ଲକଡାଉନର ସଫଳତା କଥା କହିଲେ କେନ୍ଦ୍ର ସରକାର । କରୋନା ସଂକ୍ରମଣକୁ ମନ୍ଥର କଲା ଲକଡାଉନ ଓ କଣ୍ଟେନମେଣ୍ଟ କଟକଣା, ତାଲାବନ୍ଦ ହୋଇନଥିଲେ ୨ଲକ୍ଷ ଟପିସାରନ୍ତାଣି ଆକ୍ରାନ୍ତଙ୍କ ସଂଖ୍ୟା ।
କନକ ବ୍ୟୁରୋ: କରୋନା ମୁକାବିଲା ପାଇଁ ଲକ୍ ଡାଉନ ଯୋଗୁଁ କଣ୍ଟେନ୍ମେଣ୍ଟ କଟକଣା ଗୁରୁତ୍ୱପୂର୍ଣ୍ଣ ଅସ୍ତ୍ର । ଲକ ଡାଉନର ସଫଳତା କଥା କହିଛନ୍ତି କେନ୍ଦ୍ର ସ୍ୱାସ୍ଥ୍ୟମନ୍ତ୍ରାଳୟର ଯୁଗ୍ମ ସଚିବ ଲବ ଅଗ୍ରୱାଲ । ସେ କହିଛନ୍ତି କି, ମାର୍ଚ୍ଚ ୨୫ ପୂର୍ବରୁ କରୋନା ସଂକ୍ରମଣର ବେଗ ଯାହା ଥିଲା, ତାହା ଜାରି ରହିଥିଲେ ଆଜି ଦେଶରେ ୨ଲକ୍ଷରୁ ଅଧିକ ସଂକ୍ରମିତ ଚିହ୍ନଟ ହୋଇଥାନ୍ତେ ।
Kanak News is now on WhatsApp
Join and get latest news updates delivered to you via WhatsApp
ଏହାଛଡା ଆଇସିଏମଆର ରିପୋର୍ଟ ବାବଦରେ ସ୍ପଷ୍ଟୀକରଣ ଦେଇ କହିଥିଲେ, ତାହା କରୋନା ସଂକ୍ରମଣର ଏକ ବିସ୍ତୃତ ବିଶ୍ଲେଷଣ ତଥ୍ୟ । ଲକଡାଉନ ଯୋଗୁଁ ଦେଶରେ କରୋନା ସଂକ୍ରମଣର ବେଗ ମନ୍ଥର ହୋଇଥିବା କହିଛନ୍ତି ସ୍ୱାସ୍ଥ୍ୟ ସଚିବ । କରୋନା ମୁକାବିଲା ପାଇଁ ସରକାରଙ୍କ ପ୍ରସ୍ତୁତି ବାବଦରେ ସୂଚନା ଦେଇ ଲବ ଅଗ୍ରୱାଲ କହିଥିଲେ ଦେଶରେ ୫୮୬ଟି କୋଭିଡ- ହସ୍ପିଟାଲରେ ସଂକ୍ରମିତଙ୍କ ଚିକିତ୍ସା କରାଯାଉଛି । ସଂପୃକ୍ତ ହସ୍ପିଟାଲ ଗୁଡିକରେ ୧ ଲକ୍ଷ ଆସୋଲେସନ ବ୍ୟାଡ ପ୍ରସ୍ତୁତ ରହିଛି ।
ତେବେ ଦେଶରେ ବର୍ତ୍ତମାନ ସୁଦ୍ଧା ୭ ହଜାର ୭୪୪୭ ଜଣ ସଂକ୍ରମିତ ଚିହ୍ନଟ ହୋଇଛନ୍ତି । ୬୪୩ ଜଣ ସୁସ୍ଥ ହୋଇଥିବା ବେଳେ ମୃତ୍ୟୁ ସଂଖ୍ୟା ୨୩୯କୁ ଛୁଇଁଛି । ଗତ ୨୪ ଘଂଟାରେ ୧ ହଜାର ୩୫ ଜଣ ସଂକ୍ରମିତ ଚିହ୍ନଟ ହୋଇଥିବା ବେଳେ ୪୭ ଜଣଙ୍କ ମୃତ୍ୟୁ ହୋଇଛି ।