ପ୍ରତିଦିନ ସଂକ୍ରମଣର ନୂଆ ରେକର୍ଡ ଛୁଉଁଛି କରୋନା : ଦିନକରେ ଦେଶରେ ୮୯,୧୨୯ ଆକ୍ରାନ୍ତ, ୭୧୪ ମୃତ
କନକ ବ୍ୟୁରୋ : ଦେଶରେ କ୍ରମାଗତ ବଢି ଚାଲିଛି କରୋନା ସଂକ୍ରମିତଙ୍କ ସଂଖ୍ୟା । ପ୍ରତିଦିନ ସଂକ୍ରମଣ ନୂଆ ରେକର୍ଡ ଛୁଉଁଛି । ଗତ ୨୪ ଘଂଟାରେ ଦେଶରେ ପୁଣି ୮୯ ହଜାର ୧୨୯ ନୂଆ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ସେହିପରି ଗୋଟିଏ ଦିନରେ ୭୧୪ ଜଣଙ୍କ କରୋନାରେ ମୃତ୍ୟୁ ହୋଇଛି । ଏହି ସମୟ ମଧ୍ୟରେ ୪୪ ହଜାର ୨୦୨ ଜଣ କରୋନାରୁ ସୁସ୍ଥ ହୋଇଥିବାରୁ ଦେଶରେ ସକ୍ରିୟ ଆକ୍ରାନ୍ତଙ୍କ ସଂଖ୍ୟା ୬ ଲକ୍ଷ ୫୮ ହଜାର ୯୦୯ ରହିଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ଆଜିସୁଦ୍ଧା ସାରା ଦେଶରେ ମୋଟ୍ ୧ କୋଟି ୨୩ ଲକ୍ଷ ୯୨ ହଜାର ୨୬୦ ଜଣ କରୋନାରେ ଆକ୍ରାନ୍ତ ହୋଇସାରିଲେଣି । ସେହିପରି ୧ ଲକ୍ଷ ୬୪ ହଜାର ୧୧୦ ଜଣଙ୍କ ମୃତ୍ୟୁ ହୋଇସାରିଲାଣି । ଏପଟେ ସରକାର କରୋନା ଟିକାକରଣକୁ ଜୋରଦାର କରିଛନ୍ତି । ଜାନୁଆରୀ ୧୬ ତାରିଖରୁ ସାରାଦେଶରେ କୋରନା ଟିକାକାରଣ ଆରମ୍ଭ ହୋଇଥିବାବେଳେ ଆଜିସୁଦ୍ଧା ୭ କୋଟି ୩୦ ଲକ୍ଷ ୫୪ ହଜାର ୨୯୫ ଜଣ ଟିକା ନେଇସାରିଲେଣି ବୋଲି ସ୍ୱାସ୍ଥ୍ୟ ମନ୍ତ୍ରାଳୟ ପକ୍ଷରୁ ସୂଚନା ଦିଆଯାଇଛି ।