ଦେଶରେ କରୋନା ମୃତ୍ୟୁର ଅଲୋଡା ରେକର୍ଡ । ଗୋଟେ ଦିନରେ ସର୍ବାଧିକ ୬,୧୪୮ଜଣଙ୍କ ମୃତ୍ୟୁ, ବିହାରର ପୁରୁଣା ତଥ୍ୟ ମିଶିବାରୁ ଅଚାନକ ବଢ଼ିଲା ମୃତ୍ୟୁ ସଂଖ୍ୟା ।
କନକ ବ୍ୟୁରୋ : ଦେଶରେ ମହାମାରୀ ମୃତ୍ୟୁରେ ଅଲୋଡା ରେକର୍ଡ । ଗୋଟିଏ ଦିନରେ ପ୍ରଥମ ଥର ପାଇଁ ୬ହଜାର ଟପିଯାଇଛି ମୃତ୍ୟୁସଂଖ୍ୟା । ବିହାରର ପୁରୁଣା ତଥ୍ୟ ଯୋଡା ଯାଇଥିବାରୁ ଏପରି ଅଚାନକ ଗୋଟିଏ ଦିନରେ ପ୍ରଥମଥର ପାଇଁ ୬ହଜାର ଟପିଯାଇଛି ମୃତ୍ୟୁ ସଂଖ୍ୟା । ବିହାରରେ ପୂର୍ବରୁ ହୋଇଥିବା ୩ ହଜାର ୯୫୧ ମୃତ୍ୟୁସଂଖ୍ୟା ନୂଆଭାବେ ଯୋଡାଯାଇଛି । ତେବେ ବିହାରର ପୁରୁଣା ମୃତ୍ୟୁସଂଖ୍ୟାକୁ ଛାଡି ଦେଶରେ ଗତ ୨୪ ଘଂଟାରେ ୨ହଜାର୧୯୭ ଜଣଙ୍କ କରୋନା ଜନିତ ମୃତ୍ୟୁ ହୋଇଛି । ସେହିପରି ଦେଶରେ ଗତ ୨୪ ଘଂଟାରେ ୯୪ ହଜାର ୫୨ ନୂଆ ସଂକ୍ରମିତ ଚିହ୍ନଟ ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କରୋନା ମହାମାରୀର ଅଲୋଡା ରେକର୍ଡ । ଗୋଟିଏ ଦିନରେ ୬,୧୪୮ଜଣଙ୍କ ମୃତ୍ୟୁ । ଗତ ୨୪ ଘଂଟାରେ ଦେଶରେ ସର୍ବାଧିକ ୬ହଜାର ୧୪୮ ଜଣଙ୍କ ଭୂତାଣୁ ଜନିତ ମୃତ୍ୟୁ ଘଟିଛି । ଏହା ସହ ଦେଶର ମୋଟ୍ ମୃତ୍ୟୁସଂଖ୍ୟା ୩ଲକ୍ଷ ୫୯ ହଜାର ୬୭୬କୁ ବୃଦ୍ଧି ପାଇଛି ।
କୋଭିଡ୍ ଜନିତ ମୃତ୍ୟୁସଂଖ୍ୟାରେ ବିହାର ସରକାର ବ୍ୟାପକ ସଂଶୋଧନ କରିବା ପରେ ଏବେ ତାହା ୭୨ ପ୍ରତିଶତ ବୃଦ୍ଧି ପାଇ ୯ହଜାର ଟପିଛି । ଏଭଳି ଅଚାନକ ବୃଦ୍ଧି କେନ୍ଦ୍ର ସରକାରଙ୍କ ଦୈନିକ କୋଭିଡ ମୃୃତ୍ୟୁ ହିସାବକୁ ମଧ୍ୟ ପ୍ରଭାବିତ କରିଛି
ଏପ୍ରିଲ ଓ ମେ ମାସରେ ଦ୍ୱିତୀୟ ଲହରର ଦ୍ରୁତ ସଂକ୍ରମଣ ବେଳେ ବିହାର ସରକାର ସଂକ୍ରମଣ ଓ ମୃତ୍ୟୁ ସଂଖ୍ୟା ଲୁଚାଉଥିବା ଅଭିଯୋଗ ଉଠିଥିଲା । ପରେ ହାଇକୋର୍ଟଙ୍କ ନିର୍ଦ୍ଦେଶ ମୁତାବକ ହୋଇଥିବା ଅଡିଟ ରିପୋର୍ଟ ଅନୁସାରେ ୨୦୨୦ ଏବଂ ୨୦୨୧ ମାର୍ଚ୍ଚ ମଧ୍ୟରେ ବିହାରରେ କୋଭିଡ ଯୋଗୁଁ ୧ ହଜାର ୬ଶହ ଲୋକଙ୍କ ମୃତ୍ୟୁ ହୋଇଥିବା ବେଳେ ଚଳିତବର୍ଷ ଏପ୍ରିଲରୁ ଜୁନ୍ ମଧ୍ୟରେ ପ୍ରାୟ ୬ଗୁଣ ଅଧିକ ଅର୍ଥାତ ୭ହଜାର ୭୭୫ ଜଣଙ୍କ ମୃତ୍ୟୁ ହୋଇଛି । ସବୁ ଜିଲ୍ଲାରେ ଯାଂଚ କରାଯିବା ପରେ ୭୨ ପ୍ରତିଶତ ଅଧିକ ମୃତ୍ୟୁ ହୋଇଥିବା ଜଣାପଡିଛି ।
ମୃତ୍ୟୁ ସଂଖ୍ୟା ହିସାବରେ ବିହାର ଏବେ ୧୭ତମ ସ୍ଥାନରୁ ୧୨ତମ ସ୍ଥାନକୁ ଉଠିଛି । ଏହାସହ ବିହାରର ଏବେ ମୃତ୍ୟୁହାର ୪୨.୧ ପ୍ରତିଶତକୁ ବୃଦ୍ଧିପାଇଛି । ତେବେ ବିହାର ରାଜଧାନୀ ପାଟଣାରେ ସର୍ବାଧିକ ୨ହଜାର ୩୦୩ ଜଣଙ୍କ ମୃତ୍ୟୁ ହୋଇଛି ।