କନକ ବ୍ୟୁରୋ : ସ୍ୱାଧୀନତା ପରେ ସବୁଠାରୁ ବଡ ଆନ୍ଦୋଳନ କୁହାଯାଉଥିବା କୃଷକ ଆନ୍ଦୋଳନର ବିଜୟ ହୋଇଛି । ନିଜେ ପ୍ରଧାନମନ୍ତ୍ରୀ ଆଜି ଦେଶବାସୀଙ୍କୁ ସମ୍ବୋଧିତ କରି ସଂସଦରେ ପାରିତ ହୋଇଥିବା ୩ ଟି କୃଷି ଆଇନ ପ୍ରତ୍ୟାହାର କରାଗଲା ବୋଲି ଘୋଷଣା କରିଛନ୍ତି । ଖୋଦ ପ୍ରଧାନମନ୍ତ୍ରୀ ସଂସଦରେ ଆଇନ ପାରିତ କରିବା ଓ ପାଖା ପାଖି ଆନ୍ଦୋଳନରେ ୬୦୦ କୃଷକଙ୍କ ଜୀବନ ଯିବା ପରେ ସରକାର ଏହାକୁ ପ୍ରତ୍ୟାହାର ଘୋଷଣା ପରେ ସରକାରଙ୍କୁ ସୋସିଆଲ ମିଡିଆରେ ଟ୍ରୋଲ ହେବାକୁ ପଡିଛି ।
Kanak News is now on WhatsApp
Join and get latest news updates delivered to you via WhatsApp
ବିରୋଧୀଦଳମାନେ ଏହାକୁ ସରକାର ନୁହେଁ ବରଂ ଜଣେ ଏକଛତ୍ରବାଦୀ ଶାସକର ପରାଜୟ ବୋଲି କହୁଥିବା ବେଳେ କେହି କେହି ଆଗାମୀ ନିର୍ବାଚନକୁ ଆଖି ଆଗରେ ରଖି ବିଜେପି ଏଭଳି ପ୍ରତିଶ୍ରୁତି ଦେଉଛି ବୋଲି ସନ୍ଦେହ କରୁଛନ୍ତି । ଏହି କ୍ରମରେ ଚଳଚିତ୍ର ଅଭିନେତ୍ରୀ ତଥା ସମାଜସେବୀ ରୀଚା ଚଢା କହିଛନ୍ତି କି ଏହା ଦେଶର ଅନ୍ନଦାତାମାନଙ୍କ ପାଇଁ ଐତିହାସିକ ବିଜୟ ଓ କୃଷକଙ୍କ ଠାରୁ ଦେଶବାସୀ ଶିକ୍ଷାନେବା ଦରକାର କି ନିଜର ହକ୍ ଓ ଅଧିକାରକୁ କିଭଳି ଛଡାଇ ଅଣାଯାଏ ।
India has lots to learn from its farmers! Salute 🙏🏽 https://t.co/ATLhTYsh7M
— RichaChadha (@RichaChadha) November 19, 2021
ସେହିଭଳି ଅଭିନେତା ତଥା ମୋଦୀ ବିରୋଧୀଭାବେ ଜଣାଶୁଣା ପ୍ରକାଶ ରାଜ କହିଛନ୍ତି କି ରାଜାଙ୍କ ମୁଣ୍ଡ ନୁଆଁଇ ଦେଲେ ପ୍ରଜା । ଏହାସହ ଅଭିନେତ୍ରୀ ତାପସୀ ପନ୍ନୁ ପ୍ରଧାନମନ୍ତ୍ରୀଙ୍କ ଟ୍ୱିଟକୁ ସ୍କ୍ରିନ ସର୍ଟ ମାରି ଲେଖିଛନ୍ତି କି ଗୁରୁପର୍ବରେ ସମସ୍ତଙ୍କୁ ଅଭିନନ୍ଦନ ।