ପାକିସ୍ତାନକୁ ଚେତାବନୀ ଦେଲେ ଅମିତ ଶାହା । କହିଲେ, ପୁଣି ସର୍ଜିକାଲ ଷ୍ଟ୍ରାଇକ୍ କରିପାରିବ ଭାରତ
କନକ ବ୍ୟୁରୋ: ଜାମ୍ମୁକାଶ୍ମୀରରେ ଆତଙ୍କବାଦୀମାନେ ନାଗରିକମାନଙ୍କୁ କରିବା ଆକ୍ରମଣ ଘଟଣାରେ ଏବେ ପାକିସ୍ତାନକୁ ଚେତାବନୀ ଦେଇଛନ୍ତି କେନ୍ଦ୍ର ଗୃହମନ୍ତ୍ରୀ ଅମିତ ଶାହା । ଯଦି ଆଗାମୀ ଦିନରେ ପାକିସ୍ତାନ ଜାମ୍ମୁ କାଶ୍ମୀରରେ ଏଭଳି ଆତଙ୍କବାଦୀ ଗତିବିଧି ଜାରି ରଖେ ଏବଂ ନାଗରିକମାନଙ୍କୁ ହତ୍ୟା କରେ ତେବେ ପୁଣିଥରେ ତାକୁ ସର୍ଜିକାଲ୍ ଷ୍ଟ୍ରାଇକ୍ ଦେଖିବାକୁ ପଡିପାରେ ବୋଲି କହିଛନ୍ତି ଅମିତ ଶାହା ।
Kanak News is now on WhatsApp
Join and get latest news updates delivered to you via WhatsApp
ଅମିତ ଶାହ କହିଛନ୍ତି, ୨୦୧୬ରେ ଭାରତ, ପାକିସ୍ତାନରେ ସର୍ଜିକାଲ ଷ୍ଟ୍ରାଇକ୍ କରି ଏହା ପ୍ରମାଣିତ କରିସାରିଛି ଯେ, ଆମେ କଦାପି ଆକ୍ରମଣକୁ ବରଦାସ୍ତ କରିବୁନି । ଯଦି ସେମାନେ ନିୟମ ଭାଙ୍ଗିବେ ତେବେ ନିଶ୍ଚୟ ସର୍ଜିକାଲ ଷ୍ଟ୍ରାଇକ୍ ପୁଣି ହେବ ବୋଲି କେନ୍ଦ୍ର ଗୃହମନ୍ତ୍ରୀ କହିଛନ୍ତି ।
#WATCH | “Another important step was surgical strike under PM Modi & former Defence Minister Manohar Parrikar. We sent out a message that one should not disrupt India’s borders…There was a time when talks happened, but now is the time to reciprocate,” says Home Min Amit Shah pic.twitter.com/BrMFUfzLRT
— ANI (@ANI) October 14, 2021
“ପ୍ରଧାନମନ୍ତ୍ରୀ ମୋଦୀ ଓ ପୂର୍ବ ପ୍ରତିରକ୍ଷା ମନ୍ତ୍ରୀ ମନୋହର ପାରିକରଙ୍କ ଦ୍ୱାରା ଯୋଜନା କରାଯାଇଥିବା ସର୍ଜିକାଲ ଷ୍ଟ୍ରାଇକ୍ ଏକ ମହତ୍ତ୍ୱପୂର୍ଣ୍ଣ କାମ ଥିଲା । ଏହାଦ୍ୱାରା ଆମେ ବିଶ୍ୱକୁ ବାର୍ତ୍ତା ଦେଇଥିଲେ ଯେ, ଭାରତୀୟ ସୀମାକୁ ନେଇ କେହି ବି କୌଣସି ଭୁଲ୍ କାମ କରିପାରିବେ ନାହିଁ । ସେତେବେଳେ କଥାବାର୍ତ୍ତାରେ ଏପରି ବିଷୟରେ ବୁଝାମଣା ହେଉଥିଲା ହେଲେ ଏବେ ପ୍ରତିକ୍ରିୟା ଦେବାର ସମୟ ଆସିଛି”, କହିଛନ୍ତି କେନ୍ଦ୍ର ଗୃହମନ୍ତ୍ରୀ ଅମିତ ଶାହା ।
ସୂଚନାଯୋଗ୍ୟ ଯେ, ଗତ କିଛି ଦିନ ହେଲା ଜାମ୍ମୁ କାଶ୍ମୀରରେ ହିନ୍ଦୁ ଓ ଶିଖ ଧର୍ମର ଲୋକଙ୍କୁ ଟାର୍ଗେଟ କରାଯାଉଛି । ଆତଙ୍କୀମାନେ ସାଧାରଣ ଲୋକଙ୍କୁ ଟାର୍ଗେଟ କରି ହତ୍ୟା କରୁଥିବା ଦେଖିବାକୁ ମିଳୁଛି । ଏହାପରେ ସେଠାରେ ସେନା ନିଜର ଅପରେସନ ଜାରି ରଖିଥିବାବେଳେ ଆତଙ୍କୀମାନେ ସେନାର ଯବାନଙ୍କ ଉପରେ ମଧ୍ୟ ଆକ୍ରମଣ କରିଛନ୍ତି ।