କନକ ବ୍ୟୁରୋ : କରୋନା ଟିକାକରଣ ମାମଲାରେ ଭାରତ, ବିଶ୍ୱର ଅନ୍ୟ ସମସ୍ତ ଦେଶକୁ ପଛରେ ପକାଇଛି । ସାରା ବିଶ୍ୱରେ ଭାରତ ଦ୍ରୁତତମ ୫୦ ଲକ୍ଷ ଟିକାକରଣ କରି ନୂଆ ମାଇଲଖୁଂଟକୁ ଛୁଇଁଛି । ଜାନୁୟାରୀ ୧୬ରୁ ଟିକାକରଣ ଆରମ୍ଭ ହୋଇଥିବା ବେଳେ ମାତ୍ର ୨୧ ଦିନ ଭିତରେ ଅଧାକୋଟି ଲୋକଙ୍କୁ ଟିକା ଦେଇଛି ଭାରତ ।
Kanak News is now on WhatsApp
Join and get latest news updates delivered to you via WhatsApp
ପ୍ରେସମିଟରେ କେନ୍ଦ୍ର ସ୍ୱାସ୍ଥ୍ୟମନ୍ତ୍ରାଳୟର ଅତିରିକ୍ତ ସଚିବ ମନୋହର ଅଗ୍ନାନି କହିଛନ୍ତି, ଭାରତରେ ମାତ୍ର ୨୧ ଦିନରେ ୫୦ଲକ୍ଷ ଲୋକଙ୍କୁ ଟିକା ଦିଆଯାଇପାରିଛି । ଆମେରିକାରେ ୫୦ ଲକ୍ଷ ଲୋକଙ୍କୁ ଟିକା ଦେବା ପାଇଁ ୨୪ ଦିନ ସମୟ ଲାଗିଥିବା ବେଳେ ବ୍ରିଟେନରେ ୪୩ ଓ ଇସ୍ରାଏଲରେ ୪୫ ଦିନରେ ୫୦ଲକ୍ଷ ଲୋକଙ୍କୁ ଟିକା ଦିଆଯାଇଥିଲା । ମୋନହର ଅଗ୍ନାନି କହିଛନ୍ତି ଶୁକ୍ରବାର ଦେଶରେ ୩ ଲକ୍ଷ ୩୧ ହଜାର ୨୯ ଜଣଙ୍କୁ କରୋନା ଟିକା ଦିଆଯାଇଛି । ଏହାକୁ ମିଶାଇ ଦେଶରେ ୫୨ ଲକ୍ଷ ୯୦ ହଜାର ୪୭୪ ଜଣ କରୋନା ଟିକା ନେଇଥିବା ସେ ସୂଚନା ଦେଇଛନ୍ତି ।