ଓଡିଶାରେ ମହାମହିମ ଦ୍ରୌପଦୀ ମୁର୍ମୁ : ଆଜି ତପୋବନ ସ୍କୁଲକୁ ଯିବେ, ଛାତ୍ରଛାତ୍ରୀଙ୍କୁ ଭେଟିବେ
କନକ ବ୍ୟୁରୋ : ଓଡିଶାରେ ରାଷ୍ଟ୍ରପତି ଦ୍ରୋପଦୀ ମୁର୍ମୁ । ଆଜି ଗସ୍ତର ଦ୍ୱିତୀୟ ଦିନରେ ରାଷ୍ଟ୍ରପତି ଭୁବନେଶ୍ୱର ତପୋବନ ସ୍କୁଲକୁ ଯାଇ ଛାତ୍ରଛାତ୍ରୀଙ୍କୁ ଭେଟିବେ । ୧୭ ମିନିଟର ଏହି କାର୍ଯ୍ୟକ୍ରମରେ ସେ ପିଲାମାନଙ୍କ ସହ ଆଲୋଚନା କରିବେ । ଏହାପରେ ୟୁନିଟ-୨ ଗାର୍ଲ ହାଇସ୍କୁଲ ଯିବେ ରାଷ୍ଟ୍ରପତି । ନିଜେ ପାଠ ପଢିଥିବା ଏ ସ୍କୁଲରେ ପୁରୁଣା ଛାତ୍ରଛାତ୍ରୀ ଓ ସାଙ୍ଗଙ୍କୁ ଭେଟିବାର କାର୍ଯ୍ୟକ୍ରମ ରହିଛି ।
Kanak News is now on WhatsApp
Join and get latest news updates delivered to you via WhatsApp
ସେହିପରି ଜୟଦେବ ଭବନରେ କେନ୍ଦ୍ର ଶିକ୍ଷା ମନ୍ତ୍ରାଳୟ ପକ୍ଷରୁ ଆୟୋଜିତ ସ୍ୱତନ୍ତ୍ର କାର୍ଯ୍ୟକ୍ରମରେ ମଧ୍ୟ ରାଷ୍ଟ୍ରପତି ସାମିଲ ହେବେ । ସେଠାରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଉପସ୍ଥିତିରେ ଏ.ଆଇ.ସି.ଟି.ଇ ଦ୍ୱାରା ଓଡିଆ ଭାଷାରେ ପ୍ରସ୍ତୁତ ଇଂଜିନିୟରିଂ ବହି ଲୋକାର୍ପଣ କରିବେ । ଏକାଧିକ ଭାରତୀୟ ଭାଷାରେ ପାଠ୍ୟକ୍ରମ ପୋର୍ଟାଲରେ ‘ଇ-କୁମ୍ଭ’ ଉନ୍ମୋଚନ କରିବା କାର୍ଯ୍ୟକ୍ରମ ରହିଛି । ଏଥିସହ ଯାନ୍ତ୍ରିକ ଶବ୍ଦକୋଷ ଲୋକାର୍ପଣ କରିବେ ରାଷ୍ଟ୍ରପତି ଦ୍ରୌପଦୀ ମୁର୍ମୁ ।
ଭାରତ ମାଟି ମୋ ପାଇଁ ଖାଣ୍ଟି ସୁନା । ଦେଶର ଯେଉଁ ସ୍ଥାନରେ ଥିଲେ ବି ଓଡ଼ିଶା ମୋ ପାଇଁ ପ୍ରିୟ । ରାଷ୍ଟ୍ରପତିଙ୍କୁ ନାଗରିକଙ୍କ ସମ୍ମାନ ଅବସରରେ ରାଜଭବନରେ ଏଭଳି କହିଛନ୍ତି ମହାମହିମ ଦୌପଦୀ ମୁର୍ମୁ । ସେହିପରି ଉତର ଓ ଦକ୍ଷିଣ ଭାରତ ମଧ୍ୟରେ ଓଡ଼ିଶା ସମ୍ପର୍କର ସେତୁ ବୋଲି କହିଛନ୍ତି ରାଷ୍ଟ୍ରପତି । ଦେଶର ସାଂସ୍କୃତିକ ମହାଶକ୍ତିକୁ ସମୃଦ୍ଧ କରିଛି ଓଡ଼ିଶାର କଳା ଓ ସଂସ୍କୃତି ।
ନାରୀ ନେତୃତ୍ୱ ନେବା କ୍ଷେତ୍ରରେ କେତେ ଆଗୁଆ, ସେ କଥା କହିବାକୁ ଯାଇ, ସ୍ୱାଧିନତା ସଂଗ୍ରାମର ଉହାରଣ ମଧ୍ୟ ରଖିଛନ୍ତି ରାଷ୍ଟ୍ରପତି । ଦେଶର ସ୍ୱାଧିନତା ସଂଗ୍ରାମରେ ଓଡ଼ିଶାର ନେତୃତ୍ୱର ଅବଦାନ ଥିବା କହିଛନ୍ତି ମହାମହିମ । ଶ୍ରୀଜିଉଙ୍କ ଦର୍ଶନ ସାରି ଭୁବନେଶ୍ୱର ରାଜଭବନକୁ ଫେରିବା ପରେ ରାଷ୍ଟ୍ରପତି ସମାଜର ସମସ୍ତ ବର୍ଗର ନାଗରିକଙ୍କୁ ଭେଟିିଥିଲେ ।