ଦିନିକିଆ ବିଜୟଧାରା ଦୋହରାଇ ପାରିଲାନି ଭାରତ : ପ୍ରଥମ ଟି-୨୦ ମ୍ୟାଚରେ ନ୍ୟୁଜିଲାଣ୍ଡଠୁ ୨୧ ରନରେ ହାରିଲା
କନକ ବ୍ୟୁରୋ : ଦିନିକିଆ ସିରିଜ ମୂଳପୋଛ କରିବା ପରେ ଟି-୨୦ରେ ସିରିଜର ପ୍ରଥମ ମ୍ୟାଚରେ ନ୍ୟୁଜିଲାଣ୍ଡଠୁ ହାରିଲା ଭାରତ । ସ୍ପିନରଙ୍କ ଚତ୍ମକାର ପଦର୍ଶନ ଯୋଗୁ ୨୧ ରନରେ ଭାରତକୁ ହରାଇଛି ଭ୍ରମଣକାରୀ ଦଳ । ଟସ୍ ହାରି ପ୍ରଥମେ ବ୍ୟାଟିଂ କରିଥିବା ନ୍ୟୁଜିଲାଣ୍ଡ ନିର୍ଦ୍ଧାରିତ ଓଭରରେ ୬ ୱିକେଟ୍ ହରାଇ ୧୭୬ ରନ କରିଥିଲା । ପ୍ରଥମରୁ ନ୍ୟୁଜିଲାଣ୍ଡର ଦୁଇ ଓପନର ଓଭର ପିଛା ୧୦ ରନ ଲେଖାଏ ହାରରେ ରନ ସଂଗ୍ରହ କରିଥିଲେ । କିନ୍ତୁ ପରେ ୱିକେଟ୍ ପଡିଯିବାକୁ ରନର ଗତି କମିଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ତେବେ ୧୭୭ ରନର ଟାର୍ଗେଟକୁ ପିଛା କରି ବ୍ୟାଟିଂ ଆରମ୍ଭ କରିଥିବା ଭାରତକୁ ପ୍ରଥମରୁ ବିପର୍ଯ୍ୟୟର ସାମ୍ନା କରବାକୁ ପଡିଥିଲା । ୧୫ ରନରେ ଭାରତ ଶୀର୍ଷ ତିନି ବ୍ୟାଟର ଶୁଭମନ ଗିଲ, ଇସାନ କିଶାନ, ରାହୁଲ ତ୍ରିପାଠୀ ଆଉଟ୍ ହୋଇଯାଇଥିଲେ । ପରେ ସୂର୍ଯ୍ୟକୁମାର ଯାଦବ ଓ କ୍ୟାପଟେନ୍ ହାର୍ଦିକ ପାଣ୍ଡ୍ୟା ବ୍ୟାଟିଂ ଭାର ସମ୍ଭାଳିଥିଲେ । ହେଲେ ଉଭୟ ଆଉଟ ହୋଇଯିବା ପରେ ୱାସିଙ୍ଗଟନ ସୁନ୍ଦର ଦମଦାର ଅର୍ଦ୍ଧଶତକ ମାରି ଦଳକୁ ୧୫୫ ରନ ପର୍ଯ୍ୟନ୍ତ ନେଇଥିଲେ । କିନ୍ତୁ ଏହା ବିଜୟ ପାଇଁ ଯଥେଷ୍ଟ ନଥିଲା ।