ଟୋକିଓରେ ଭାରତୀୟ ପୁରୁଷ ହକି ଦଳର ଐତିହାସିକ ବିଜୟ : ଖେଳାଳି ଅମିତ ରୋହିଦାସଙ୍କ ପରିବାରରେ ଖୁସିର ମାହୋଲ
କନକ ବ୍ୟୁରୋ : ଟୋକିଓ ଅଲିମ୍ପିକ୍ସରେ ଇତିହାସ ରଚିଲେ ଭାରତୀୟ ପୁରୁଷ ହକି ଦଳ । ୪୧ ବର୍ଷ ପରେ ଅଲିମ୍ପିକ୍ସରୁ ଆସିଲା ମେଡାଲ । ବ୍ରୋଂଜ ମେଡାଲ ନିଜ ନାଁରେ କରିଛି ଭାରତୀୟ ପୁରୁଷ ହକି ଦଳ । ରୋମାଞ୍ଚକର ମୁକାବିଲାରେ ଜର୍ମାନୀକୁ ୫-୪ରେ ହରାଇ ଭାରତୀୟ ଦଳ ଇତିହାସ ରଚିଛି । ଭାରତ ପକ୍ଷରୁ ସିମରନଜିତ୍ ସିଂହ ଦୁଇଟି, ହରମନପ୍ରୀତ ସିଂହ, ଋପିନ୍ଦର ପାଲ ଓ ହାର୍ଦ୍ଦିକ୍ ସିଂହ ଗୋଟିଏ ଲେଖାଏଁ ଗୋଲ ଦେଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ଭାରତର ବିଜୟ ପରେ ଟିମରେ ସାମିଲ ଥିବା ଭାରତୀୟ ଦଳର ଖେଳାଳି ଅମିତ ରୋହିଦାସଙ୍କ ପରିବାରରେ ମଧ୍ୟ ଖୁସିର ମାହୋଲ । ଆଜିର ମ୍ୟାଚ୍କୁ ପରିବାର ସଦସ୍ୟଙ୍କ ସହ ଅନ୍ୟମାନେ ଏକାଠି ବସି ଦେଖିଥିଲେ । ଭାରତ ବିଜୟୀ ହେବା ପରେ ସମସ୍ତେ ସେଲିବ୍ରେସନ୍ କରିଥିଲେ, ଉତ୍ସବ ମନାଇଥିଲେ। ଟୋକିଓରେ ଗାଁର ପୁଅ ଦେଶର ନାଁ ରଖିଥିବାରୁ ସମସ୍ତେ ବେଶ୍ ଖୁସି ଅଛନ୍ତି ।