କିଛି ସମୟ ପରେ ବଡ଼ ଲଢ଼େଇ ପାଇଁ ଟୋକିଓରେ ପଡ଼ିଆକୁ ଓହ୍ଲାଇବ ଭାରତୀୟ ମହିଳା ହକି ଦଳ : ଜିତିଲେ ଫାଇନାଲ ଟିକଟ ସହ ଇତିହାସ ରଚିବ ରାନି ରାମପାଲଙ୍କ ଟିମ୍
କନକ ବ୍ୟୁରୋ : ଟୋକିଓ ଅଲମ୍ପିକରେ ଭାରତୀୟ ହକି ଦଳ ପ୍ରଭାବି ପ୍ରଦର୍ଶନ କରି ବିଶ୍ୱ ସମୂଦାୟର ଦୃଷ୍ଟି ଆକର୍ଷଣ କରିଛି । ଭାରତୀୟ ମହିଳା ହକି ଦଳ ଆଜି ସେମିଫାଇନାଲରେ ବିଶ୍ୱର ୫ ନମ୍ବର ଦଳ ଆର୍ଜେଂଟିନାକୁ ଭେଟିବ । ଅଲମ୍ପିକ୍ସରେ ଇତିହାସ ରଚିଥିବା ମହିଳା ହକି ଦଳ ଆର୍ଜେଂଟିନାକୁ ହରାଇ ସ୍ୱର୍ଣ୍ଣ ପଦକ ପାଇଁ ଖେଳିବାକୁ ଲକ୍ଷ୍ୟ ରଖି ପଡିଆକୁ ଓହ୍ଲାଇବ । ସୋମବାର ତିନି ତିନି ଥର ଚାମ୍ପିଅନ୍ ହୋଇଥିବା ଅଷ୍ଟ୍ରେଲିଆକୁ ହରାଇଥିବା ମହିଳା ଖେଳାଳିଙ୍କ ମନୋବଳ ଉଚ୍ଚ ରହିଛି ।
Kanak News is now on WhatsApp
Join and get latest news updates delivered to you via WhatsApp
ଆର୍ଜେଂଟିନା ବିପକ୍ଷ ମ୍ୟାଚରେ ସର୍ବଶ୍ରେଷ୍ଠ ପ୍ରଦର୍ଶନ ଦେଇ ଫାଇନାଲକୁ ମହିଳା ହକି ଦଳ ଯିବ ବୋଲି ଭାରତୀୟ ଆଶା ରଖିଛନ୍ତି । ଅପରାହ୍ନ ୩ଟା ୩୦ ମିନିଟରେ ସେମିଫାଇନାଲ ମ୍ୟାଚ ଖେଳାଯିବ । ସେପଟେ ପୁରୁଷ ହକି ଟିମ ସେମିଫାଇନାଲରେ ବେଲଜିୟମ ଠାରୁ ହାରିବା ପରେ ଏବେ ଭାରତୀୟ ମହିଳା ହକି ଦଳ ଉପରେ ବଡ ପଦକ ବିଜୟର ଆଶା ରହିଛି ।