ଭାରତ ଆକାଶରେ ଆଉ ଉଡିବନି ବୋଇଂ-୭୩୭ ! ସୁରକ୍ଷାଗତ କାରଣ ଦର୍ଶାଇ ବିମାନ ଚଳାଚଳ ଉପରେ କଟକଣା ଲଗାଇଲେ ସରକାର
ଇଥିଓପିଆ ଦୁର୍ଘଟଣା ପରେ ପଦକ୍ଷେପ
କନକ ବ୍ୟୁରୋ: ଭାରତୀୟ ଆକାଶରେ ଏବେ ଆଉ ଉଡିବନି ବୋଇଂ ୭୩୭ ମ୍ୟାକ୍ସ ୮ ବିମାନ । ଭାରତ ସରକାର ଲଗାଇଲେ କଟକଣା । ଇଥିଓପିଆରେ ବୋଇଂ ୭୩୭ ମ୍ୟାକ୍ସ ୮ ବିମାନ ଦୁର୍ଘଟଣା ପରେ ଏହା ଉପରେ କଟକଣା ଲଗାଇଛନ୍ତି । ଗତକାଲି ରାତିରେ ବେସାମରିକ ବିମାନ ଚଳାଚଳ ବିଭାଗ ଏନେଇ କଟକଣା ଜାରି କରିବା ସହ ଆଜି ସୁରେଶ ପ୍ରଭୁ ଏନେଇ ବିଭିନ୍ନ ବିମାନ କମ୍ପାନୀ ଓ ଏଜେନ୍ସି ସହିତ ଜରୁରୀ ବୈଠକ ଡାକିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏଥିରେ ଖାସ୍ କରି ଯାତ୍ରୀଙ୍କ ସମସ୍ୟା ନେଇ ଆଲୋଚନା କରିବା ପରେ ପରବତ୍ତୀ ନିଷ୍ପତି ନିଆଯିବ ବୋଲି କୁହାଯାଇଛି । ବିଭାଗ କହିଛି ବୋଇଂ ୭୩୭ ବିମାନର ସୁରକ୍ଷା ନେଇ ଯାଂଚ ପୁରା ନହେବା ଯାଏ ଏହି ବିମାନକୁ ଭାରତରେ ଉଡାଣ ଅନୁମତି ଦିଆଯିବ ନାହିଁ । ଇଥିଓପିଆରେ ବୋଇଂ ବିମାନ ଦୁର୍ଘଟଣା ପରେ ସାରାବିଶ୍ୱରେ ଏହି କାଟାଗୋରୀର ବିମାନକୁ ନେଇ ଏବେ ଆତଙ୍କ ଦେଖା ଦେଇଛି । କାରଣ ଗତ ୬ ମାସ ମଧ୍ୟରେ ବୋଇଂ ୭୩୭ ମ୍ୟାକ୍ସ ୮ ବର୍ଗର ୨ଟି ବିମାନ ଦୁର୍ଘଟଣା ଘଟି ସାରିଲାଣି ।
ହେଲେ ଏହି ଦୁର୍ଘଟଣାର କାରଣ ଅସ୍ପଷ୍ଟ ରହିଛି । ହଠାତ୍ ମଝି ଆକାଶରେ କାହିଁକି ଧୋକା ଦେଉଛି ବୋଇଂ ୭୩୭ ବିମାନ , ତାକୁ ନେଇ ସମସ୍ତଙ୍କ ମଧ୍ୟରେ ଆଶଙ୍କା ଦେଖା ଦେଇଛି । ଭାରତ ପୂର୍ବରୁ ବ୍ରିଟେନ୍ , ଫ୍ରାନ୍ସ, ଜର୍ମାନୀ, ଅଷ୍ଟ୍ରେଲିଆ, ସିଙ୍ଗାପୁର, ମଲେସିଆ, ଆୟାରଲାଣ୍ଡ, ଆଇସଲାଣ୍ଡ, ଓମାନ୍, ଚୀନ୍ , ଇଣ୍ଡୋନେସିଆ, ଦକ୍ଷିଣକୋରିଆ ଏହି ବୋଇଂ ୭୩୭ ବିମାନ ଉଡାଣ ଉପରେ କଟକଣା ଜାରି କରିଛନ୍ତି ।