କନକ ବ୍ୟୁରୋ: ବାର୍ବଡୋସରେ ଟି-୨୦ ବିଶ୍ୱକପ ଫାଇନାଲ ମ୍ୟାଚରେ ଦକ୍ଷିଣ ଆଫ୍ରିକାକୁ ୧୭୭ ରନର ଟାର୍ଗେଟ୍ ଦେଲା ଟିମ୍ ଇଣ୍ଡିଆ । କୋହଲିଙ୍କ ଦମଦାର ୭୬ ରନ ଏବଂ ଅକ୍ଷର ପଟେଲଙ୍କ ଧୂଆଁଦାର ବ୍ୟାଟିଂ ବଳରେ ଭାରତ ୨୦ ଓଭରରେ ୭ ୱିକେଟ୍ ହରାଇ ୧୭୬ ରନ କରିବାକୁ ସକ୍ଷମ ହୋଇଛି । ତେବେ ଭାରତ ପ୍ରାରମ୍ଭିକ ବ୍ୟାଟିଂ ବିପର୍ଯ୍ୟୟର ସାମ୍ନା କରିଥିଲା କାରଣ ରୋହିତଙ୍କ ବ୍ୟାଟ୍ ପୂର୍ବ ମ୍ୟାଚ ଭଳି ଚାଲିନଥିଲା । ଏପରିକି କାମ ଦେଲାନି ପନ୍ଥ ଓ ସୂର୍ଯ୍ୟ କୁମାରଙ୍କ ଫର୍ମ । ତେବେ ୩ଟି ୱିକେଟ ଯିବା ପରେ ପାଳି ସମ୍ଭାଳିଲେ ଭାରତର ଷ୍ଟାର ବ୍ୟାଟ୍ସମାନ ବିରାଟ କୋହଲି । ବିଶ୍ୱକପ ଆରମ୍ଭରୁ ଆଜି ଯାଏ କୋହଲି ବଡ଼ ସ୍କୋର କରିବାରେ ବିଳଫ ହୋଇଥିବା ବେଳେ ଆଜି ବିରାଟଙ୍କ ବ୍ୟାଟରୁ ବିରାଟ ସ୍କୋର ଦେଖିବାକୁ ମିଳିଛି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଏବେ ଟିମ୍ ଇଣ୍ଡିଆର ବୋଲିଂ ଲାଇନ ଶକ୍ତିଶାଳି ଥିବାରୁ ୧୭୭ ରନର ଟାର୍ଗେଟକୁ ହାସଲ କରିବା ପାଇଁ ଦକ୍ଷିଣ ଆଫ୍ରିକା ମଧ୍ୟ ନାକେଦମ୍ କରିବ । ବୁମରା, ଅର୍ଶଦୀପଙ୍କ ସୁଇଙ୍ଗ ଓ କୁଳଦୀପ ଯାଦବ, ଅକ୍ଷର ପଟେଲଙ୍କ ସ୍ପିନ୍ ପ୍ରତିପକ୍ଷଙ୍କ ନିଦ ହଜାଇ ପାରିଲେ ହିଁ ଫାଇନାଲରେ ଭାରତକୁ ବିଜୟ ମୁକୁଟ ପିନ୍ଧାଇବା ନେଇ ଆଶା ବାନ୍ଧିଛନ୍ତି କ୍ରୀଡ଼ାପ୍ରେମୀ ।