କନକ ବ୍ୟୁରୋ : ସାରା ବିଶ୍ୱରେ ଏବେ ଧନୀକଙ୍କ ସଂଖ୍ୟା ବୃଦ୍ଧିପାଇବାରେ ଲାଗିଛି । ସେପଟେ ଭାରତରେ କୋଟିପତିଙ୍କ ତାଲିକାରେ ଦୈନିକ ନୂଆ ନୂଆ ନାମ ଯୋଡି ହେବାରେ ଲାଗିଛି । ଏହାରି ଭିତରେ ଏକ ଖବର ଆସିଛି କି ବର୍ଷ ୨୦୨୨ ରେ ଭାରତରୁ ୮ ହଜାର କୋଟିପତି ଦେଶଛାଡି ବିଦେଶ ପଳାଇଯାଇଛନ୍ତି । ହେନଲେ ଆଣ୍ଡ ପାର୍ଟନର୍ସ ରିପୋର୍ଟ ମୁ୍ତାବକ ଚଳିତ ବର୍ଷ ୮ ହଜାରରୁ ଅଧିକ କୋଟିପତି ଭାରତ ଛାଡିଛନ୍ତି । କୋଟିପତିମାନଙ୍କ ପଳାୟନ ତାଲିକାରେ ସାରା ବିଶ୍ୱରେ ଭାରତର ସ୍ଥାନ ତୃତୀୟକୁ ବୃଦ୍ଧି ପାଇଛି । ଏହି ତାଲିକାରେ ପ୍ରଥମ ସ୍ଥାନରେ ଋଷ ଓ ଦ୍ୱିତୀୟ ସ୍ଥାନରେ ଚୀନ ରହିଛି ।
Kanak News is now on WhatsApp
Join and get latest news updates delivered to you via WhatsApp
ବିଜନେସ ଇନସାଇଡରରେ ଛପାଯାଇଥିବା ହନଲେ ଆଣ୍ଡ ପାର୍ଟନର୍ସର ଏକ ରିପୋର୍ଟରେ ସ୍ପଷ୍ଟ କୁହାଯାଇଛି କି ଭାରତ ସମେତ ଅନେକ ଦେଶର କୋଟିପତିମାନେ ଦେଶଛାଡି ନୂଆ ଠିକଣାକୁ ପଳାଇଯାଇଛନ୍ତି । ଏହି ତାଲିକାରେ ପ୍ରଥମ ସ୍ଥାନରେ ଥିବା ଋଷରୁ ୧୫ ହଜାର କୋଟିପତି, ଦ୍ୱିତୀୟ ସ୍ଥାନରେ ଥିବା ଚୀନରୁ ୧୦ ହଜାର କୋଟିପତି ଓ ଭାରତରୁ ୮ ହଜାର କୋଟିପତି ଦେଶ ଛାଡିଛନ୍ତି ।
ସେପଟେ ଦେଶଛାଡିଥିବା କୋଟିପତିମାନେ ବିଶେଷ ଭାବେ ୟୁଏଇ, ସିଂଗାପୁର, ଓ ଅଷ୍ଟ୍ରେଲିଆ ଭଳି ଦେଶକୁ ପଳାୟନ କରିଛନ୍ତି । ଏହି କ୍ରମରେ ନିଜ ନିଜର ଦେଶଛାଡିଥିବା କୋଟିପତିଙ୍କ ମଧ୍ୟରୁ ୟୁଏଇକୁ ୪ ହଜାର ଅଷ୍ଟ୍ରେଲିଆକୁ ୩.୫ ହଜାର ଓ ସିଂଗାପୁରକୁ ୨.୮୦୦ କୋଟିପତି ପହଂଚିଛନ୍ତି ।