ବିରାଟଙ୍କ ଆଗରେ ବିଶାଳ ଲକ୍ଷ! ଚାମ୍ପିୟନ୍ସ ଟ୍ରଫି ପାଇଁ ଭାରତ-ପାକିସ୍ତାନ ମହାମୁକାବିଲା ଜାରି
କନକ ବ୍ୟୁରୋ : ବିରାଟ୍ ବାହୀନି ଆଗରେ ବିଶାଳ ଲକ୍ଷ୍ୟ ରଖିଛି ପାରମ୍ପରିକ ପ୍ରତିଦ୍ୱନ୍ଦୀ ପାକିସ୍ତାନ । ୪ ୱିକେଟରେ ୩୩୮ ରନ୍ କରିବା ସହ ଟିମ୍ ଇଣ୍ଡିଆ ଆଗରେ ରହିଛି ୩୩୯ ରନ୍ ବିଶାଳ ଲକ୍ଷ୍ୟ । ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତି ନେଇଥିବା ଟିମ୍ ଇଣ୍ଡିଆ ପାଇଁ ମହଙ୍ଗା ସାବ୍ୟସ୍ତ ହେଉଛି ବୁମରାଙ୍କ ଗୋଟିଏ ନୋ-ବଲ୍ । ଦୁଇ ଓପନର ଆଜହାର୍ ଅଲ୍ଲୀ ଏବଂ ଫଖର୍ ଜମାନ୍ ଓପନିଂ ଯୋଡ଼ିରେ ୧୨୮ ରନ କରି ଦଳ ପାଇଁ ଏକ ବଡ ସ୍କୋର ପାଇଁ ମୁଳଦୂଆ ପକାଇବା ପରେ ମିଡିଲ୍ ଅର୍ଡର ଦଳକୁ ୩ଶହ ଟପାଇ ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ପାକିସ୍ତାନ ପକ୍ଷରୁ ଆଜହାର୍ ଅଲ୍ଲୀ ୫୯ ରନ୍ କରି ଥିବା ବେଳେ ଜମାନ ୧୧୪ ରନର ଶତକୀୟ ଇନିଂସ ଖେଳିଛନ୍ତି । ଆଉ ମହମ୍ମଦ ହାଫିଜଙ୍କ ଧୁଆଁଧାର ୫୭ ରନ୍ ବଳରେ ପାକିସ୍ତାନ ଛିଡା କରିଛି ୩୩୮ ରନର ବିଶାଳ ସ୍କୋର । ପ୍ରଥମରୁ ବୁମରା ଗୋଟିଏ ୱିକେଟ୍ ନେବାରେ ଅଳ୍ପକେ ବର୍ତ୍ତି ଯାଇଥିଲେ । ବଲଟି ନୋ-ବଲ୍ ହେବାରୁ ପାକିସ୍ତାନ ପାଇଁ ଏହା ଏକ ପ୍ରକାର ବରଦାନ ପାଲଟି ଯାଇଛି । ଆଉ ଏହି ଓପନିଂ ଯୋଡ଼ି ହିଁ ପାକିସ୍ତାନ ପାଇଁ ଏକ ମଜବୁତ ଆରମ୍ଭ କରିଥିଲେ ।
ପ୍ରଥମରୁ ଭାରତୀୟ ବୋଲର ଚାପ ପକାଇବାରେ ସକ୍ଷମ ହୋଇଥିଲେ ସୁଦ୍ଧା ୱିକେଟ୍ ନପଡ଼ିବା ଦଳ ପାଇଁ ଏହା ମହଙ୍ଗା ପଡିଛି । ଆଜି ଭାରତୀୟ କ୍ୟାପଟେନ୍ ବିରାଟ୍ କୋହଲି ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତି ନେଇଥିଲେ । ଯେହେତୁ ଭାରତ ପାଖରେ ଏକ ଲମ୍ବା ବ୍ୟାଟି ଲାଇନ୍ ଅପ୍ ରହିଛି ଏବଂ ଭାରତ ଚେଜ୍ କରିବାରେ ମାହିର । ତେଣୁ ଖେଳ ରେମାଚଂକର ହେବା ସ୍ପଷ୍ଟ ଜଣାପଡୁଛି ।