ଧୋନି ଏବଂ କେଦାର ଯାଦବଙ୍କ ଉପରେ ପ୍ରଶ୍ନ ଉଠାଇଲେ ପୂର୍ବ ଅଧିନାୟକ ! କ’ଣ ଭାରତର ବିଜୟ ପାଇଁ ଖେଳୁନଥିଲେ ଧୋନି ଏବଂ ଯାଦବ ?
ରବିବାର ବର୍ମିଂହାମ୍ ରେ ଖେଳା ଯାଉଥିବା ଆଇସିସି କ୍ରିକେଟ୍ ବିଶ୍ୱକପ୍ ମୁକାବିଲାରେ ଇଂଲଣ୍ଡ ଟିମ୍ ଇଣ୍ଡିଆକୁ ୩୧ ରନ୍ ରେ ହରାଇଛି । ଭାରତର ଏହି ହାର୍ ପରେ ଟିମ୍ ଇଣ୍ଡିଆର ବ୍ୟାଟିଙ୍ଗ୍ ଉପରେ ଖାସ୍ କରି କେଦାର ଯାଦବ ଏବଂ ମହେନ୍ଦ୍ର ସିଂହ ଧୋନିଙ୍କ ଉପରେ ପ୍ରଶ୍ନବାଚୀ ସୃଷ୍ଟି ହୋଇଛି । ମଧ୍ୟକ୍ରମ ବ୍ୟାଟସମ୍ୟାନଙ୍କ ପାଇଁ ଏବେ ପର୍ଯ୍ୟନ୍ତ ଏହି ଟୁର୍ଣ୍ଣାମେଣ୍ଟ୍ କିଛି ଭଲ ଯାଇନି । ଯେତେବେଳେ ମ୍ୟାଚକୁ ରନ୍ ଦରକାର ଥିଲା ଏହି ଦୁଇ ବ୍ୟାଟସମ୍ୟାନଙ୍କ ଗତି ଧିର ପଡିବାକୁ ଲାଗିଥିଲା । ୪୫ ଓଭର୍ ରେ ମାହିଙ୍କ ସାଥ୍ ଦେବାକୁ ମଇଦାନରେ କେଦାର ଯାଦବ ଆସିଥିଲେ ଏବଂ ଭାରତକୁ ସେତେବେଳେ ୩୧ ବଲରେ ୭୧ ରନର ଆବଶ୍ୟକତା ଥିଲା । କିନ୍ତୁ ଦୁହିଁଙ୍କ ବ୍ୟାଟ୍ ପଡିଆରେ ସେତେ ଆଖିଦୃଶିଆ ହୋଇପାରିନଥିଲା । ଧୋନି ୩୧ ବଲରେ ୪ ଚଉକା ଏବଂ ଗୋଟିଏ ଛକା ମାରିଥିଲେ । ତେବେ ମଜାର କଥା ଟିମ୍ ଇଣ୍ଡିଆ ତରଫରୁ ପାହାଡର ଲକ୍ଷ୍ୟରେ କେବଳ ଗୋଟିଏ ହିଁ ଛକା ଲାଗିଥିଲା ସେ ବି ଶେଷ ଓଭରରେ । ଅନ୍ୟପକ୍ଷରେ କେଦାର ଯାଦବ ୧୩ ବଲରେ ୧୨ ରନ୍ କରି ଗୋଟିଏ ଚଉକା ଲଗାଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ଇଂଲଣ୍ଡ ବିପକ୍ଷରେ ମ୍ୟାଚ୍ ଖେଳିବା ସମୟରେ ବ୍ୟାଟିଙ୍ଗ୍ ଦେଖି ପୂର୍ବ କ୍ୟାପଟେନ୍ ତଥା କମେଣ୍ଟଟେଟର୍ ସୌରବ ଗାଙ୍ଗୁଲୀ କହିଥିଲେ , ଆପଣଙ୍କ ପାଖରେ ୫ ଟି ୱିକେଟ୍ ଅଛି ଏହାପରେ ବି ଆପଣ ବିଜୟ ପାଇଁ ପ୍ରୟାସ କରୁନାହାନ୍ତି । ଏହା ଆପଣଙ୍କ ମାଇଣ୍ଡ ଚେଟ୍ କୁ ଦର୍ଶାଉଛି । ଆଫଗାନିସ୍ତାନ ମ୍ୟାଚରେ ବି ଏହି ଜୁଗଳବନ୍ଦୀର ଖୁବ୍ ଆଲୋଚନା ହୋଇଥିଲା ।