ଆଜିଠାରୁ ଭାରତକୁ ମିଳିଲା ୟୁଏନଏସସିର ଅଧ୍ୟକ୍ଷତା, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ହେବ ସୁରକ୍ଷା ପରିଷଦର ବୈଠକ
କନକ ବ୍ୟୁରୋ : ଆଜିଠାରୁ ଭାରତ ସଂଯୁକ୍ତ ରାଷ୍ଟ୍ର ସୁରକ୍ଷା ପରିଷଦର ଅଧ୍ୟକ୍ଷତା ସମ୍ଭାଳିବାକୁ ଯାଉଛି । ଏହି କ୍ରମରେ ୨୦୨୧ ସୁରକ୍ଷା ପରିଷଦ ବୈଠକରେ ଭାରତ ଅଧ୍ୟକ୍ଷତା କରିବ । ସଂଯୁକ୍ତ ରାଷ୍ଟ୍ରରେ ଭାରତରୁ ପ୍ରତିନିଧିତ୍ୱ କରୁଥିବା ଟି.ଏସ୍ ତିରୁମୂର୍ତ୍ତି କହିଛନ୍ତି କି ଭାରତ ୩ ଟି ଉଚ୍ଚସ୍ତରୀୟ ବୈଠକ କରିବାକୁ ଯାଉଛି । ଯେଉଁଥିରେ ସମୁଦ୍ର ସୁରକ୍ଷା, ଶାନ୍ତି ସ୍ଥାପନା ଓ ଆତଙ୍କବାଦ ମୁକାବିଲା ଭଳି ପ୍ରସଙ୍ଗ ଉପରେ ଆଲୋଚନା ହେବ ।
Kanak News is now on WhatsApp
Join and get latest news updates delivered to you via WhatsApp
ସେହିଭଳି ସଂଯୁକ୍ତ ରାଷ୍ଟ୍ରରେ ଭାରତର ପୂର୍ବତନ ସ୍ଥାୟୀ ପ୍ରତିନିଧି ସୟଦ ଅକବରୂଦ୍ଦିନ କହିଛନ୍ତି କି, ନରେନ୍ଦ୍ର ମୋଦୀ ହେଉଛନ୍ତି ଭାରତର ପ୍ରଥମ ପ୍ରଧାନମନ୍ତ୍ରୀ ଯିଏ କି ସୁରକ୍ଷା ପରିଷଦ ବୈଠକରେ ଅଧ୍ୟକ୍ଷତା କରିବେ । ଏହା ପୂର୍ବରୁ ୧୯୯୨ ମସିହାରେ ଭାରତର ପ୍ରଧାନମନ୍ତ୍ରୀ ନରସିଂମା ରାଓ ସୁରକ୍ଷା ପରିଷଦ ବୈଠକରେ ସାମିଲ ହୋଇଥିଲେ । ସେ ଆହୁରି କହିଛନ୍ତି କି ଏହି ବୈଠକ ଭର୍ଚୁଆଲ ମାଧ୍ୟମରେ ହେଉଥିଲେ ବି ଏହା ଭାରତ ପାଇଁ ଐତିହାସିକ ସଫଳତା ।
As we take over UNSC Presidency for August, look forward to working productively with other members. India will always be a voice of moderation, an advocate of dialogue and a proponent of international law: External Affairs Minister Dr. S Jaishankar
(file photo) pic.twitter.com/sUgqOkyAlc
— ANI (@ANI) August 1, 2021
କହିରଖୁ କି ସଂଯୁକ୍ତ ରାଷ୍ଟ୍ର ସୁରକ୍ଷା ପରିଷଦରେ ୧୫ ଟି ଦେଶ ସାମିଲ ଅଛନ୍ତି । ଯେଉଁଥିରେ ୫ ଟି ଦେଶ ସ୍ଥାୟୀ ଓ ୧୦ ଟି ଦେଶ ଅସ୍ଥାୟୀ ସଦସ୍ୟତା ପାଇଛନ୍ତି । ସଂଯୁକ୍ତ ରାଷ୍ଟ୍ର ସୁରକ୍ଷା ପରିଷଦରେ ସ୍ଥାୟୀ ସଦସ୍ୟ ଥିବା ଦେଶଗୁଡିକ ହେଲେ ଚୀନ, ଫ୍ରାନ୍ସ, ଋଷ, ବ୍ରିଟେନ ଓ ଆମରିକା । ଏହି ପରିଷଦରେ ଭାରତ ଅସ୍ଥାୟୀ ସଦସ୍ୟତା ପାଇଛି । ଅସ୍ଥାୟୀ ସଦସ୍ୟ ଭାବେ ଭାରତକୁ ୨ ବର୍ଷର କାର୍ଯ୍ୟକାଳ ମିଳିଛି । ଯାହାକି ଜାନୁଆରୀ ପହିଲା ୨୦୨୧ ରୁ ଆରମ୍ଭ ହୋଇଛି ।
ଅଗଷ୍ଟ ପହିଲାରୁ ଭାରତ ସୁରକ୍ଷା ପରିଷଦର ଅଧ୍ୟକ୍ଷ ଭାବେ କାର୍ଯ୍ୟକରିଛି । ଏହି ଅଧ୍ୟକ୍ଷତା ଗୋଟିଏ ମାସ ପାଇଁ ରହିବ । ପ୍ରତିମାସ ଇଂରାଜୀ ଅକ୍ଷର ଆଧାରରେ ଅଧ୍ୟକ୍ଷତା ବଦଳିବ । ଏହି କ୍ରମରେ ଡିସେମ୍ବର ୨୦୨୨ ରେ ଭାରତକୁ ପୁଣି ଅଧ୍ୟକ୍ଷତା କରିବାର ସୁଯୋଗ ମିଳିବ ।