କରୋନା ମୁକାବିଲାରେ ନମ୍ବର ୱାନ ଭାରତ । ଦେଶରେ ୯୬ ଦଶମିକ ୩୬ରେ ପହଞ୍ଚିଲା ଆରୋଗ୍ୟ ହାର । ୧କୋଟିରୁ ଅଧିକ ଲୋକ ହୋଇଛନ୍ତି ସୁସ୍ଥ
କନକ ବ୍ୟୁରୋ : ଦଶରେ କରୋନା ସୁସ୍ଥ ହାର ୯୬ ଦଶମିକ ୩୬ରେ ପହଂଚିଲା । ଦେଶରେ ୧କୋଟିରୁ ଅଧିକ ଲୋକ କରୋନା ଭୂତାଣୁ ଦ୍ୱାର ସଂକ୍ରମିତ ହେବା ପରେ ଆରୋଗ୍ୟ ଲାଭ କରିଛନ୍ତି । ଏହାସହ କୋଭିଡ ମୁକାବିଲାରେ ଭାରତ ଏକ ମାଇଲଖୁଂଟ ଅତିକ୍ରମ କରିଛି । ବର୍ତମାନ ସୁଦ୍ଧା କୋଭିଡରୁ ଆରୋଗ୍ୟ ହୋଇଥିବା ଲୋକଙ୍କ ସଂଖ୍ରା ଗୁରୁବାର ଦିନ ୧କୋଟି ୧୬ହଜାର ଅତିକ୍ରମ କରିଛି ।
Kanak News is now on WhatsApp
Join and get latest news updates delivered to you via WhatsApp
ଦୈନିକ ସଂକ୍ରମିତଙ୍କ ସଂଖ୍ୟା ମଧ୍ୟ ୨୫ହଜାରରୁ କମ ରହିଛି । ଏହାସହ କରୋନା ସଂକ୍ରମିତ ହୋଇ ଚିକିତ୍ସିତ ହେଉଥିବା ଲୋକଙ୍କ ସଂଖ୍ୟା ୨ଲକ୍ଷ ୨୮ହଜାର ରହିଛି । ଯାହା ମୋଟ ସଂକ୍ରମଣର ୨ଦଶମିକ ୧୯ପ୍ରତିଶତ । ସେମାନଙ୍କ ମଧ୍ୟରୁ ୬୦ପ୍ରତିଶତ ନିଜ ନିଜ ଘରେ ଆଇସୋଲେସନରେ ଅଛନ୍ତି ।
ସେହି ଲୋକଙ୍କ ନିକଟରେ କରୋନା ଲକ୍ଷଣ ସ୍ୱଳ୍ପରୁ ମଧ୍ୟମ ରହିଛି । ଦେଶରେ କୋଭିଡ ଆରୋଗ୍ୟ ହାର ବର୍ତମାନ ହ୍ରାସ ପାଉଥିବା ବେଳେ ଏହା ବର୍ତମାନ ୯୬ ଦଶମିକ ୩୬ରେ ପହଂଚିଛି । ଗତ ୨୪ଘଂଟାରେ ୧୯ହଜାର ୫ଶହ ୮୭ଜଣ ଆରୋଗ୍ୟ ହୋଇଛନ୍ତି ।