ଡିସେମ୍ବର ସୁଦ୍ଧା ଭାରତକୁ ମିଳିବ ଅଷ୍ଟ୍ରାଜେନେକାର ୧୦ କୋଟି ଟିକା: ଜୋରସୋରରେ ଚାଲିଛି ପ୍ରସ୍ତୁତି; ସିରମର ସିଇଓ କହିଲେ, ପ୍ରଥମ ପର୍ଯ୍ୟାୟ ଟିକା ପ୍ରଥମେ ଭାରତରେ ମିଳିବ
କନକ ବ୍ୟୁରୋ: ମହାମାରୀ କରୋନା ମୁକାବିଲା ପାଇଁ ବିଶ୍ୱର ସବୁଠାରୁ ବଡ଼ ସଂସ୍ଥା ସିରମ୍ ଇନ୍ଷ୍ଟିଚ୍ୟୁଟ ଟିକା ଉତ୍ପାଦନରେ ଲାଗିପଡ଼ିଛି । ଡ଼ିସେମ୍ବର ଶେଷ ସୁଦ୍ଧା ଭାରତକୁ ମିଳିବ ଅଷ୍ଟ୍ରାଜେନେକାର ୧୦ କୋଟି ଟିକା । ଯାହାର ପ୍ରସ୍ତୁତି ଜୋରସୋରରେ ଚାଲିଛି । ସିରମ୍ ଇନ୍ଷ୍ଟିଚ୍ୟୁଟର ସିଇଓ ଆଦର ପୁନାୱାଲ ଏହା କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଅଷ୍ଟ୍ରାଜେନେକାର କୋଭିଡ଼ ଟିକା ଭାଇରାସରୁ ସୁରକ୍ଷା ଦେବାରେ ସଫଳ ହୋଇଥିବାରୁ ଏହାର ୧୦୦ କୋଟି ମାତ୍ରା ପ୍ରସ୍ତୁତ କରିବାକୁ ସରିମ୍ ଚୁକ୍ତିବଦ୍ଧ ହୋଇଛି । ସିରମ୍ ପ୍ରଥମ ପର୍ଯ୍ୟାୟରେ ଯେଉଁ ଟିକା ତିଆରି କରିବ ତାହା ପ୍ରଥମେ ଭାରତରେ ଉପଲବ୍ଧ ହେବ ବୋଲି ପୁନାୱାଲା ସ୍ପଷ୍ଟ କରିଛନ୍ତି । ଏହି ଟିକା ବର୍ତମାନ ଦେଶରେ ୩ ପର୍ଯ୍ୟାୟ ପରୀକ୍ଷଣ ହେଉଛି ।