କନକ ବ୍ୟୁରୋ: ଭାରତରେ ଦିନକୁ ଦିନ ନୂଆ ନୂଆ ଷ୍ଟାର୍ଟଅପ ସୃଷ୍ଟି ହୋଇଚାଲିଛି । ବର୍ତ୍ତମାନର ଯୁବପିଢୀ ଏଥିପ୍ରତି ବେସ ଆଗ୍ରହୀ ଥିବା ବେଳେ କେନ୍ଦ୍ର ସରକାରଙ୍କ ଦକ୍ଷତାବିକାଶକୁ ପ୍ରାଧାନ୍ୟ ପରେ ଦେଶରେ ଷ୍ଟାର୍ଟଅପର ନୂଆ ଯୁଗ ଆରମ୍ଭ ହୋଇସାରିଛି । ନିକଟରେ ବିଶ୍ୱ ଷ୍ଟାର୍ଟଅପର ଇକୋ ସିଷ୍ଟମ ଏବଂ ୟୁନିକର୍ଣ୍ଣ ସଂଖ୍ୟା ଦୃଷ୍ଟିରୁ ଭାରତ ବିଶ୍ୱରେ ତୃତୀୟ ସ୍ଥାନରେ ଥିବା ରିପୋର୍ଟ ସାମ୍ନାକୁ ଆସିଛି । ଦେଶରେ ଥିବା ୧୦୫ଟି ୟୁନିକର୍ଣ୍ଣରୁ ୨୦୨୧ରେ ୪୪ଟି ଏବଂ ୨୦୨୨ରେ ୧୯ଟି ସୃଷ୍ଟି ହୋଇଛି । କେନ୍ଦ୍ର ବିଜ୍ଞାନ ଓ ପ୍ରଯୁକ୍ତବିଦ୍ୟା ମନ୍ତ୍ରୀ ଜିତେନ୍ଦ୍ର ସିଂହ ଡିଏସଟି ଷ୍ଟାର୍ଟଅପ ଉତ୍ସବରେ ଉଦବୋଧନ ଦେବାବେଳେ କହିଛନ୍ତି, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବିଜ୍ଞାନ ଓ ପ୍ରଯୁକ୍ତିବିଦ୍ୟାରେ ବିଶେଷ ଧ୍ୟାନ ଦେଉଛନ୍ତି । ସେ ବିଶେଷ କରି ଯୁବବର୍ଗ ବିଭିନ୍ନ ଅସୁବିଧାର କେଉଁଭଳି ସମାଧାନ କରିବେ ସେଥିପାଇଁ ନୂଆ ନୂଆ ଜ୍ଞାନ ହାସଲ କରିପାରିବେ ତାହା ଉପରେ ଗୁରୁତ୍ୱ ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କେନ୍ଦ୍ରମନ୍ତ୍ରୀ କହିଛନ୍ତି ଭାରତରେ ଷ୍ଟାର୍ଟଅପ କେବଳ ମୋଟ୍ରା ସହରରେ ନରହି ଛୋଟ ଛୋଟ ସହର ଏବଂ ଗାଁରେ ମଧ୍ୟ ପହଞ୍ଚି ପାରିଛି । କେବଳ ବଡ ବଡ ସହର ନୁହେଁ ଟିୟର-୨, ଟିୟର-୩ ସହରରେ ୪୯ ପ୍ରତିଶତ ଷ୍ଟାର୍ଟଅପ ସୃଷ୍ଟି ହୋଇଛି । ବିଶେଷକରି ଆଇଟି, କୃଷି, ବିମାନସେବା, ଶିକ୍ଷା, ଶକ୍ତି, ସ୍ୱାସ୍ଥ୍ୟ, ମହାକାଶ କ୍ଷେତ୍ରରେ ନୂଆ ନୂଆ ଷ୍ଟାର୍ଟଅପ ସୃଷ୍ଟି ହେବାରେ ଲାଗିଛି ।
ଭାରତ ବର୍ତ୍ତମାନ ବିଶ୍ୱ ଷ୍ଟାର୍ଟଅପର ଇକୋ ସିଷ୍ଟମ ଏବଂ ୟୁନିକର୍ଣ୍ଣ ସଂଖ୍ୟା ଦୃଷ୍ଟିରୁ ବିଶ୍ୱରେ ତୃତୀୟ ସ୍ଥାନରେ ରହିଛି । ଆମ ପାଖରେ ନିବେଶ କରିବାର ମଧ୍ୟ ପ୍ରକୃଷ୍ଟ ସୁଯୋଗ ରହିଛି । ବିଶେଷ କରି ବିଜ୍ଞାନ ଓ ପ୍ରଯୁକ୍ତିବିଦ୍ୟାରେ ଏହିଭଳି ସଫଳତା ମିଳିପାରୁଛି । ମହାକାଶ ଅନୁସନ୍ଧାନ କ୍ଷେତ୍ରରେ ଭାରତ ବିଶ୍ୱରେ ପ୍ରଥମ ସ୍ଥାନରେ ରହିଛି । ମହାକାଶ ବିଜ୍ଞାନ କ୍ଷେତ୍ରରେ ଯୁବପିଢୀ ଆକ୍ଟିଭ ହୋଇ କାମ କରୁଛନ୍ତି ।
ଗ୍ଲୋବାଲ ଇନଭୋସନ ଇନଡେକ୍ସ (ଜିଆଇଆଇ)ର ବିଶ୍ୱସ୍ତରୀୟ ମାନ୍ୟତାରେ ୨୦୧୫ ମସିହାରେ ଭାରତ ୮୧ ତମ ସ୍ଥାନରେ ଥିବା ବେଳେ ୨୦୨୧ ମସିହାରେ ୪୬ ତମ ସ୍ଥାନରେ ରହିଛି । ୧୩୦ଟି ଦେଶ ମଧ୍ୟରେ ଭାରତ ଏହି ସଫଳତା ହାସଲ କରିଛି । ସେହିଭଳି ୩୪ ଟି ନିମ୍ନ ମଧ୍ୟମ ଆୟ ଦେଶ ତାଲିକାର ଦ୍ୱିତୀୟ ସ୍ଥାନରେ ରହିଛି । ୧୦ଟି କେନ୍ଦ୍ରୀୟ ଓ ଦକ୍ଷିଣ ଏସୀୟ ଦେଶର ଅର୍ଥନୀତି ତାଲିକାରେ ଭାରତ ପ୍ରଥମ ସ୍ଥାନରେ ରହିଛି । ଭାରତରେ ଷ୍ଟାର୍ଟଅପ ଇକୋ ସିଷ୍ଟମ ଓ ୟୁନିକର୍ଣ୍ଣ ବୃଦ୍ଧି ଯୋଗୁ ଜିଆଇଆଇ ରାଙ୍କିରେ କ୍ରମାଗତ ଉନ୍ନତି ହୋଇଚାଲିଛି ।