ଆକାଶରେ ଆପାଚି ଉଡୁଛି, ତଳେ ଟ୍ୟାଙ୍କ ଜଗିଛି ଆକାଶରେ ଉଡୁଛି ଭାରତର ଘାତକ ଅସ୍ତ୍ର ଆପାଚି, ତୁହାକୁ ତୁହା ଉଡୁଛି କ୍ଷେପଣାସ୍ତ୍ର ବିଧ୍ୱଂସୀ ଲଢୁଆ ବିମାନ । ଚୀନକୁ ସାବାଡ କରିବାକୁ ଭାରତୀୟ ସେନାର ସମରସଜ୍ଜା ।
କନକ ବ୍ୟୁରୋ: ଗଲୱାନ ଘାଟିରେ ଡ୍ରାଗନ ସେନା ଓ ଭାରତୀୟ ଯବାନଙ୍କ ମଧ୍ୟରେ ଲଢେଇ ପରେ ସୀମାରେ ଉତେଜନା ଚରମ ସୀମାରେ ପହଂଚିଛି । ଲାଇନ ଅଫ ଆକଚୁଆଲ କଂଟ୍ରୋଲ ବା ଏଲଏସି ନିକଟରେ ବଢିଛି ସେନା ମୁତୟନ । ଉଭୟ ଭାରତୀୟ ଯବାନ ଏବଂ ଚାଇନା ଯବାନଙ୍କ ମୁତୟନ ସଂଖା ଆଗ ଅପେକ୍ଷା ବେଶ ବୃଦ୍ଧି ପାଇଛି ।
Kanak News is now on WhatsApp
Join and get latest news updates delivered to you via WhatsApp
ଆକାଶରେ ଉଡୁଛି ଯୁଦ୍ଧ ବିମାନ
ଉଡାଣ ଭରୁଛି ସୁଖୋଇ, ମିରାଜ
ଚକ୍କର ମାରୁଛି ଆପାଚି
ପରିସ୍ଥିତିକୁ ଦୃଷ୍ଟିରେ ରଖି ଖାଲି ସେନା ମୁତୟନ ହୋଇନି, ଆକାଶରେ ପଇଁତରା ମାରିବା ଆରମ୍ଭ କରିଦେଇଛନ୍ତି ଭାରତୀୟ ଯୁଦ୍ଧ ବିମାନ । ମିରାଜ, ସୁଖୋଇ ବିମାନର ତୁହାକୁ ତୁହା ଉଡାଣ ଦେଖିବାକୁ ମିଳୁଛି । ଉଡାଣ ଭରୁଛନ୍ତି ଟ୍ୟାଙ୍କ ବିଧ୍ୱସ୍ତି କ୍ଷେପଣାସ୍ତ୍ର । ଏହା ସହିତ ଆପାଚି ହେଲିକପଟର ମଧ୍ୟ ଆକାଶରେ ଚକ୍କର ମାରୁଛନ୍ତି । ଏଥିରୁ ସହଜରେ ଅନୁମାନ କରାଯାଇପାରେ ପରିସ୍ଥିତି କେତେ ଗମ୍ଭୀର ରହିଛି ।
ଠୁଳ ହେଉଛି ଭାରୀ ଯୁଦ୍ଧାସ୍ତ୍ର
ଆକାଶରେ ଉଡୁଛି ଆପାଚି
ଭାରତ ଯୁଦ୍ଧସ୍ତରରେ ସେନା ମୁତୟନ ଓ ଭାରୀ ଯୁଦ୍ଧାସ୍ତ୍ର ଠୁଳ କରିବା ପ୍ରକ୍ରିୟା ଜାରି ରଖିଛି । ଏଥିସହ ଅଧିକ ସଂଖ୍ୟାରେ ଯୁଦ୍ଧ ବିମାନର ଉପସ୍ଥିତି ଯୋଗୁଁ ଯୁଦ୍ଧ ଆଶଙ୍କା ଘନେଇବାରେ ଲାଗିଛି । ଲେହ ଏୟାରବେସ ସମୁଦ୍ରପତନ ଠାରୁ ୧୦ହଜାର୬୦୦ ଫୁଟ ଉଚ୍ଚରେ ରହିଥିବାରୁ ସେଠାରେ ଆପାଚି ହେଲିକପ୍ଟର ମୁତୟନ କରାଯାଇଛି । ଗଲୱାନ ଘାଟିଠାରୁ ୫୦ କିଲୋମିଟର ଦୂରରେ ଆପାଚି ହେଲିକପଟର ଉଡିବାର ଦୃଶ୍ୟ ଦେଖିବାକୁ ମିଳିଛି । ବିଶ୍ୱର ସବୁଠାରୁ ଘାତକ ଏବଂ ଆଧୁନିକ ହେଲିକପଟର ହେଉଛି ଆପାଚି, ଯାହା ଭାରତ ଆମେରିକା ଠାରୁ କିଣିଛି ।
ବର୍ଡର ପାଟ୍ରୋଲିଂକୁ କଡାକଡି କରାଯାଇଛି । ସାଟେଲାଇଟ ଛବି ମାଧ୍ୟମରେ ସ୍ଥିତି ଉପରେ ୨୪ ଘଂଟା ନଜର ରଖାଯାଇଛି । ଚୀନ ସେନା ପକ୍ଷରୁ କୌଣସି ବିପଦର ମୁକାବିଲା କରିବା ପାଇଁ ତୟାର ରହିଛି ଭାରତୀୟ ସେନା । ସୀମାରେ ଭାରତ ସୁରକ୍ଷା ନୀତିକୁ ବଦଳାଇ ଲଢୁଆ ଯୁଦ୍ଧ ବିମାନକୁ ପ୍ରସ୍ତୁତ ରଖିଛି । କୌଣସି ପରିସ୍ଥିତିରେ ଯଦି ଯୁଦ୍ଧ ଘୋଷଣା ହୁଏ, ତେବେ ଭାରତୀୟ ସେନା ସବୁ ପ୍ରକାର ସ୍ଥିତିର ସାହସର ସହ ମୁକାବିଲା କରିବା ପାଇଁ ନିଜକୁ ପ୍ରସ୍ତୁତ ରଖିଛି ।