ପୁଲୱାମା ଆକ୍ରମଣ ପରେ ପାକିସ୍ତାନରେ ଫସିରହିଛନ୍ତି ଏହି ମହିଳା ! ବୈଦେଶିକ ମନ୍ତ୍ରୀଙ୍କୁ ଗୁହାରି କରି ବୋହୂକୁ ଘରକୁ ଫେରାଇ ଆଣିବା ପାଇଁ ନେହୁରା ହେଲେ ଶାଶୂ ।
ଫେବୃଆରି ୧୪ ରେ ପୁଲଓ୍ଵାମାରେ ଆତଙ୍କବାଦୀ ଆକ୍ରମଣ ହେବା ପରେ ଭାରତ-ପାକ୍ ମଧ୍ୟରେ ଥିବା ସଂପର୍କ ଆହୁରି ତିକ୍ତ ହୋଇ ଯାଇଥିଲା । ଯାହାର ପ୍ରଭାବ ଏବେ ଜଣେ ପାକିସ୍ତାନୀ ମହିଳାଙ୍କ ଉପରେ ପଡ଼ିଥିବା ସାମ୍ନାକୁ ଆସିଛି । ବାପାଙ୍କ ଦେହ ଖରାପ ଥିବାରୁ ପାକିସ୍ତାନରେ ଦେଖିବାକୁ ପହଞ୍ଚିଥିଲେ ମହିଳା । କିନ୍ତୁ ତାଙ୍କ ଭିସାର ସମୟ ଅବଧି ସରି ଯାଇଥିବାରୁ ସେ ଭାରତ ଫେରି ପାରୁ ନ ଥିବା କହିଛନ୍ତି ମହିଳାଙ୍କ ଶାଶୁ । ଏ ନେଇ ସେ ବୈଦେଶିକ ମନ୍ତ୍ରୀ ସୁଷମା ସ୍ୱରାଜଙ୍କୁ ସାହାଯ୍ୟ ମାଗିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ମହିଳାଙ୍କ ଶାଶୁଙ୍କ କହିବା ଅନୁଯାୟୀ, ଆମେ ହାଇଦ୍ରାବାଦରେ ରହୁଥିବା ବେଳେ ମୋ ପୁଅର ବିବାହ ୨୦୧୧ରେ ପାକିସ୍ତାନରେ ହୋଇଥିଲା । ଡିସେମ୍ବର ୧୮, ୨୦୧୮ରେ ମୋ ବୋହୂ ନିଜ ରୋଗଗ୍ରସ୍ତ ବାପାକୁ ଦେଖିବା ପାଇଁ ପାକିସ୍ତାନ ଯାଇଥିବା ବେଳେ ଫେବୃଆରିରେ ଫେରିବାର ଯୋଜନା ରହିଥିଲା । କିନ୍ତୁ ଭିସାର ଅବଧି ସରି ଯାଇଥିବା ଦେଖି ସେ ଭିସା ପାଇଁ ଆବେଦନ କରିଥିଲେ । କିନ୍ତୁ ପରେ ପରେ ପୁଲଓ୍ଵାମାରେ ଆକ୍ରମଣ ହେବାରୁ ତାଙ୍କର ଭିସା ଆବେଦନ ଉପରେ କୌଣସି କାର୍ୟ୍ୟ ଆଗକୁ ବଢ଼ିନାହିଁ । ଏ ପର୍ୟ୍ୟନ୍ତ ଭିସା ନ ମିଳିଥିବାରୁ ସେ ହାଇଦ୍ରାବାଦ୍ ଫେରି ପାରି ନାହାନ୍ତି । ଯାହା ପାଇଁ ମୁଁ ଏବେ ସୁଷମା ସ୍ୱରାଜଙ୍କୁ ଏ ନେଇ ସାହାଯ୍ୟ ମାଗିଛି ବୋଲି ସେ କହିଛନ୍ତି ।