ଋଷର ସ୍ପୁଟନିକ୍ ଭି ଟିକାକୁ ଅନୁମତି ପରେ ଭାରତରେ ବଡ ପରିମାଣର ଟିକା ଉତ୍ପାଦନ ପାଇଁ ଯୋଜନା । ବର୍ଷକୁ ୮୫୦ ମିଲିୟନ୍ ଡୋଜ୍ ଭାରତରେ ତିଆରି କରିବ ବିଦେଶୀ କମ୍ପାନୀ ।
କନକ ବ୍ୟୁରୋ: ଋଷିଆ ତିଆରି କରିଥିବା କରୋନା ଟିକା ସ୍ପୁଟନିକ୍ ଭିକୁ ନେଇ ଆସିଛି ଏକ ବଡ ଖବର । ସ୍ପୁଟନିକ୍ ଭି ଟିକାର ଋଷୀୟ ନିର୍ମାତା କମ୍ପାନୀ ଭାରତରେ ଏହି ଟିକାର ବାର୍ଷିକ ୮୫୦ ମିଲିୟନ ଡୋଜ୍ ଟିକା ଉତ୍ପାଦନ ଯୋଜନା ରଖିଛି । ସ୍ପୁଟନିକ୍ ଭିକୁ ଭାରତରେ ଜରୁରୀକାଳୀନ ବ୍ୟବହାର ପାଇଁ ଅନୁମତି ମିଳିବା ପରେ , ଏବେ ଏହି ଋଷୀୟ ଟିକା ନିର୍ମାଣକାରୀ କମ୍ପାନୀ ଭାରତୀୟ ଫାର୍ମା କମ୍ପାନୀଙ୍କ ସହିତ ମିଶି ବର୍ଷକୁ ୮୫୦ ମିଲିୟନ୍ ଡୋଜ୍ ଟିକା ତିଆରି ପାଇଁ ଯୋଜନା କରୁଥିବା ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
ଗାମାଲେୟା ନାସନାଲ ରିସର୍ଚ ସେଂଟର ଫର ଏପିଡେମିଓଲଜି ଏବଂ ମାଇକ୍ରୋବାୟୋଲଜି ସହିତ ଅନୁବନ୍ଧିତ ହୋଇଛି ଋଷର ଟିକା ତିଆରି କମ୍ପାନୀ ଋଷିଆନ୍ ଡିରେକ୍ଟ ଇନଭେଷ୍ଟମେଂଟ ଫଣ୍ଡ ବା ଆରଡିଆଇଏଫ୍ । ଏହି ଦୁଇ କମ୍ପାନୀ ପ୍ରାରମ୍ଭିକ ପର୍ଯ୍ୟାୟରେ ଏବେ ଡକ୍ଟର ରେଡ୍ଡିଙ୍କ ପରୀକ୍ଷାଗାର ସହିତ ସ୍ପୁଟନିକ୍ ଭି ଟିକାର ପରୀକ୍ଷା, ଅନୁମୋଦନ ଓ ଭାକସିନ୍ ଯୋଗାଣ କାମ ପାଇଁ ଚୁକ୍ତି କରିଛନ୍ତି ।
- ଭାରତରେ ସ୍ପୁଟନିକ ଭି ପ୍ରଥମ ୧୦୦ ମିଲିୟନ ଡୋଜ
- ଡକ୍ଟର ରେଡି ଲାବରେଟରିକୁ ମିଳିଛି ଟିକା ଯୋଗାଣର ଅଧିକାର
- ୮୫୦ ମିଲିୟନ ଟିକାର ଯୋଗାଣ , ହାତ ମିଳାଇଲେ ୫ ଫାର୍ମା କମ୍ପାନୀ
- ଗ୍ଲାଣ୍ଡ ଫାର୍ମା, ହେଟେରୋ ବାୟୋଫାର୍ମା, ପାନାସିଆ ବାୟୋଟେକ୍
- ଷ୍ଟେଲିସ୍ ବାୟୋଫାର୍ମା ଏବଂ ଭିରଚୋ ବାୟୋଟେକ
ଏକ୍ସପର୍ଟ କମିଟି ସ୍ପୁଟନିକ୍ ଭି ଟିକାକୁ ଭାରତରେ ଜରୁରୀକାଳୀନ ବ୍ୟବହାର ପାଇଁ ଉପଯୁକ୍ତ ବୋଲି କହିବା ପରେ , ଡିସିଜିଆଇ ଦେଇଛି ଗ୍ରୀନ୍ ସିଗନାଲ । ଏହା ସହିତ ବିଶ୍ୱରେ ସ୍ପୁଟନିକ୍ ଭି ଟିକାକୁ ଅନୁମୋଦନ ଦେବାରେ ଭାରତ ହୋଇଛି ୬୦ ତମ ଦେଶ । ଭାରତର ଅନୁମତି ଆଗରୁ ଋଷୀୟ ଭାକସିନକୁ ଭେନଜୁଏଲା, ପାରାଗୁଏ, ୟୁନାଇଟେଡ୍ ଆରବ ଏମିରଟସ, ଇରାନ୍, ମେକ୍ସିକୋ, ପାକିସ୍ତାନ, ବାହାରିନ୍, ଇଜିପ୍ଟ, ଶ୍ରୀଲଙ୍କା, ଇରାନ, ମରିସସ୍, ଫିଲିପାଇନ୍ସ ପରି ଦେଶ ଜରୁରୀକାଳୀନ ବ୍ୟବହାର ଅନୁମତି ପ୍ରଦାନ କରି ସାରିଛନ୍ତି । ବିଶ୍ୱରେ ଟିକା ନିର୍ମାଣ କ୍ଷେତ୍ରରେ ଅଗ୍ରଣୀ ଦେଶ ଭିତରେ ରହିଛି ଭାରତ । ଏହାର ସହାୟତାରେ ଏବେ ୮୫୦ ମିଲିୟନ୍ ଡୋଜ୍ ସ୍ପୁଟନିକ୍ ଭି ଟିକା ତିଆରି କରିବା ପାଇଁ ଯୋଜନା କରିଛି ଋଷୀୟ ଟିକା ତିଆରୀ କମ୍ପାନୀ ।