ଦେଶରେ ୬ରେ ପହଞ୍ଚିଲା କରୋନା ମୃତ୍ୟୁ ସଂଖ୍ୟା । ବିହାରର ପାଟନା ଏମ୍ସରେ ଗଲା ୩୮ ବର୍ଷିୟ ଯୁବକଙ୍କ ଜୀବନ ।
କନକ ବ୍ୟୁରୋ : କରୋନା ସଂକ୍ରମଣରେ ଦେଶରେ ଷଷ୍ଠ ମୃତ୍ୟୁ । ଆଜି ପାଟଣା ଏମ୍ସରେ ଜଣେ ୩୮ ବର୍ଷୀୟ ଯୁବକଙ୍କର ମୃତ୍ୟୁ ହୋଇଛି । ସେ ଦୁଇ ଦିନ ତଳେ କୋଲକାତାରୁ ଫେରିଥିଲେ । ତାଙ୍କର କିଡନି ଫେଲ ହୋଇ ଯାଇଥିଲା ଏବଂ କରୋନା ପଜିଟିଭ୍ ବାହାରିବା ପରେ ପାଟନା ସ୍ଥିତ ଏମ୍ସରେ ଚିକିତ୍ସିତ ହେଉଥିଲେ । ତାଙ୍କ ଘର ବିହାରର ମୁଙ୍ଗେର ବୋଲି ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ଏହା ପୂର୍ବରୁ ଆଜି ସକାଳେ ମହାରାଷ୍ଟ୍ରରେ କରୋନା ଆକ୍ରାନ୍ତ ହୋଇ ଚିକିତ୍ସିତ ହେଉଥିବା ୬୩ ବର୍ଷିୟ ବ୍ୟକ୍ତିଙ୍କର ମୃତ୍ୟୁ ହୋଇଥିଲା । ଏହି ଦୁଇ ମୃତ୍ୟୁ ସହ ଦେଶରେ କରୋନା ମୃତ୍ୟୁ ସଂଖ୍ୟା ୬ରେ ପହଁଚିଛି । ମହାରାଷ୍ଟ୍ରରେ ମୃତ୍ୟୁ ହୋଇଥିବା ବ୍ୟକ୍ତି ଜଣଙ୍କ କରୋନାରେ ଆକ୍ରାନ୍ତ ହେବା ପୂର୍ବରୁ ସେ ଡାଇବେଟିସ୍, ବ୍ଲଡ ପ୍ରେସର ଓ ହୃଦରୋଗରେ ଆକ୍ରାନ୍ତ ଥିଲେ ବୋଲି ଜଣାପଡିଛି । ପୂର୍ବରୁ କରୋନା ଆକ୍ରାନ୍ତ ଯୋଗୁଁ ଦିଲ୍ଲୀ, କର୍ଣ୍ଣାଟକ, ମହାରାଷ୍ଟ୍ର ଏବଂ ପଂଜାବରେ ଜଣେ ଜଣେ ରୋଗୀଙ୍କର ମୃତ୍ୟୁ ହୋଇଥିଲା ।