ଦେଶରେ କମୁଛି ସଂକ୍ରମଣ : ଦିନକରେ ୭୦,୪୨୧ ନୂଆ ଆକ୍ରାନ୍ତ, ୩୯୨୧ ମୃତ

କନକ ବ୍ୟୁରୋ : ଦେଶରେ କମୁଛି ସଂକ୍ରମଣ । ଗତ ୨୪ ଘଂଟାରେ ୭୦ ହଜାର ୪୨୧ ନୂଆ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ୩ ହଜାର ୯୨୧ଜଣଙ୍କ ମୃତ୍ୟୁ ହୋଇଛି । ଗୋଟିଏ ଦିନରେ କରୋନାରୁ ସୁସ୍ଥ ହୋଇଛନ୍ତି ୧ଲକ୍ଷ ୧୯ ହଜାର ୫୦୧ ଜଣ । ଦୈନିକ ସଂକ୍ରମଣକୁ ମିଶାଇ ମୋଟ ସଂକ୍ରମଣ ସଂଖ୍ୟା ୨ କୋଟି ୯୫ ଲକ୍ଷ ୧୦ ହଜାର ୪୧୦ । ସୁସ୍ଥ ହୋଇଛନ୍ତି ୨ କୋଟି ୮୧ ଲକ୍ଷ ୬୨ ହଜାର ୯୪୭ଜଣ । କରୋନା ସଂକ୍ରମିତ ହୋଇ ୩ଲକ୍ଷ ୭୪ ହଜାର ୩୦୫ଜଣଙ୍କ ଜୀବନ ଯାଇଛି । ଏବେବି କରୋନାରେ ସଂକ୍ରମିତ ହୋଇ ଚିକିତ୍ସିତ ହେଉଛନ୍ତି ୯ଲକ୍ଷ ୭୩ ହଜାର ୧୫୮ଜଣ ।