ଦେଶରେ ଗରିବ ହେଉଛନ୍ତି ଆହୁରି ଗରିବ, ଧନୀଙ୍କ ବଢୁଛି ଧନ : ୱାର୍ଲଡ ଇନକ୍ୱାଲିଟି ରିପୋର୍ଟ ୨୦୨୨ରୁ ଆସିଲା ଦେଶରେ ଅସାମନତାର ଚିତ୍ର
ଘରୋଇ ସେକ୍ଟରର ଦବଦବା ପାଇଁ ସରକାର ଦୁର୍ବଳ ହେଉଥିବା ରିପୋର୍ଟରେ ଉଲ୍ଲେଖ
କନକ ବ୍ୟୁରୋ : ଆମ ଦେଶରେ ଗରିବ ଆହୁରି ଗରିବ ହେଉଛି ଏବଂ ଧନୀ ଆହୁରି ଧନୀ ହେଉଛି । ଦୁନିଆରେ ଏପରି ଅସମାନତା ସର୍ବାଧିକ ରହିଛି ଆମ ଭାରତରେ । ୱାର୍ଲଡ ଇନକ୍ୱାଲିଟି ରିପୋର୍ଟ ୨୦୨୨ ପ୍ରକାଶରୁ ଏପରି ଏକ ରିପୋର୍ଟ ସାମ୍ନାକୁ ଆସିଛି । ଯେଉଁଥିରେ ଦେଶରେ ଧନୀ ଏବଂ ଗରିବର ଆୟ ମଧ୍ୟରେ ଆକାଶ ପାତାଳ ଫରକ ରହିଛି । ଏହି ରିପୋର୍ଟ ଅନୁଯାୟୀ ଭାରତର ଶ୍ରେଷ୍ଠ ୧୦ ପ୍ରତିଶତ ଧନୀଙ୍କ ଆୟ ଦେଶର ମୋଟ୍ ସମ୍ପତିର ୫୭ ପ୍ରତିଶତ । ସେହିପରି ୧ ପ୍ରତିଶତ ଧନୀଙ୍କ ମୋଟ୍ ସମ୍ପତି ଦେଶର ମୋଟ୍ ସମ୍ପତିର ୨୨ ପ୍ରତିଶତ ।
Kanak News is now on WhatsApp
Join and get latest news updates delivered to you via WhatsApp
ସେହିପରି ତଳ ଆଡୁ ୫୦ ପ୍ରତିଶତ ଲୋକଙ୍କ ପାଖରେ ମୋଟ୍ ସମ୍ପତି କ୍ରମଶଃ କମି କମି ୧୩ ପ୍ରତିଶତରେ ପହଂଚିଛି । ଦେଶର ଯୁବକ ମାନଙ୍କ ହାରାହାରି ଆୟ ବାର୍ଷିକ ୨ ଲକ୍ଷ ୪ ହଜାର ୨୦୦ ଟଂକା ରହିଛି । ଏଥିମଧ୍ୟରୁ ତଳ ଆଡୁ ୫୦ ପ୍ରତିଶତ ଲୋକଙ୍କର ହାରାହାରି ଆୟ ୫୩ ହଜାର ୬୧୦ ଟଙ୍କା ରହିଛି । ସେହିପରି ଶ୍ରେଷ୍ଠ ୧୦ ଧନୀ ଯୁବକଙ୍କ ଆୟ ହାରାହାରି ଆୟ ୧୧ ଲକ୍ଷ ୬୬ ହଜାର ୫୨୦ ଟଂକା ରହିଛି । ଦେଶରେ ହାରାହାରି ପରିବାରର ସମ୍ପତି ୯ ଲକ୍ଷ ୮୩ ହଜାର ୧୦ ଟଂକା ଆକଳନ କରାଯାଉଛି । ତଳ ସ୍ତରରେ ଥିବା ୫୦ ପ୍ରତିଶତ ଲୋକଙ୍କ ପାଖରେ ହାରାହାରି ସମ୍ପତି ହେଉଛି ମାତ୍ର ୬୬ ହଜାର ୨୮୦ ଟଂକା ।
ମଧ୍ୟବିତ ଶ୍ରେଣୀଙ୍କ ହାରାହାରି ସଂପତି ୭ ଲକ୍ଷ ୨୩ ହଜାର ୯୩୦ ଟଂକା ରହିଛି । ଯାହାକି ମୋଟ୍ ସମ୍ପତିର ୨୯. ୫ ପ୍ରତିଶତ । ଦେଶର ଶ୍ରେଷ୍ଠ ୧୦ ପ୍ରତିଶତ ଧନୀ ଲୋକଙ୍କ ସମ୍ପତି ୬୫ ପ୍ରତିଶତ ରହିଛି । ଏମାନଙ୍କ ସମ୍ପତି ୬୩. ୫୪ ଲକ୍ଷ ଟଂକା । ସେହପରି ଦେଶର ମୋଟ୍ ସମ୍ପତିରେ ୩୩ ପ୍ରତିଶତ ଅଂଶଧନ ରଖନ୍ତି ୧ ପ୍ରତିଶତ ଧନୀ । ଯାହାର ମୂଲ୍ୟ ୩.୨୪ କୋଟି ଟଂକା । ସମ୍ପତି ଅସାମନତା ସହିତ ଲିଙ୍ଗଗତ ଅସମାନତାରେ ମଧ୍ୟ ଭାରତ ଅନ୍ୟ ଦେଶ ତୁଳନାରେ ଆଗରେ ରହିଛି । ଏହି ରିପୋର୍ଟର ବିଗତ ଚାରି ବର୍ଷର ରିପୋର୍ଟକୁ ତର୍ଜମା କଲେ ଜଣାପଡେ ଦେଶରେ ଧନୀଙ୍କ ସଂଖ୍ୟା ଯେଉଁଭଳି ଭାବରେ ବଢି ଚାଲିଛି ।
ସେହିପରି ସରକାର ମଧ୍ୟ ଦୁର୍ବଳ ହେବାରେ ଲାଗିଛି । ଏପରି ରିପୋର୍ଟର ଅର୍ଥ ହେଲା ସରକାର ଏବେ ପୁଞ୍ଜିପତି ଏବଂ ଧନୀ ବର୍ଗଙ୍କ ନିୟନ୍ତ୍ରଣରେ ରହୁଛି । ଏବେ ଦେଶର ଅଧିକାଂଶ ସମ୍ପତିର ମାଲିକ ସାଧାରଣ ଲୋକ ପରିବର୍ତେ ଘରୋଇ କମ୍ପାନୀ ହାତରେ ରହୁଛି । କରୋନା ପାଇଁ ସରକାରଙ୍କ ଅବସ୍ଥା ଏବେ ବେହାଲ ରହିଛି । ଏପରି ସ୍ଥିତିରେ ଅନ୍ୟ ଦେଶର ସରକାର ମାନେ ସେମାନଙ୍କର ମୋଟ୍ ଅଭିବୃଦ୍ଧିର ୧୦ରୁ ୨୦ ପ୍ରତିଶତ ଋଣ ଉଠାଇଛନ୍ତି । ଏହି ଋଣ ଘରୋଇ ସେକ୍ଟର ମାନେ ଆଣିଛନ୍ତି ।