ଆଜିଠାରୁ ରାଜକୋଟରେ ଭାରତ-ଇଂଲଣ୍ଡ ତୃତୀୟ ଟେଷ୍ଟ । ଫେରିବେ ଜାଡେଜା, ଅଶ୍ୱିନଙ୍କ ରେକର୍ଡ ଉପରେ ନଜର ।

କନକ ବ୍ୟୁରୋ: ଭାରତ ଓ ଇଂଲଣ୍ଡ ମଧ୍ୟରେ ଆଜି ଠାରୁ ଆରମ୍ଭ ହେଉଛି ତୃତୀୟ ଟେଷ୍ଟ । ପ୍ରଥମ ଟେଷ୍ଟ ଇଂଲଣ୍ଡ ଜିତିଥିବା ବେଳେ ଦ୍ୱିତୀୟ ଟେଷ୍ଟରେ ବିଜୟୀ ହୋଇ ସିରିଜକୁ ୧-୧ରେ ବରାବର କରିଛି ଭାରତ । ରାଜକୋଟରେ ଖେଳାଯିବାକୁ ଥିବା ତୃତୀୟ ଟେଷ୍ଟ ଜିତି ଭାରତ ସିରିଜରେ ଆଗୁଆ ହେବାକୁ ଲକ୍ଷ୍ୟ ରଖିଛି ।

ଅନ୍ୟପଟେ ଇଂଲଣ୍ଡ ମଧ୍ୟ ପ୍ରତ୍ୟାବର୍ତନ କରିବାକୁ ଚାହିଁବ । ମ୍ୟାଚ୍ରେ ଭାରତ ତା’ର ଚୂଡ଼ାନ୍ତ ଏକାଦଶରେ କିଛି ପରିବର୍ତନ କରିବାର ସମ୍ଭାବନା ରହିଛି । ଯୁବ ବ୍ୟାଟର ସର୍ଫରାଜ ଖାନ ଅନ୍ତର୍ଜାତୀୟ ଟେଷ୍ଟରେ ପଦାର୍ପଣ କରିପାରନ୍ତି । ସେହିପରି ୱିକେଟ୍କିପର ଭାବେ ଧ୍ରୁବ ଜୁରେଲଙ୍କୁ ମଧ୍ୟ ପଦାର୍ପଣର ସୁଯୋଗ ମିଳିପାରେ । ସେହିପରି ଫିଟ୍ ହୋଇସାରିଥିବା ଅଭିଜ୍ଞ ଅଲରାଉଣ୍ଡର ରବୀନ୍ଦ୍ର ଜାଡେଜା ଚୂଡ଼ାନ୍ତ ଏକାଦଶରେ ସ୍ଥାନ ପାଇବେ । ମ୍ୟାଚରେ ଭେଟେରାନ ସ୍ପିନର ଆର୍ ଅଶ୍ୱିନଙ୍କ ପାଖରେ ବଡ଼ ମାଇଲଖୁଂଟ ଛୁଇଁବାର ସୁଯୋଗ ରହିଛି । ଆଉ ଗୋଟିଏ ସଫଳତା ପାଇଲେ, ଅଶ୍ୱିନୀ ଟେଷ୍ଟ କ୍ରିକେଟ୍ରେ ୫୦୦ ୱିକେଟ୍ କ୍ଲବରେ ସାମିଲ ହେବେ । ସେହିପରି ଇଂଲଣ୍ଡର ୪୧ ବର୍ଷୀୟ ପେସର ଜେମ୍ସ ଆଣ୍ଡରସନ୍ ମଧ୍ୟ ନିଜର ୭୦୦ତମ ଟେଷ୍ଟ ୱିକେଟ୍ରୁ ୫ ୱିକେଟ୍ ପଛରେ ଅଛନ୍ତି ।