର ଚାଲକୁ ପରଖି ପ୍ରସ୍ତୁତ ଅଛି ଭାରତ
କନକ ବ୍ୟୁରୋ: ଆଜି ଆକାଶ ମାର୍ଗକୁ ଶତ୍ରୁକୁ ରଣହୁଙ୍କାର ଦେଇଛି ଭାରତୀୟ ବାୟୁସେନାର ଲଢୁଆ ବିମାନ । ଲଦାଖର ଲେହ ଏୟାରବେସରୁ ଗୋଟିଏ ପରେ ଗୋଟିଏ ଲଢୁଆ ବିମାନ ତାର ଉପଯୁକ୍ତ ସ୍ଥାନରେ ମୁତୟନ ହେବା ପାଇଁ ପ୍ରସ୍ଥାନ ହୋଇଛି । ଭାରତୀୟ ବାୟୁସେନା କହିଛି, ଶତ୍ରୁର ଚାଲକୁ ଦୃଷ୍ଟିରେ ରଖି ରଣନୀତି ପ୍ରସ୍ତୁତ ହୋଇଛି ବିଶେଷ କରି ଶୀତଦିନିଆ ଚ୍ୟାଲେଂଜକୁ ନଜରରେ ରଖି ଯୋଜନା ତିଆରି ହୋଇଛି । ଏବେ ସମୟ ଆସିଛି ଶତ୍ରୁକୁ ସାବଧାନ ହେବାକୁ । କାରଣ ତୟାର ଅଛି ଭାରତୀୟ ବାୟୁସେନା ।
Kanak News is now on WhatsApp
Join and get latest news updates delivered to you via WhatsApp
#WATCH Indian Air Force’s MiG 29 fighter aircraft carries out sortie from the #Leh airbase in #Ladakh pic.twitter.com/dTOzP3G1JQ
— ANI (@ANI) October 10, 2020
ଲଦାଖର ଲେହ ଏୟାରବେସରୁ ଶତ୍ରୁକୁ ସାବଧାନ କରାଇଦେଇଛନ୍ତି ଲଢୁଆ ବିମାନ । ଆକାଶରେ ଉଡୁଥିଲା ଏମଆଇଜି-୨୯, ସି-୧୭ ଏବଂ ଚିନୁକ ହେଲିକପ୍ଟର । ଗୋଟିଏ ପରେ ଗୋଟିଏ ଲଢୁଆ ବିମାନ ଶତ୍ରୁ ପକ୍ଷର କୌଣସି ରଣନୀତିକୁ ପ୍ରତିହତ କରିବା ପାଇଁ ପ୍ରସ୍ତୁତ ରହିଥିଲା ।
ଆକାଶରେ ବାଟ କାଟୁଛି ଏମଆଇଜି-୨୯ । ଆକାଶ ଚିରି ଉଡୁଛି ସି-୧୭ । ଆକାଶରେ ଶକ୍ତି ଦେଖାଉଛି ଚିନୁକ । ଭାରତୀୟ ବାୟୁସେନାର କହିବା ହେଲା
-ଆମେ ପ୍ରସ୍ତୁତ ଅଛୁ, ଶତ୍ରୁମାନଙ୍କୁ ପ୍ରତିହତ କରିବା ପାଇଁ ଉଚିତ ଭାବରେ ପୋଜିସନ ନେଇଛୁ ବା ସ୍ଥାନ ଗ୍ରହଣ କରିଛୁ ।
-ଯେଉଁ ସ୍ଥାନରେ ଲଢୁଆ ବିମାନ ମୁତୟନ ହେବା କଥା ସେହି ସ୍ଥାନରେ ହୋଇସାରିଛି
-ଶୀତଦିନର ଚ୍ୟାଲେଂଜକୁ ନେଇ ପ୍ରସ୍ତୁତି ହୋଇଛି
-ଶତ୍ରୁର ଗତିବିଧିକୁ ନଜର ରଖି ଆବଶ୍ୟକ ଯୋଜନା କରାଯାଇଛି ।
#WATCH: Indian Air Force’s C-17 Globemaster transport aircraft landing at the Leh airbase in Ladakh with supplies for troops deployed in forward areas. pic.twitter.com/QV6L7sQsQD
— ANI (@ANI) October 10, 2020
ଆଜି ଲାଦାଖର ଲେହ ଏୟାରବେସରୁ ଏମଆଇଜି-୨୯ ଲଢୁଆ ବିମାନ ପ୍ରସ୍ଥାନ କରିଥିଲା । ସେହିପରି ସି-୧୭ ଗ୍ଲୋବାଲ ମାଷ୍ଟର ଟ୍ରାନସପୋର୍ଟ ବିମାନ ଲେହ ଏୟାରବେସରେ ଅବତରଣ କରିଥିଲା । ଫରୱାର୍ଡ ଅଂଚଳରେ ମୁତୟନ ହୋଇଥିବା ଟ୍ରୁପସ ପାଇଁ ସାମଗ୍ରୀ ଆଣିଥିଲା ସି-୧୭ ଏଥିସହ ଚିନୁକ ହେଲିକପ୍ଟର ଲେହ ଏୟାରବେସରୁ ପ୍ରସ୍ଥାନ କରିଥିବାର ଦୃଶ୍ୟ ଦେଖିବାକୁ ମିଳିଥିଲା । ଭାରତୀୟ ବାୟୁସେନାର ଆକାଶରେ ଏହି ପ୍ରସ୍ତୁତି ଗୋଟିଏ ବାର୍ତା ଦେଉଥିଲା, ଶତ୍ରୁ ଯେତେ ହୁସିଆର ହେଲେ ବି ତାର ପ୍ରତିଟି ଚାଲକୁ ନଜରରେ ରଖି ରଣନୀତି ପ୍ରସ୍ତୁତି ଲାଗିପଡିଛି ଭାରତୀୟ ବାୟୁସେନା ।