କ୍ରିକେଟରେ ଭାରତକୁ ଆଉ ଏକ ମୁକୁଟ । ଲିଜେଣ୍ଡ ଚାମ୍ପିୟନସିପ ଟାଇଟଲ ଜିତିଲା ଭାରତ
କନକ ବ୍ୟୁରୋ : ପାକିସ୍ତାନକୁ ହରାଇ ଭାରତ ଲିଜେଣ୍ଡ ଚାମ୍ପିୟନସିପ ଟାଇଟଲ ଜିତିଛି । ପୂର୍ବତନ କ୍ରିକେଟ ଖେଳାଳିଙ୍କୁ ନେଇ ଏହି ଟୁର୍ଣ୍ଣାମେଂଟ ଆୟୋଜିତ ହୋଇଥିଲା । ଫାଇନାଲରେ ଦୁଇ ପ୍ରତିଦ୍ବନ୍ଦୀ ଭାରତ ଓ ପାକିସ୍ତାନ ମୁହାଁମୁହିଁ ହୋଇଥିଲେ । ପାକିସ୍ତାନ କ୍ୟାପଟେନ୍ ୟୁନିସ୍ ଖାନ୍ ଟସ୍ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତି ନେଇଥିଲେ । ପାକିସ୍ତାନ ପ୍ରଥମେ ବ୍ୟାଟିଂ କରି ୬ ୱିକେଟରେ ୧୫୬ ରନ୍ କରିଥିଲା । ଜବାବରେ ଭାରତ ୧୯ ଦଶମିକ ୧ ଓଭରରେ ୫ ୱିକେଟ ହରାଇ ମ୍ୟାଚ୍ ଜିତିନେଇଥିଲା । ବ୍ରିଟେନର ବର୍ମିଂହାମରେ ଫାଇନାଲ ମ୍ୟାଚ୍ ଖେଳାଯାଇଥିଲା । ଭାରତ ପକ୍ଷରୁ ଅମ୍ବାତି ରାଇଡୁ ଧୂଆଁଧାର ବ୍ୟାଟିଂ ପ୍ରଦର୍ଶନ କରି ୩୦ ବଲରୁ ୫୦ ରନ୍ କରିଥିଲେ । ଗୁରକ୍ରିତ ସିଂ ମାନ୍ ୩୪ ରନ୍ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ସେହିପରି ୟୁସୁଫ ପଠାନ ନିଜ ଶୈଳିରେ ମାତ୍ର ୧୬ ବଲରୁ ଦର୍ଶନୀୟ ସଟ୍ ମାରି ୩୦ ରନର ଇନିଙ୍ଗସ୍ ଖେଳିଥିଲେ । ଅଧିନାୟକ ଯୁବରାଜ ସିଂ ଓ ଇରଫାନ ପଠାନ ଅପରାଜିତ ରହିଥିଲେ । ତେବେ ଇରଫାନ ପଠାନ୍ ଛକା ମାରି ଭାରତକୁ ବିଜୟୀ କରାଇଥିଲେ । ପ୍ରଥମ ଥର ପାଇଁ ଲିଜେଣ୍ଡ ଚାମ୍ପିୟନସିପ ଆୟୋଜିତ ହୋଇଥିବା ବେଳେ ଟ୍ରଫି ଭାରତୀୟ ଭେଟେରାନମାନେ ହାତେଇନେଇଛନ୍ତି ।