ମେ’ ପହିଲାରେ ପହଂଚିବ ଋଷିଆ ଟିକା : ସ୍ପୁଟନିକ୍ –ଭିର ପ୍ରଥମ ବ୍ୟାଚ ପହଂଚିବା ନେଇ ସୂଚନା
ସାରା ଦେଶରେ ତୃତୀୟ ପର୍ଯ୍ୟାୟ ଟିକାକରଣରେ ହେବ ସହାୟକ; ମେ’ ୧ ତାରିଖରୁ ଆରମ୍ଭ ହେଉଛି ୧୮ରୁ ୪୪ ବର୍ଷ ବୟସ୍କଙ୍କ କରୋନା ଟିକାକରଣ
କନକ ବ୍ୟୁରୋ : ମେ’ ପହିଲାରେ ଭାରତରେ ପହଂଚିବ ରୁଷିଆ ଟିକା । ରୁଷିଆ ନିର୍ମିତ ସ୍ପୁଟନିକ-ଭି ଟିକାର ପ୍ରଥମ ବ୍ୟାଚ୍ ଭାରତରେ ପହଂଚିବ ବୋଲି ଜଣାପଡିଛି । ବଡକଥା ହେଉଛି ଆଗାମୀ ମେ’ ୧ ତାରିଖରୁ ଭାରତରେ ଆରମ୍ଭ ହେଉଛି ତୃତୀୟ ପର୍ଯ୍ୟାୟ କରୋନା ଟିକାକରଣ । ଜାନୁଆରୀ ୧୬ ତାରିଖରୁ ଆରମ୍ଭ ହୋଇଥିବା ସମୁହ ଟିକାକରଣକୁ ଆହୁରି ବ୍ୟାପକ କରାଯିବ । ୧୮ରୁ ୪୪ ବର୍ଷ ବୟସ୍କଙ୍କୁ ଦିଆଯିବ କରୋନା ଟିକା ।
Kanak News is now on WhatsApp
Join and get latest news updates delivered to you via WhatsApp
ପୂର୍ବରୁ କୋଭିସିଲ୍ଡ ଓ ଦେଶୀଟିକା କୋଭାକ୍ସିନ ବ୍ୟବହାର ପାଇଁ ଭାରତ ସରକାର ଅନୁମତି ଦେଇଥିବାବେଳେ ଗତ ୧୨ ତାରିଖରେ ରୁଷିଆ ନିର୍ମିତ ସ୍ପୁଟନିକ-ଭି ଟିକାର ଜରୁରିକାଳୀନ ବ୍ୟବହାର ପାଇଁ ଅନୁମତି ଦେଇଛନ୍ତି ଭାରତ ସରକାର । ତେଣୁ ଏହା ମେ’ ପହିଲାକୁ ହେବାକୁ ଥିବା ଟିକାକରଣରେ ସହାୟକ ହେବ ।
– ମେ’ ୧ରେ ପହଂଚିବ ରୁଷିଆ ନିର୍ମିତ ସ୍ପୁଟନିକ-ଭି ଟିକାର ପ୍ରଥମ ବ୍ୟାଚ୍
– ରଏଟର୍ସକୁ ରୁଷିଆ ଡାଇରେକ୍ଟ ଇନଭେଷ୍ଟମେଂଟ ଫଣ୍ଡ ମୁଖ୍ୟ କିରିଲ ଡିମିଟ୍ରିଭଙ୍କ ସୂଚନା
– ତେବେ ପ୍ରଥମ ବ୍ୟାଚରେ କେତେ ପରିମାଣର ଟିକା ଆସିବ ସେ ନେଇ ନାହିଁ ସୂଚନା
– ଭାରତର ୫ଟି କମ୍ପାନି ସହ ଚୁକ୍ତି କରିସାରିଛି ରୁଷିଆ ଡାଇରେକ୍ଟ ଇନଭେଷ୍ଟମେଂଟ ଫଣ୍ଡ
– ବର୍ଷକୁ ପ୍ରାୟ ସାଢେ ୮ କୋଟି ଡୋଜ୍ ଟିକା ଉତ୍ପାଦନ କରିବାକୁ ଆରଡିଆଇର ଲକ୍ଷ୍ୟ
– ରୁଷିଆର ସ୍ପୁଟନିକ-ଭି ଟିକା କରୋନା ବିରୋଧରେ ୯୦%ରୁ ଅଧିକ ପ୍ରଭାବୀ ଦାବି