କନକ ବ୍ୟୁରୋ : ଭାରତରେ ଏବେ ଦେଖା ଦେଉଛି ଘୋର ଜଳ ସଂକଟ । ସାଧାରଣ ଲୋକ ମାନଙ୍କୁ ଟ୍ୟାଙ୍କରରୁ ପାଣି ଆଣିବା ପାଇଁ ଘଣ୍ଟା ଘଣ୍ଟା ଧରି ଲାଇନରେ ଅପେକ୍ଷା କରିବାକୁ ପଡ଼ୁଛି । ଜଳବାୟୁରେ ପରିବର୍ତ୍ତନ ଯୋଗୁଁ ବର୍ଷାର ଅଭାବ ଓ ମରୁଡ଼ି ଜନିତ ସମସ୍ୟା ଦିନକୁ ଦିନ ବଢିବାରେ ଲାଗିଛି । ଲୋକମାନେ ମନ ଇଚ୍ଛା ଜଳ ଅପଚୟ କରୁଥିବାରୁ କ୍ରମଶଃ ଜଳ ସ୍ଥର ମଧ୍ୟ କମିବାରେ ଲାଗିଛି । ଖାସ କରି ଗରମ ଦିନ ପାଣିକୁ ନେଇ କସରତ ଆରମ୍ଭ ହୋଇ ଯାଉଛି । ବିଶ୍ୱର ସମ୍ପୁର୍ଣ୍ଣ ଜନସଂଖ୍ୟାର ୧୭ ପ୍ରତିଶତ ଭାରତରେ ରହୁଥିବା ବେଳେ ପିଇବା ପାଇଁଁ କେବଳ ୪ ପ୍ରତିଶତ ମଧୁର ଜଳ ରହିଛି । ତେବେ ୧୪୦ କୋଟି ଜନତା ବିଶିଷ୍ଟ ଏହି ଦଶର ପ୍ରାୟ ୩୫ କୋଟି ଲୋକ ଏବେ ମଧ୍ୟ ଦୂଷିତ ଜଳ ପିଇବାକୁ ବାଧ୍ୟ ହେଉଛନ୍ତି । ଏ କଥା ଆମେ ନୁହେଁ ଦେଶରେ ଚାଲିଥିବା ଉକ୍ରଟ ଜଳ ସମସ୍ୟା କହୁଛି । ପେରିକି ଦେଶର ଥିଙ୍କ୍ ଟ୍ୟାଙ୍କ୍ ନିତି ଆୟୋଗ ମଧ୍ୟ ନିଜ ରିପୋର୍ଟରେ ଏହା ଜଣାଇ ସାରିଲାଣି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
କିନ୍ତୁ ଆଶ୍ଚର୍ଯ୍ୟର କଥା ଏହାକି ଭାରତର ବଡ଼ ବଡ ନେତା ସ୍ୱଚ୍ଛ ପାନୀୟ ଜଳର ଅଭାବ ପ୍ରସଂଗକୁ କେବେ ଗମ୍ଭୀରତାର ସହ ନେଉ ନାହାନ୍ତି । ଏପରିକି ନଜ ନିର୍ବାଚନୀ ଘୋଷଣା ପତ୍ରରେ ମଧ୍ୟ ଏହାକୁ ଅଗ୍ରାଧିକାର ଦେବା ଜରୁରୀ ଭାବୁ ନାହାନ୍ତି ।
ସୂଚନା ପ୍ରଯୁକ୍ତିର ପେଣ୍ଠ ସ୍ଥଳ ବେଙ୍ଗାଲୁରୁ ଭଳି ରାଜ୍ୟରେ ବର୍ତମାନ ଯେଉଁ ଭଳି ଭାବେ ଜଳ ସଂକଟ ଦେଖା ଦେଉଛି ତାହା ଚିନ୍ତାର ବିଷୟ । ସେ ଶିଳ୍ପ ପ୍ରଧାନ ରାଜ୍ୟ ହେଉ କିମ୍ବା କୃଷି ପ୍ରଧାନ ରାଜ୍ୟ, ବିଳମ୍ବିତ ମୌସୁମୀ ଜଳ ସଂକଟ ବଢାଇବାରେ ଲାଗିଛି । ଗତ ବର୍ଷ ଅଗଷ୍ଟ ମାସର ଶୁଷ୍କତା ଗତ ୧୦୦ ବର୍ଷ ଭିତରେ ସବୁଠାରୁ ଶୁଷ୍କ ଅଗଷ୍ଟ ଭାବେ ରେକର୍ଡ ଭାଙ୍ଗିଛି ।
କାବେରୀ ନଦୀର ଉପର ମୁଣ୍ଡରେ କମ ବର୍ଷା ହେତୁ ଏଥର ବେଙ୍ଗାଲୁରୁବାସୀ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି ।ଖାଲି ଏତିକି ନୁହେଁ ଅଧିିକ ଜଳ ଆବଶ୍ୟକ ହେଉଥିବା ଧାନ ଓ ଆଖୁ ଭଳି ଫସଲର ଅଧିକ ଉତ୍ପାଦନ ମଧ୍ୟ ଅନେକ ମାତ୍ରାରେ ଭୁତଳ ଜଳର ବ୍ୟବହାର କରିଥାଏ ।
ଏଣୁ ରାଜନୈତିକ ଦଳ ଗୁଡିକୁ ଦେଶର ଜଳାଭାବ ଦୂର କରିବା ପାଇଁ ଉପଯୁକ୍ତ ସମୟରେ ଆବଶ୍ୟକ ପଦକ୍ଷେପ ନେବା ଓ ସୀମିତ ଜଳର ସଦୁପଯୋଗ ପାଇଁ ଲୋକଙ୍କୁ ସଚେତନ କରିବା ଦିଗରେ ପଦକ୍ଷେପ ନେବାର ଆବଶ୍ୟକତା ରହିଛି ।
ବର୍ତମାନ ସମୟ କେବଳ ନିର୍ବାଚନର ହୋଇଥାଇ ପାରେ । ପ୍ରତିଶୃତି ଦେଇ ରାଜନେତା ହୁଏତ ନିଜ କଥା ଭୁଲି ଯାଇ ପାରନ୍ତି କିିନ୍ତୁ ପରିବେଶ ନଷ୍ଟ ବିଷୟକୁ ଭୁଲିଗଲେ କିମ୍ବା ଅଣ ଦେଖା କରି ବସିଗଲେ ଅତୀତରେ ଆମ ସଭିଁଙ୍କୁ ଏହାର କୁପରିଣତି ଭୋଗ କରିବାକୁ ପଡିବ ।