ସିରିଜ୍ ବିଜୟ ଅପେକ୍ଷାରେ ଭାରତ । ଆଜି ଭାରତ-ୱେଷ୍ଟଇଣ୍ଡିଜ ଦ୍ୱିତୀୟ ଟିଟ୍ୱେଂଟି । ଟିମ୍ ଇଣ୍ଡିଆରେ ଅଦଳ ବଦଳ ଆଶା କମ୍, ବୋଲିଂ ଓ ଫିଲଡିିଂ ଉପରେ ରହିବ ନଜର

ସେପଟେ ସିରିଜ୍ ବରାବର ଲକ୍ଷ୍ୟରେ କାରିବିୟାନ ଟିମ୍

308

କନକ ବ୍ୟୁରୋ: ଟିମ୍ ଇଣ୍ଡିଆ ପାଖରେ ପୁଣି ଏକ ଶୃଙ୍ଖଳା ବିଜୟ ସୁଯୋଗ । ତିରୁବନନ୍ତପୁରମର ଗ୍ରୀନଫିଲ୍ଡ ଷ୍ଟାଡିଅମରେ ଆଜି ଖେଳାଯିବ ଦ୍ୱୀତିୟ ଟିଟ୍ୱେଂଟି । ପ୍ରଥମ ମ୍ୟାଚକୁ ୬ ଉଇକେଟରେ ଜିତି ନେଇଥିବା ଭାରତୀୟ କ୍ରିକେଟ୍ ଟିମ୍, ଆଜିର ମ୍ୟାଚ୍ ଜିତିଲେ, ସିରିଜ୍ ଉପରେ କବଜା କରିନେବ । ଭାରତ ଏବେ ସିରିଜରେ ୧-୦ରେ ଆଗୁଆ ରହିଛି । ଗତ ୧୩ ମାସ ଭିତରେ ଭାରତ ୬ ଥର ଇଣ୍ଡିଜ ଟିମକୁ ଭେଟିଥିବା ବେଳେ ସବୁଥର ବିଜୟୀ ହୋଇଛି ।
ତେବେ ଆଜିର ମ୍ୟାଚ୍ ପାଇଁ ବୋଲିଂ ଓ ଫିଲଡିଂ ଉପରେ ଗୁରୁତ୍ୱ ଦେବାକୁ ପଡିବ । କାରଣ ପ୍ରଥମ ମ୍ୟାଚରେ ୫ଟି କ୍ୟାଚ୍ ହାତଛଡା କରିଥିଲେ ଭାରତୀୟ ଖେଳାଳି । ତେବେ ଆଜିର ମ୍ୟାଚରେ ଟିମ୍ ଇଣ୍ଡିଆରେ ଅଦଳ ବଦଳର ଆଶା କମ୍ । ସେପଟେ ଭ୍ରମଣକାରୀ ଦଳ, ଆଜିର ମ୍ୟାଚ୍ ଜିତି ସିରିଜ୍ ବରାବର କରିବାକୁ ଉଦ୍ୟମ କରିବ । ଆଜି ଗ୍ରୀନଫିଲ୍ଡର ପିଚ୍ରେ ବଲ୍ ଅଧିକ ସୁଇମ୍ କରିବ । ତେଣୁ ଫାଷ୍ଟ ବୋଲରଙ୍କୁ ଫାଇଦା ମିଳିବା ସମ୍ଭାବନା ରହିଛି ।

ସମ୍ଭାବ୍ୟ ଭାରତ: ରୋହିତ ଶର୍ମା, ଲୋକେଶ ରାହୁଲ, ବିରାଟ କୋହଲି (ଅଧିନାୟକ), ଋଷବ ପନ୍ତ, ଶ୍ରେୟସ୍ ଆୟର, ଶିଭମ ଦୁବେ, ରବୀନ୍ଦ୍ର ଜାଦେଜା, ୱାସିଂଟନ ସୁନ୍ଦର, ଦୀପକ ଚହର, ଭୁବନେଶ୍ବର କୁମାର, ୟୁଜବେନ୍ଦ୍ର ଚହଲ।

ସମ୍ଭାବ୍ୟ ୱେଷ୍ଟଇଣ୍ଡିଜ୍: ଲେଣ୍ଡଲ ସିମନ୍ସ, ଏଭିନ ଲୁଇସ, ବ୍ରାଣ୍ଡନ କିଙ୍ଗ୍, ସିମରନ୍ ହେଟମେୟର, ନିକୋଲାସ ପୂରନ, କିରଣ ପୋଲାର୍ଡ (ଅଧିନାୟକ), ଜାସନ ହୋଲ୍ଡର, ଖରି ପିଏରେ, କେସ୍ରିକ ୱିଲିୟମ୍ସ, ସେଲଡନ କଟରେଲ, ହେଡେନ ୱାଲ୍ସ।

ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ସମ୍ବାଦ ଓ କନକ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ‘ସମ୍ବାଦ’ ଗ୍ରୁପର ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |

Comments are closed.