‘ମହାବଳୀ’ ଗର୍ଜିବ, ପାକିସ୍ତାନ ଥରିବ । ବର୍ଷେ ପରେ ବାୟୁସେନାରେ ସାମିଲ ହେବ ବିଶ୍ୱର ସବୁଠାରୁ ଶକ୍ତିଶାଳୀ ମିସାଇଲ ସିଷ୍ଟମ ଏସ-୪୦୦ ।
କନକ ବ୍ୟୁରୋ: ‘ମହାବଳୀ’ ଗର୍ଜିବ, ପାକିସ୍ତାନ ଥରିବ । ଭାରତ ଆଗରେ ମୁଣ୍ଡ ନୁଆଁଇବ ଶତ୍ରୁ । ‘ମହାବଳୀ’ର ମହାଗର୍ଜନରେ ଫାଟି ପଡିବ ଶତ୍ରୁ ଦେଶର ମାଟି । କମ୍ପି ଉଠିବ ଶତ୍ରୁପକ୍ଷଙ୍କ ଛାତି । ବାୟୁରେ ବାୟୁରେ ଚିରି ପକାଇବ ଶତ୍ରୁ ପଠାଇଥିବା ବଡ ବଡ ବାହୁବଳୀ ମିସାଇଲ । କାରଣ ଭାରତକୁ ସୁରକ୍ଷା ଦେବାକୁ ଆସୁଛି ‘ମହାବଳୀ’ । ଦେଶର ସୁରକ୍ଷା ବଳରେ ସାମିଲ ହେବ ଦୁନିଆର ସବୁଠାରୁ ଶକ୍ତିଶାଳୀ ମିସାଇଲ ସିଷ୍ଟମ ଏସ-୪୦୦ ।
Kanak News is now on WhatsApp
Join and get latest news updates delivered to you via WhatsApp
ଭାରତର ପ୍ରତିରକ୍ଷା ବିଭାଗରେ ମହାବଳୀ ସାମିଲ ହେଲେ ଭାରତ ଆଗରେ ମୁଣ୍ଡ ନୁଆଁଇବେ ପାକିସ୍ତାନ ଭଳି ଶତ୍ରୁ ଦେଶ । ଭାରତ ଉପରେ ଆକାଶ ମାର୍ଗରୁ ଆକ୍ରମଣ କରିବା ଆଗରୁ ଶହେ ଥର ଚିନ୍ତା କରିବେ ଶତ୍ରୁପକ୍ଷ । କାରଣ ମହାବଳୀ ଆଗରେ କୌଣସି ବାହୁବଳୀର ବଳ କାମ କରିବନି । ଏହି ମିସାଇଲ ଆକାଶରେ ଉଡି ଉଡି ଶତ୍ରୁକୁ ଶକ୍ତ ଚାପୁଡା ଦେବ ଆଉ ତାସହ ମହାବଳୀର ମହାଗର୍ଜନରେ ମଝି ଆକାଶରେ ଧ୍ୱଂସ ହୋଇଯିବ ଶତ୍ରୁର ବାଣ ।
ତେବେ କଣ ଏହି ମିସାଇଲ ସିଷ୍ଟମ ଏସ-୪୦୦ ? ଯାହା ଶତ୍ରୁଙ୍କ ମୁଣ୍ଡରେ ଚଡକ ପକାଇବ? କେଉଁ କ୍ଷମତାର ଅଧିକାରୀ ଏସ-୪୦୦ ? ଜାଣନ୍ତୁ ପୂରା ତଥ୍ୟ…
୧- ବାୟୁସେନାରେ ସାମିଲ ହେବାକୁ ଥିବା ଏସ-୪୦୦ ଆକାଶ ମାର୍ଗରୁ ଦେଶକୁ ସୁରକ୍ଷା ଦେବ
୨- ପାକିସ୍ତାନ, ଚୀନ ଭଳି ଶତ୍ରୁ ଦେଶର ନ୍ୟୁକ୍ଲିୟର ମିସାଇଲକୁ ବି ମହାବଳୀ ଭାରତ ମାଟିରେ ଖସାଇବାକୁ ଦେବନି । ବରଂ ମଝି ଆକାଶରେ ହିଁ ହିସାବ ବରାବର କରିବ ।
୩- ୪୦୦ କିମି ଦୂରରୁ ମହାବଳୀ ଶତ୍ରୁ ଦେଶର ବିମାନ, ମିସାଇଲ, ଡ୍ରୋନକୁ ଧକ୍କା ଦେଇ ଖସାଇ ଦେବ
୪- ଏସ-୪୦୦ ସିଷ୍ଟମରୁ ଏକାଥରେ ୭୨ଟି ମିସାଇଲ ଛାଡି ହେବ । ସିଷ୍ଟମ ଲାଗିଥିବା ଟ୍ରକର ୮ଟି ଚକ ସବୁ ଦିଗକୁ ବୁଲି ପାରିବ । ତେଣୁ ଏସ-୪୦୦ ଯେକୌଣସି ସ୍ଥାନକୁ ଯାଇ ଆକ୍ରମଣ କରିପାରିବ ।
୫- ମହାବଳୀର ଶକ୍ତି ଏତେ ଅଧିକ ଯେ, ଆମେରିକାର ଶକ୍ତିଶାଳୀ ଫାଇଟର ଜେଟ୍ ଏଫ- ୩୫କୁ ମଧ୍ୟ ଧ୍ୱଂସ କରିଦେବ ।
୬- ୩୬ଟି ପରମାଣୁ ଶକ୍ତି ସମ୍ପନ୍ନ ମିସାଇଲକୁ ବି ମହାବଳୀ ମାଟି ଚଟାଇ ଦେବ
୭- ଚୀନ ପରେ ଭାରତ ହେଉଛି ୨ୟ ଦେଶ ଯିଏ କି ଏହି ଶକ୍ତିଶାଳୀ ସିଷ୍ଟମ ଏସ-୪୦୦ କିଣିବ
୮- ମାଇନସ ୫୦ ଡିଗ୍ରୀରୁ ୭୦ ଡିଗ୍ରୀ ତାପମାତ୍ରାରେ ବି ମହାବଳୀ କାମ କରିବ ଆଉ ଶତ୍ରୁକୁ ଚକମା ଦେବ
ତେବେ ଆସନ୍ତା ୨୦୨୧ ଶେଷ ସୁଦ୍ଧା ଋଷ ଭାରତକୁ ଏହି ମିସାଇଲ ସିଷ୍ଟମ ପ୍ରଦାନ କରିବ । ୨୦୦୭ରୁ ଋଷର ପ୍ରତିରକ୍ଷା ସେବାରେ ଏହି ସିଷ୍ଟମ ଆପଣା ଯାଇଥିବା ବେଳେ ଏସ- ୩୦୦ର ଉନ୍ନତ ଭରସନ ଏସ-୪୦୦କୁ କିଣିବାକୁ ଭାରତ ଋଷକୁ ୨୦୧୮ରେ ଡିଲ ହୋଇଥିଲା । ଆଉ ଏହି ସିଷ୍ଟମ ପାଇଁ ଭାରତ ଋଷକୁ ୩୩ ହଜାର କୋଟି ଦେବାକୁ ଚୁକ୍ତି ହୋଇଥିଲା ।
ତେବେ ଆମେରିକା ଋଷକୁ ଏହି ସିଷ୍ଟମ ଅନ୍ୟ କାହାକୁ ନଦେବାକୁ ଚେତାବନୀ ଦେଇଥିବା ବେଳେ କୂଟନୈତିକ ଚାପ ପକାଇ ଭାରତ ଆମେରିକାକୁ ମନାଇ ନେଇଥିଲା ଆଉ ଏସ-୪୦୦ କିଣିବାକୁ ଡିଲ କରିଥିଲା । ତେବେ ଲୌକ୍ଷ୍ନୋ ଡିଫେନ୍ସ ଏକ୍ସପୋରେ ଏହି ସିଷ୍ଟମକୁ ପ୍ରଦର୍ଶିତ କରାଯାଇଥିବା ବେଳେ ଆସନ୍ତା ୨୦୨୧ ବେଳକୁ ଏହା ଭାରତ ମାଟିରେ ପହଞ୍ଚି ଦେଶକୁ ସୁରକ୍ଷା ଦେଉଥିବ ।