କନକ ବ୍ୟୁରୋ : ଦେଶରେ ହୁ ହୁ ହୋଇ ବୃଦ୍ଧି ପାଉଛି କରୋନା ସଂକ୍ରମଣ । ଗତ ୨୪ ଘଣ୍ଟାରେ ଦେଶରୁ ୧୩ଶହରୁ ଅଧିକ ସଂକ୍ରମିତ ଚିହ୍ନଟ ହୋଇଥିବା କେନ୍ଦ୍ର ସ୍ୱାସ୍ଥ୍ୟମନ୍ତ୍ରାଳୟ ପକ୍ଷରୁ ସୂଚନା ଦିଆଯାଇଛି । ୧୪୦ଦିନ ପରେ ଦେଶରେ ଦୈନିକ ସଂକ୍ରମଣ ୧୩ଶହ ଟପିବା ଚିନ୍ତାର କାରଣ ପାଲଟିିି । ଏଥିସହ କର୍ଣ୍ଣାଟକ, ଗୁଜରାଟ, ମହାରାଷ୍ଟ୍ରରୁ ଜଣେ ଲେଖାଏଁ ସଂକ୍ରମିତଙ୍କ ମୃତ୍ୟୁ ହୋଇଛି । ସେପଟେ କେରଳର ସ୍ଥିତି ବେହାଲ ହେବାରେ ଲାଗିଛି । ମୋଟ ସଂକ୍ରମିତଙ୍କ ମଧ୍ୟରୁ କେବଳ କେରଳରୁ ୧୭୨ଜଣ ରହିଛନ୍ତି । ୧୪ଟି ଜିଲ୍ଲାକୁ ହାଇଆଲର୍ଟ ରଖାଯାଇଛି । ସମସ୍ତ ସରକାରୀ ଓ ମେଡିକାଲ ହସପିଟାଲକୁ ଆବଶ୍ୟକୀୟ ଚିକିତ୍ସା ସାମଗ୍ରୀ ମହଜୁଦ ରଖିବାକୁ ନିର୍ଦ୍ଦେଶ ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସ୍ୱାସ୍ଥ୍ୟବିଶେଷଜ୍ଞଙ୍କ ମତରେ କୋଭିଡ ଅନୁରୂପ ବ୍ୟବହାର ଜରୁରୀ, ସନ୍ଦେହ ପ୍ରକାଶ ହେଲେ ଟେଷ୍ଟ କରନ୍ତୁ, ଗହଳି ସ୍ଥାନରୁ ଦୂରେଇ ରହିବା ଜରୁରୀ, ଆବଶ୍ୟକ ପଡିଲେ ଟେଷ୍ଟ କରିବା, ଡାକ୍ତରଙ୍କ ପରାମର୍ଶ ଲୋଡିବା ଜରୁରୀ । ବର୍ତମାନ ଲକଡାଉନ କିମ୍ବା କୌଣସି କଟକଣାରୁ ଆବଶ୍ୟକତା ନାହିଁ । ସଜାଗ ଏବଂ ସତର୍କ ରହିବା ନିହାତି ଜରୁରୀ ଅଟେ ।
ଦେଶରେ କରୋନା ସଂକ୍ରମଣ ବଢୁଥିବା ବେଳେ ବୁଧବାର ପ୍ରଧାନମନ୍ତ୍ରୀ ମୋଦିଙ୍କ ଅଧ୍ୟକ୍ଷତାରେ ସମୀକ୍ଷା ବୈଠକ ବସିଥିବାବେଳେ ଗୁରୁବାର ସ୍ୱାସ୍ଥ୍ୟମନ୍ତ୍ରାଳୟ ମଧ୍ୟ ବୈଠକ କରିଛି । ଟେଷ୍ଟ, ଟ୍ରିଟମେଣ୍ଟ, ଟ୍ରାକ, ଟିକା ଉପର ଜୋର ଦେବା ସହ ସଚେତନ ରହିବାକୁ ପରାମର୍ଶ ଦିଆଯାଇଛି ।
ଗୋଟେପଟେ ଇନଫୁଏଂଜା ମାମଲା ବୃଦ୍ଧି ଅନ୍ୟପଟେ କରୋନା ସଂକ୍ରମଣ ବଢ଼ିବା ନିଶ୍ଚିତଭାବେ ଦେଶ ପାଇଁ ଡବଲ ଟେନସନ ଆଣିଛି । ମହାରାଷ୍ଟ୍ର, ଦିଲ୍ଲୀ, ହିମାଚଳପ୍ରଦେଶ, କେରଳ, ତାମିଲନାଡୁ. ରାଜସ୍ଥାନ, ଗୁଜରାଟ, କର୍ଣ୍ଣାଟକ ୮ଟି ରାଜ୍ୟରେ ସବୁଠୁ ଅଧିକ ସଂକ୍ରମିତ ଚିହ୍ନଟ ହେଉଛନ୍ତି ଓ ଏହା ପଛରେ କୋଭିଡ ଏକ୍ସବିବି.୧.୧୬ ଭାରିଆଣ୍ଟ ରହିଥିବା ସ୍ୱାସ୍ଥ୍ୟ ବିଶେଷଜ୍ଞ କହିଛନ୍ତି ।